JEREMI 16:10 - Bibəl ta Sar̄

¹⁰ Dan ń ḭ̄ ā ə́dá gír de gə̄ ń toō najə̄ gə̄ ń noō malang, ba nin̄ a ədanī na ké i tām̄ rí tə́ á Kɔ́ɔ̄ɓē əda kadə̄ yá̰á̰ kə́ to kum kaȳ aĺ kə rāādə́ ō, ké yá̰á̰ kə́ gōtə́ aĺ ō, kə́ majaĺ ō ń n-rāān̄ kə Kɔ́ɔ̄ɓē Nə́ɓā yādə́ ní ké i rí ō wa anī,

Bible sar

¹⁰ Dan ń ḭ̄ ā ə́dá gír de gə̄ ń toō najə̄ gə̄ ń noō malang, ba nin̄ a ədanī na ké i tām̄ rí tə́ á Kɔ́ɔ̄ɓē əda kadə̄ yá̰á̰ kə́ to kum kaȳ aĺ kə rāādə́ ō, ké yá̰á̰ kə́ gōtə́ aĺ ō, kə́ majaĺ ō ń n-rāān̄ kə Kɔ́ɔ̄ɓē Nə́ɓā yādə́ ní ké i rí ō wa anī,

JEREMI 16:10 Referans Kwoze

JEREMI 5:19

Dan ń sḭḭ̄ ā ə́daī na: I tām̄ rí tə́ á Kɔ́ɔ̄ɓē yājí rāā adə̄ yá̰a̰ gə̄ ń toō malang rāān̄jí ní? Anī ā ə́dádə́ na: Sḭḭ̄ ī-mbātə́mī ba ī-rāāī kəla ādī nə́ɓā yā tə̄rā gə̄ dɔ nang yāsí tə́ ní, ā ī-rāāī kəla tītə̄ ń noō yā kadə̄ tə̄rā gə̄ dɔ nang kə́ ndetəsí aĺ tə́.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

OJEE 12:8

Kɔ́ɔ̄ɓē əda na: Epəraim, ḭ̄ āw̄ kə yá̰a̰ mbɔ̄jə́ kɔȳ yá̰á̰ kə́ gōtə́ aĺ jīí tə́. Nelī gól̄ de gə̄ ngá̰ý.

JEREMI 2:35

Ḭ̄ ə́da na: Mā i kanjə̄ najə̄ dɔḿ tə́, wōn̄g yān a rāān dɔḿ tə́ to̰ alé. Banī mā m-ā m̄-rāā sarya kə́ gōtə́ seí, tɔdɔ̄ ḭ̄ ə́da na: m̄-rāā majaĺ alé.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

JEREMI 2:23

I ba̰ý á ī-nāā kəda na: Yá̰á̰ kə́ yḛr tákə̄m̄ aĺ ō, m̄-ngɔ̄də̄ gō ɓesə̄ Baal gə̄ tə́ aĺ ō ní? Á̰a̰ kəla rāāí kə́ kem wól loo tə́, ḭ̄kɔ́ ī-ger̄ yá̰á̰ ń ī-rāā ní. Kó̰ó̰ jámbal kə́ nge dáȳ dɔɔ́ kanjə̄ kɔr̄ koō.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.