JEREMI 15:2 - Bibəl ta Sar̄

² Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

Bible sar

² Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

JEREMI 15:2 Referans Kwoze

JEREMI 43:11

Ni a reē ō, a ənda ɓē kə́ Ejiptə ō. Deē ń i tām̄ yā yo tə́ ní a oy. Deē ń i tām̄ yā kəhɔn kaw̄ seneé dɔ ɓē kə́ rang tə́ ní a aw̄n̄ seneé. Deē ń i tām̄ yā kadə̄ kaskar tɔ̄lən ní a oy yo kaskar.

JAKARI 11:9

Tā anī, m-ə́dádə́ na: M-ā m-á̰a̰ gōsí to̰ alé. Ngé gə̄ ń kadə̄ oyn̄ ní, ādə̄ oyn̄! Ngé gə̄ ń kadə̄ gətóon̄ ní, ādə̄ gətóon̄! Ba ngé gə̄ ń gō tə́ anī nin̄ a ndin̄ kə kumdə́ ɓáý ní, ādə̄ əsan̄ naā!

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

IJAI 24:18

Nge ka̰ȳ kɔŕ ɓōĺ a əsō gír bəloó. Ré ni asə teē bəloó kɔ̄ɔ́ anī, a əsō kum gūmbə̄ tə́. Ta ko̰rō̰ kújə gə̄ kə́ dɔ rā̰ tə́ i kə́ teē ngá̰ý, dɔ nang kə taá malang ndew dɔ ngəran tə́.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

EJEKIEL 14:21

Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

JEREMI 14:16

De gə̄ ń oōn̄ najə̄ kɔr̄ ngé koō ta gə̄ ngeé ń toō ní, a oyn̄ ō. A oyn̄ yo ɓō ō, yo kaskar ō, adə̄ nīńdə́ a taā kum kə̄lá róbə gə̄ kə́ Jerusalem. Nin̄ ō, nə̄yá̰də́ gə̄ ō, ngáńdə́ gə̄ kə́ dəngam ō, kə́ dəyá̰ gə̄ ō a əngen̄ deē kógə̄ḿ kə́ yā dubə̄də́ alé. I loo rāā ń m-ā m̄-rāā kadə̄ majaĺ yādə́ nin̄ kɔ́ gə̄ tél kə̄ dɔdə́ tə́ ní n noó.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 19:7

m-ā m-ādə̄ i ngé ndə̄ngān̄də́ yo gə̄ n a tɔ̄lə̄n̄də́ kə jīdə́ ní. M-ā m-ādə̄ nīń de kə́ ngá̰ý gə̄ ń toō yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō kadə̄ əsan̄.

EJEKIEL 12:11

Ə́dádə́ na: m̄-tāāsí i najə̄ yá̰á̰ a rāā yā reē ní. Yá̰á̰ ń m̄-rāā ní i yá̰á̰ ń noō n a rāān̄ sesí ní. A ɔyn̄sí yā kaw̄ sesí dɔ ɓē kə́ rang tə́ dɔ gúú tə́, a tə̄ɓān̄sí kɔ̄ɔ́ kem ɓē yāsí tə́.

EJEKIEL 33:27

Ə́dádə́ najə̄ ń toō ādə̄m̄: Tītə̄ ń mā Kɔ́ɔ̄ɓē m̄-ndiń kə kumḿ rɔ̄kum noó, m̄-tāāsí. Ngé gə̄ ń ndin̄ kem ɓē bo kə́ nujə kɔ̄ɔ́ gə̄ tə́ ní, a oyn̄ yo mósə ō, ngé gə̄ ń ndin̄ kem ɓē ndɔr̄ gə̄ tə́ ní, dā̰ kə́ bembeé gə̄ a əsan̄də́ ō. Ngé gə̄ ń ɓɔ̄ɔ̄n̄ rɔ̄də́ dan mbal̄ gə̄ tə́ ō, kə̄ bəlo mbal̄ gə̄ tə́ ō ní, a oyn̄ yo mo̰y ngāl̄bɔ̄gīí.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.