JEREMI 15:7 - Bibəl ta Sar̄

⁷ M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

Bible sar

⁷ M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

JEREMI 15:7 Referans Kwoze

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

JEREMI 51:2

M-ā m-ə́la kə tə̄rā gēé kadə̄ tə̄ndā tḭḭ̄n̄ de kə́ Babilon gə̄ kə̄ loo gə̄ tə́, tītə̄ loo tóo təsá beé ō. kadə̄ nujə de kə́ kem ɓēé gə̄ malang kɔ̄ɔ́ ō. A teēn̄ kə̄ rɔ̄də́ tə́ rétə́ gēé kə̄ ta loo gə̄ tə́, ndɔ̄ yá̰á̰ kə́ to kum kaȳ aĺ tə́.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

IJAI 41:16

Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ táĺ yā Israel tə́.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

JEREMI 18:21

Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.

PĀ GƏ̄ 1:4

Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.

EJEKIEL 24:25

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Loo kə́ táĺ ń i loo ɓɔ̄ɔ̄ rɔ̄ yādə́ ō, i loo kə́ nel̄də́ ka̰a̰ ngá̰ý ō, i loo ń nin̄ a ɔjənə̄ń rɔ̄də́ ō, a əndān̄ kemdə́ dɔ tə́ ō ní, m-ā m̄-taā jīdə́ tə́ kɔ̄ɔ́. Ngáńdə́ kə́ dəngam gə̄ ō kə́ dəyá̰ gə̄ ō ní, m-ā m̄-taādə́ jīdə́ tə́ kɔ̄ɔ́ ō.

NDŪ NAJƏ̄ 28:41

Ā ójə́ ngáń kə́ dəngam gə̄ ō, kə́ dəyá̰ gə̄ ō, banī ā ásə ngɔ̄m̄də́ rɔ̄í tə́ alé, tɔdɔ̄ a aw̄n̄ sedə́ ɓəloó kɔ̄ɔ́.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

JEREMI 9:21

Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

NDŪ NAJƏ̄ 28:32

Ngání kə́ dəngam gə̄ ō, kə́ dəyá̰ gə̄ ō a aw̄n̄ ɓəloó ɓē gír de kə́ rang gēé ta kumií tə́. A ɔr loo gó̰ō̰ ta róbə́də́ tə́ dəloí bátə́ kadə̄ mbang udəń. Ba ḭ̄ ā ásə rāā yá̰á̰ kógə̄ḿ alé.

NDŪ NAJƏ̄ 28:18

Ndɔ̄ĺ a reē dɔ ngání gə̄ tə́ ō, dɔ kōō yāí tə́ ō, dɔ kó̰o̰ man̄g yāí gə̄ tə́ ō, kó̰o̰ batə̄ yāí gə̄ tə́ ō, kó̰o̰ bə̄yā̰ yāí gə̄ tə́ ō.

EJEKIEL 36:12

Sḭḭ̄ Israel gə̄ ń i gír deē yāḿ gə̄ ní, m-ā m̄-rāāsí kadə̄ ā ī-njə̄rāī kə̄ loo gə̄ tə́ kem ɓēé. Ā ə́ngeī ɓē ō, ɓē ní ndɔ̄ń tə́ i yāsí ō, ni a tɔ̄l̄ ngáńsí gə̄ to̰ aĺ ō i kə́ bátə́ gə̄ tə́ ō.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.