Biblia Todo Logo
Bib sou entènèt

- Piblisite -




JEREMI 15:15 - Bibəl ta Sar̄

15 Ḭ̄ Kɔ́ɔ̄ɓē ī-ger̄ yá̰a̰ gə̄ malang, ādə̄ əga kemií dɔḿ tə́, á̰a̰ gōḿ. Ī-dal ba̰ā̰ḿ dɔ ngé rāā kumḿ ndoō tə́ gə̄ tə́. Ī-lōō to gír kəndā ɓam tə́ kadə̄ m̄-nujə. Ī-ger̄ majə kadə̄ m̄-tə́gā taḿ dɔ ndū gə̄ ń a tájə̄mə̄n̄ tə́ ní i najə̄ yāí tə́.

Gade chapit la Kopi

Bible sar

15 Ḭ̄ Kɔ́ɔ̄ɓē ī-ger̄ yá̰a̰ gə̄ malang, ādə̄ əga kemií dɔḿ tə́, á̰a̰ gōḿ. Ī-dal ba̰ā̰ḿ dɔ ngé rāā kumḿ ndoō tə́ gə̄ tə́. Ī-lōō to gír kəndā ɓam tə́ kadə̄ m̄-nujə. Ī-ger̄ majə kadə̄ m̄-tə́gā taḿ dɔ ndū gə̄ ń a tájə̄mə̄n̄ tə́ ní i najə̄ yāí tə́.

Gade chapit la Kopi




JEREMI 15:15
42 Referans Kwoze  

Kɔ́ɔ̄ɓē ī-gerə̄m̄, ḭ̄ á̰a̰m̄ ō, ə̄ndā ma̰ȳ gír̄ yāḿ gə̄ ō. Gír̄ yāḿ gə̄ aw̄n̄ gō yāí tə́. Ə̄ndā ngé kem ndul gə̄ dɔ jīí tītə̄ batə̄ gə̄ kə́ yā kaw̄ń kə̄ loo tɔ̄l̄də́ tə́. Ə̄ndādə́ dɔ jīí yā ngóoń ndɔ̄ tɔ̄l̄də́.


tá de gə̄ malang a imə̄n̄sí tām̄ yā rīḿ tə́.


Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.


Mā tā anī, m̄-mbātə́ kadə̄ mā i nge kul̄ yá̰a̰ yāí alé. Ḭ̄ ī-ger̄ majə kadə̄ m̄-ndə̄ngā ndɔ̄ kə́ majaĺ alé. Najə̄ ń teē taḿ tə́ ní m-ə́da i ta kumií tə́.


Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.


De gə̄ malang a imə̄n̄sí najə̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní a ajə.


Ré najə̄ to kadə̄ m-ə́da ɓá anī i gáŕ kadə̄ m̄-ɓāríī kadə̄ ī-diīm̄ ō, kadə̄ m-ə́ga kɔŕ ō, na dɔ́nɔ ō, dəngáy ō rāām̄ ngá̰ý. Tɔdɔ̄ tájə̄ ndū ō, lur loo ō, asəm̄ nák gír najə̄ yā Kɔ́ɔ̄ɓē tə́ kə kum mbang gə̄ malang.


Ā ādə̄ nge kəla yāí i ndɔ̄ kóndóńg n kadə̄ ndiń kə kumneé ɓáý ní? I rə́ngáý tə́ n ā ī-gān̄g sarya dɔ ngé rāā kumḿ ndoō tə́ gə̄ tə́ ní?


Kɔ́ɔ̄ɓē, loo ń ā ī-rāā kem majə kə gír deē yāí gēé anī, ī-gír̄ dɔḿ tə́! Dan ń ā ájə́ gír deē yāí gə̄ anī, á̰a̰ gōḿ.


Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.


Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.


Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?


Alekjandər ń i kɔdə̄ kə́ nge koo yá̰á̰ ní, rāā yá̰á̰ kə́ majaĺ ngá̰ý seḿ. Ba Kɔ́ɔ̄ɓē a əgān kə̄rān.


Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.


Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.


Tá deē ń a əya̰ kújə yān gə̄, aláa ngákó̰o̰n kə́ dəngam gə̄, aláa kə́ dəyá̰ gə̄, aláa bɔbə̄n, aláa kó̰o̰n, aláa ngánən gə̄, aláa ndɔr̄ yān gə̄ kɔ̄ɔ́ najə̄ yāḿ mā tə́ ní, kɔ́ɔ̄ a ənge tɔȳ ni ń noó nja ɓú ō, a ənge ndi kə kumuú kə́ ta ngóyn a gətóo ō.


