JEREMI 15:16 - Bibəl ta Sar̄

¹⁶ Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

Bible sar

¹⁶ Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

JEREMI 15:16 Referans Kwoze

Makətūbə̄ yā Job 23:12

Yá̰á̰ ń ni-əda na kə m̄-rāā ní, m̄-mbātə́ alé. m̄-ndigə yá̰a̰ gə̄ ń ni ndang kadə̄ yā rāā ní tɔȳ gír̄ yāḿ mə̄kɔ́ ń m̄-rā dɔ tə́ yā rāań yá̰á̰ ní.

PĀ GƏ̄ 19:10

Ɓōĺ ndíĺ Kɔ́ɔ̄ɓē i yá̰á̰ kə́ majə ō, to ngándáńg kə dɔ ɓāl̄ gə̄ ō. Ndū gə̄ ń Kɔ́ɔ̄ɓē ra dɔ tə́ ní i ndū kə́ rɔ̄kum gə̄, i ndū kə́ gōtə́ gə̄ malang.

PĀ GƏ̄ 119:111

Yá̰a̰ gə̄ ń ə́dá ní i yá̰a̰ kənge yāḿ gə̄ kə́ njɔ́ḿ gə̄ tə́, nin̄ rāān̄ adə̄ kemḿ nelə̄m̄.

PĀ GƏ̄ 119:97

Ndū najə̄ yāí nelə̄m̄ ngá̰ý. m̄-gír̄ dɔ tə́ kə dɔ ndɔ̄ gə̄ malang.

PĀ GƏ̄ 119:72

Ndū najə̄ kə́ teē taí tə́ majə ngá̰ý tām̄ yāḿ tə́ tɔȳ yá̰a̰ gə̄ dūbú ngá̰ý kə́ rāā kə lɔ́rɔ́ ō kə arjā̰a̰á̰ ō.

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

EJEKIEL 2:8

Ba ḭ̄ Ngōn̄ deē ndul, ī-lōō rāā dɔ ngan̄g tītə̄ yādə́, banī ōō yá̰á̰ ń m-ā m-ə́daī ní. Ī-teē taí ba ə́sá yá̰á̰ ń m-ā m-ādī ní.

MISE 2:7

Ndɔ̄lə́n̄ kojə yā Jakob a? Kɔ́ɔ̄ɓē i de kə́ nge tə́gā tan alé a? Jī bēl̄ loo rāā yá̰a̰ yān i tītə̄ ń noō a? Mā m-ɔ̄r̄ najə̄ i yā kadə̄ rāā majə kə de kə́ súmūú gēé.

NEHEMI 8:12

Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

PĀ GƏ̄ 119:16

Yá̰a̰ gə̄ ń ī-ndang kadə̄ yā rāā ní nelə̄m̄ ngá̰ý. dɔḿ ndígə̄nal najə̄ yāí alé.