JEREMI 15:19 - Bibəl ta Sar̄

¹⁹ I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

Bible sar

¹⁹ I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

JEREMI 15:19 Referans Kwoze

JAKARI 3:7

Kɔ́ɔ̄ɓē kə́ bo kə́ tɔ́gən i ngá̰ý ní, míndən kógə̄ḿ ń ənī ní n toó: Ré ī-rāā yá̰á̰ ń m-ə́dá ní anī, ré ōō taḿ, adə̄ ī-rāā yá̰a̰ gə̄ ń m-ə́da kadə̄ ī-rāā ní anī, ā ī-tél de kə́ dɔ kújə yāḿ tə́ ō, de kə́ dɔ ndágə loo kə́ gīr̄ gidə kújə yāḿ tə́ tə́ ō. M-ā m-ə́laī dan de gə̄ ń ran̄ laā a rāān̄ kəla yāḿ tə́ ní.

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

LEBI GƏ̄ 10:10

I beé tá na a ger̄nəń kɔr̄ kam̄ yá̰á̰ kə́ yā ɓōĺ gidə ō, yá̰á̰ kə́ karī ō, yá̰á̰ kə́ yḛr ō, yá̰á̰ kə́ unjə̄ njáý njáý ō.

EJEKIEL 44:23

Ngé tun̄ yá̰a̰ gə̄ a ndóōn̄ gír deē yāḿ gə̄ kadə̄ gerə̄n̄ kɔr̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī ō, kadə̄ gerə̄n̄ kɔr̄ kam̄ yá̰á̰ kə́ unjə̄ njáý njáý naā tə́ kə yá̰á̰ kə́ yḛr ō.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

HEBƏRO 5:14

Ba yá̰a̰ kəsa kə́ ngan̄g i tām̄ yā de kə́ tɔ́gə gə̄ tə́. Kemdə́ nin̄-ger̄ kɔr̄ kam̄ yá̰á̰ kə́ majə naā tə́ kə yá̰á̰ kə́ majaĺ, tɔdɔ̄ nin̄-rāān̄ yá̰á̰ ń noō adə̄ gerə̄n̄.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

Teē Ngán Israel gə̄ 4:12

Ń toō ní kə ɔtə kə aw̄, na nəkɔ́ Kɔ́ɔ̄ɓē na i tan ō, na n-a n-ɔjən yá̰á̰ ń kadə̄ əda ní ō.

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

Najə̄ kə́ Majə yā Jeju ń Luk ndang ní 12:12

Tɔdɔ̄ kum mbang nəkɔ́ ń noō tə́ ní Ndíĺ kə́ Táĺ a ndóōsí yá̰á̰ ń kadə̄ ə́daī ní.

Najə̄ kə́ Majə yā Jeju ń Luk ndang ní 1:19

Anī de kə́ dɔ rā̰ tə́ ní tūr̄ ədan na: Mā i Gabəriyel, nge ra ta kum Nə́ɓā tə́ yā kaw̄ń kəla yān. Nə́ɓā əlam̄ kadə̄ m̄-reē m-ɔ̄r̄ najə̄ seí ō, kadə̄ m̄-reē kə Najə̄ kə́ Majə ń toō m-ə́daī ō.

JEREMI 20:9

Ba ré m-ə́da na m-ā m̄-gír̄ dɔ tə́ to̰ aĺ ō, m̄-rāā rɔ̄ḿ i kújə dəngáý tə́ tām̄ yā najə̄ ní tə́. M-ə́hɔ rɔ̄ḿ tɔgə yā kɔgə̄n teē ndágá tā ba tɔ́gə́ḿ asə alé.

GALATƏ 2:5

Ba jḭḭ j-adə̄də́ kum mbang kógə̄ḿ gə̄gē aĺ bátə́, yā kadə̄ rɔ̄kum yā Najə̄ kə́ Majə toń gotoó beē tām̄ yāsí tə́.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

Gōsə̄ najə̄ gə̄ 22:29

De kə́ jīn ger̄ kəla yān majə ní á̰a̰n a? Ni asə kaw̄ ra no mban̄g gə̄ tə́. De kə́ deē ger̄də́ aĺ gə̄ ní ni a ndi dandə́ tə́ alé.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

2 KORḚNTƏ 5:16

Adə̄ jḭḭ jə-ger̄ deē i kə gō yā dā̰ rɔ̄ɔ́ to̰ alé. Ká ré kété jóo jə-ger̄ Kərist i kə gō yā dā̰ rɔ̄ɔ́ gə̄gē anī, ngɔlaā jə-gerə̄n tītə̄ ń noō to̰ alé.

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.

JEREMI 4:1

Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

JEREMI 6:29

Ndúbə ɓār̄ kə̄ dɔɔ́ kə̄ dɔɔ́ ō, hor əsa gində̄ pəlɔm adə̄ gətóo kɔ̄ɔ́ ō. Banī nge nōō yá̰a̰ nōō yá̰á̰ ní i ndāńg karī, yedə̄n teē kɔ̄ɔ́ alé.

JEREMI 35:19

mā Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel m-ɔ̄r̄ najə̄ i tītə̄ ń toō beé: Yonadab, ngōn̄ Rekab a nal̄ de gə̄ kə́ yā kadə̄ ran̄ ta kumḿ tə́ kə dɔ ndɔ̄ gə̄ alé.

NŌŌ RƆ̄ 1:11

Gír deē yān gə̄ malang a nōōn̄ i ɓō, nin̄ a sāān̄ i yá̰a̰ kəsa. Adə̄n̄ yá̰a̰ yādə́ kə́ majə ngá̰ý gə̄ gíŕ yá̰a̰ kəsa tə́, tām̄ kadə̄ kə n-ndin̄neé kə kumdə́. Anī ni ndɔ̄ȳ Nə́ɓā, ə́da na: Kɔ́ɔ̄ɓē, á̰á̰ kídə̄ ń kídə̄mə̄n̄ toó.

LEBI GƏ̄ 14:57

I tītə̄ ń noō n de gə̄ a ger̄nəń yá̰á̰ kə́ majaĺ tákə̄ ō, yá̰á̰ kə́ majaĺ tákə̄ aĺ ō, ní. Ndū najə̄ kə́ dɔ mo̰y bānjə̄ tə́ n noó.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.