Kum kaȳ aĺ kə́ ba̰ý beē, kó̰ó̰ḿ! Ḭ̄ ójəm̄ mā ń de kə́ kem ɓēé gə̄ malang mbātə́n̄ najə̄ taḿ tə́ ō, nel̄də́ seḿ aĺ ō ní? M-ādə̄ yá̰a̰ loo ndə̄mā tə́ aĺ ō, m̄-taā yá̰a̰ loo ndə̄mā tə́ aĺ ō, banī de gə̄ malang ndɔ̄ĺmə̄n̄.


Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.


Ni-ɔr̄ tɔ́gə́ḿ dɔ ngɔ̄də̄ tə́, ni-gān̄g ta ndɔ̄ḿ dɔɔ́.


Kɔ́ɔ̄ɓē, ōō ndɔ̄ȳ yāḿ ō nōō yāḿ ō. Ī-nēl̄ mbīí ōoń nōō yāḿ. Tɔdɔ̄ mā i de kə́ nge nam̄ ɓēé looí, mā i mbā tītə̄ yā kaaḿ gə̄ malang.


Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.


Tá ī-ger̄ majə kadə̄ najə̄ gətóo dɔḿ tə́ ō, de kə́ yā taām̄ jīí tə́ gətóo ō.


M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!


Nə́ɓā yāḿ, ādə̄ əga kemií dɔ Tobia nin̄ kə Sanbalat tə́ najə̄ yá̰a̰ rāādə́ gə̄ tə́ ō, ādə̄ əga kemií dɔ Noadia nge koō ta kə́ dəyá̰ tə́ ō, dɔ gotə ngé koō ta gə̄ ń sāān̄ kəla ɓōĺ kemḿ tə́ ní ō!


Táŕ ń Kərist táŕjí toō i náā n a ɔr̄jí kɔ̄ɔ́ tū tə́ ní? I wur kɔl a? Aké i rāā kə́ rāān̄jí adə̄ jə-ndiī kə sōlōó a? Aké i rāā kə́ rāān̄jí ndoō tə́ a? Aké i ɓō a? Aké i nal kə jə-nalī kūbə̄ ko̰ō̰jí a? Aké i yá̰á̰ kə́ to yo a? Aké i kaskar a?


Samso̰ ɔr̄ najə̄ kə Kɔ́ɔ̄ɓēé əda na: Kɔ́ɔ̄ɓē Nə́ɓā, m̄-rāāī ɓɔ́, Nə́ɓā, ādə̄ əga kemií dɔḿ tə́ ba ādə̄m̄ tɔ́gə́ tə́ nja kógə̄ḿ beē ngóy, ādə̄ m̄-daləń ba̰ā̰ dɔ Pilistin gə̄ tə́ gidə kógə̄ḿ tām̄ yā kumḿ kə́ jōó gə̄ ń tɔ̄ɔ̄n̄ tə́ ní.


Nə́ɓā ń i nge ger̄ yá̰á̰ kə́ to loo ɓɔ̄ɔ̄ tə́ kem de gə̄ tə́ ní a a̰a̰ aĺ a?


M-ā m̄-rāāī kadə̄ ḭ̄ i ndogə̄ mbal̄ kə́ ngan̄g ngá̰ý tām̄ yā gír de gə̄ ń toō tə́. I ndogə̄ kə́ rāā kə gində̄ nə̄ngá kasaá. A rɔ̄ɔ̄nī ba a tetənī rɔ̄ɔ̄ alé. Tɔdɔ̄ mā i naā tə́ seí yā taā dɔí ō, yā gān̄g dɔí ō. Najə̄ ń Kɔ́ɔ̄ɓē əda ní n noó.


Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.


Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.


Kɔ́ɔ̄ɓē ā ī-rāādə́ ngarā̰ kum yá̰á̰ ń rāān̄ seḿ ní yā kəndań njadə́.


Kɔ́ɔ̄ɓē, wōn̄g kə́ ngá̰ý a rāāī kadə̄ ā ī-rāādə́ ndoō tə́ ō, ā ī-tɔ̄ldə́ kadə̄ gətóon̄ kɔ̄ɔ́ malang gír dɔ rā̰ yāí tə́.


Swiv nou:

Piblisite


Piblisite