JEREMI 15:17 - Bibəl ta Sar̄

¹⁷ m̄-sāā nja ngé koō naā gə̄ ń ɔsən̄ dɔdə́ naā tə́ ní yā ndi dáńdə́ tə́ rāā rɔ̄nel̄ alé. Tɔdɔ̄ ə́hɔm̄ kə jīí tɔgə adə̄ m̄-ndi kə kérə́ḿ ō, ī-rāā adə̄ wōn̄g asəm̄ nak ō.

Bible sar

¹⁷ m̄-sāā nja ngé koō naā gə̄ ń ɔsən̄ dɔdə́ naā tə́ ní yā ndi dáńdə́ tə́ rāā rɔ̄nel̄ alé. Tɔdɔ̄ ə́hɔm̄ kə jīí tɔgə adə̄ m̄-ndi kə kérə́ḿ ō, ī-rāā adə̄ wōn̄g asəm̄ nak ō.

JEREMI 15:17 Referans Kwoze

NŌŌ RƆ̄ 3:28

Majə kadə̄ deē tél kə̄ gogə́ sḛ́ý ba ndi tan mbóo, tɔdɔ̄ i yá̰á̰ ń Kɔ́ɔ̄ɓē əndā dɔn tə́ ní.

PĀ GƏ̄ 1:1

Rɔ̄nel̄ i kə deē ń un kɔjə̄ yā ngé kem ndul gə̄ rāań kəla aĺ ní. Ni dəba ra gətóo dɔ róbə yā ngé rāā majaĺ gə̄ tə́ aĺ ō ndi kə ngé lur loo gēé aĺ ō, ba gḛy i ndū najə̄ yā Kɔ́ɔ̄ɓē ō, gír̄ dɔ tə́ ndɔ̄ɔ́ ō kadaá ō ní.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

PĀ GƏ̄ 102:7

m̄-to tītə̄ ngāndḭḭ̄ kə́ kem dəla loo tə́ ō, tītə̄ kɔȳ kə́ gotə ɓēé ō beé.

DANIEL 7:28

Gír najə̄ ní gān̄g i loo ń toō tə́. Mā Daniel tā anī gír̄ yāḿ gə̄ əlan̄ ɓōĺ kemḿ tə́ ngá̰ý. gír̄ gə̄ ní rāāmə̄n̄ adə̄ m̄-tetə ndaa ō, asəm̄ gír̄ yá̰a̰ dɔ tə́ aĺ ō.

JEREMI 16:8

Ā údə kem kújə́ kə́ de gə̄ a əsan̄ yá̰a̰ nāā tū tə́ tə́ yā ndi ta kār̄ tə́ sedə́ kəsań yá̰a̰ ō, ka̰ȳń ō alé.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

JAKARI 1:12

Anī nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?