JEREMI 16:11 - Bibəl ta Sar̄

¹¹ ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

Bible sar

¹¹ ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ *ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

JEREMI 16:11 Referans Kwoze

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

EJEKIEL 11:21

Banī ngé rɔȳ nə́ɓā kə́ rɔ̄kum aĺ gə̄ ō, ngé rāā yá̰á̰ kə́ majaĺ ngá̰ý tɔdɔ̄ nin̄ unən̄ i gō ngur gə̄ kə́ kemdə́ tə́ ō ní, m-ā m̄-rāādə́ kadə̄ nin̄ a əgān̄ kə̄rā háĺdə́. Yá̰á̰ mā Kɔ́ɔ̄ɓē Nə́ɓā m-ə́dásí kə̄ ndágá ní n noó.

JEREMI 22:9

De gə̄ a télən̄ yā kədadə́ na: I tɔdɔ̄ mbātə́n̄ madə̄ naā yā Kɔ́ɔ̄ɓē Nə́ɓā yādə́ ba ɔsən̄ nodə́ nang tə́ no nə́ɓā kə́ rang gə̄ tə́ ō, rāān̄ kəla adə̄n̄də́ ō.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

1 MBAN̄G GƏ̄ 9:9

Anī a tél a ədan̄də́ na i tɔdɔ̄ nin̄ əya̰n̄ Kɔ́ɔ̄ɓē Nə́ɓā yādə́ ń teē kə kaadə́ gēé kɔ̄ɔ́ kem ɓē kə́ Ejiptə tə́ ní. Nin̄ əya̰nən̄ kɔ̄ɔ́ ba tél namə̄n̄ kə nə́ɓā kə́ rang gə̄ ō, ɔsən̄ nodə́ nang tə́ nodə́ tə́ ō, rāān̄ kəla adə̄n̄də́ ō. I tām̄ ń noō tə́ n Kɔ́ɔ̄ɓē reēń kə yá̰á̰ kə́ to kum kaȳ aĺ gə̄ malang ń toō dɔdə́ tə́ ní.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

2 YÁ̰A̰ GƏ̄ 7:22

Anī a télən̄ yā kədan na: I tām̄ kəya̰ kə́ ngán Israel gə̄ əya̰n̄ Kɔ́ɔ̄ɓē Nə́ɓā yā kaadə́ gə̄ ń teē sedə́ kɔ̄ɔ́ kem ɓē kə́ Ejiptə tə́ ní kɔ̄ɔ́ tə́. Kɔ́ɔ̄ɓē rāādə́ yá̰á̰ kə́ to kum kaȳ aĺ gə̄ ń noō malang i tām̄ kəsō kə́ nin̄ əsōn̄ kə̄ nang tə́ kə̄ no nə́ɓā kə́ rang gə̄ tə́ rɔȳn̄də́ ō, rāān̄ kəla adə̄n̄ nə́ɓā kə́ rang gə̄ ō tə́.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

MALASI 3:7

Jī bēl̄ loo rāā yá̰a̰ gə̄ ń m̄-ndóōsí ní, sḭḭ̄ ə́ya̰īdə́ sa̰y kɔ̄ɔ́, úniī gōdə́ alé, tītə̄ ń kaasí gə̄ rāānəń ní. Ī-téliī kə̄ rɔ̄ḿ tə́, anī m-ā m̄-tél kə̄ rɔ̄sí tə́. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní. Banī sḭḭ̄ ī-dəjeī najə̄ ə́daī na ké ā ī-téliī kə̄ rɔ̄ḿ tə́ i ba̰ý wa.

NGÉ SARYA 2:11

Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

NŌŌ RƆ̄ 5:7

Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.