JEREMI 15:1 - Bibəl ta Sar̄

¹ Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

Bible sar

¹ Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

JEREMI 15:1 Referans Kwoze

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.

JEREMI 14:11

Kɔ́ɔ̄ɓē ədam̄ na: Ī-lōō kə ndɔ̄ȳ tām̄ yā gír de gə̄ ń toō tə́, ī-lōō ndə̄ngā kadə̄ ndin̄ majə.

JEREMI 11:14

Ḭ̄, ī-lōō ndɔ̄ȳ tām̄ yā gír de gə̄ ń toō tə́ ō, ī-lōō nōō rɔ̄í ō, rāā ɓɔ́ ō tām̄ yādə́ tə́. Ré a ɓārə́mə̄n̄ tām̄ yá̰á̰ kə́ to kum kaȳ aĺ kə́ əsō dɔdə́ tə́ anī, m-ā m-ōō ndūdə́ alé.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

PĀ GƏ̄ 99:6

Moijə nin̄ kə Aaro̰ i dan ngé tun̄ yá̰a̰ yān gə̄ tə́, ba ɓāŕnən̄. Samuel i dan ngé rāān ɓɔ́ kadə̄ kə rāā sedə́ gə̄ tə́, ba ɓārə́n. Nin̄ ɓārə́n̄ Kɔ́ɔ̄ɓē, anī ni ndigədə́.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

2 MBAN̄G 17:20

I tām̄ najə̄ ń noō tə́ n Kɔ́ɔ̄ɓē mbātə́nń Israel gə̄ malang ní. Ni-əla rɔ̄sɔl̄ dɔdə́ tə́, əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, ta tɔ̄l̄ ta anī tə̄ɓādə́ əndādə́ sa̰y kɔ̄ɔ́ rɔ̄n tə́ ō.

1 SAMUEL 7:9

Samuel əhɔ ngōn̄ batə̄ kə́ ta mba tə́ tɔ̄l̄ ba róō horoó adə̄ Kɔ́ɔ̄ɓē. Gō tə́ anī no kə̄ dɔ Kɔ́ɔ̄ɓē tə́ tām̄ yā Israel gə̄ tə́. Anī Kɔ́ɔ̄ɓē adə̄n yá̰á̰ ń dəjen ní.

JEREMI 52:3

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, kə́ Juda tə́ ō ní. Ta tɔ̄l̄ ta anī, ni-tə̄ɓā de kə́ kemeé gə̄ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

JEREMI 23:39

á̰a̰ī m-ā m-ə́yá̰sí kɔ̄ɔ́ ō, m-ā m̄-tə̄ɓāsí kɔ̄ɔ́ ta kumḿ tə́ ō. M-ā m-ə́yá̰sí sḭḭ̄ ō, ɓē ń m-ādə̄sí ō, m-ādə̄ kaasí gə̄ ō ní kɔ̄ɔ́.

JEREMI 18:20

Deē a əga kə̄rā majə kə yá̰á̰ kə́ majaĺ a? Tɔdɔ̄ nin̄ ndērə̄n̄ bəlo kadə̄ m-ə̄sō kemeé kadə̄ gír yāḿ gān̄g. Ādə̄ əga kemií dɔḿ mā ń m̄-rā ta kumií tə́ m-ɔ̄r̄ najə̄ seí tām̄ yādə́ tə́ ō, m̄-tūr̄ ta wōn̄g yāí kə́ ngá̰ý dɔdə́ tə́ kɔ̄ɔ́ ō ní.

JEREMI 15:19

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

Gōsə̄ najə̄ gə̄ 14:35

Mban̄g a rāā kem majə kə nge kəla kə́ əndā kum kedə̄ dɔ rɔ̄n tə́, banī ni a rāā wōn̄g kə de kə́ nge kəla rɔ̄sɔl̄ dɔ deē tə́.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

JEREMI 35:19

mā Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel m-ɔ̄r̄ najə̄ i tītə̄ ń toō beé: Yonadab, ngōn̄ Rekab a nal̄ de gə̄ kə́ yā kadə̄ ran̄ ta kumḿ tə́ kə dɔ ndɔ̄ gə̄ alé.

NGÉ SARYA 5:9

Kemḿ i kə ngal ngé rɔ̄ɔ̄ gə̄ kə́ Israel tə́ ō, kemḿ i kə ngán Israel gə̄ ń adə̄n̄ rɔ̄də́ kə gō kem ndigə yādə́ ní ō. ī-tɔ̄yī Kɔ́ɔ̄ɓē.

TA KƏLA 19:27

Abəraham teē dəloí ɓatə, aw̄ loo ń ra ta kum Kɔ́ɔ̄ɓē tə́ tū tə́ kété ní.

JAKARI 3:3

Yesua ń ra kə njan kə́ dɔɔ́ no de kə́ dɔ rā̰ tə́ tə́ ní, kūbə̄ kə́ rɔ̄n tə́ əhɔ yə̄ró malang.

NDŪ NAJƏ̄ 9:26

m̄-rāān ɓɔ́ m-ə́da na: Kɔ́ɔ̄ɓē Nə́ɓā, ī-lōō nujə kə gír deē yāí gə̄ ń ī-gān̄g dɔdə́ loo de kə́ bo tə́ ō, ī-teē sedə́ kɔ̄ɔ́ Ejiptə kə tɔ́gí kə́ ngá̰ý ō ní.

1 SAMUEL 12:19

Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

JEREMI 9:19

Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.

JEREMI 10:18

tɔdɔ̄ najə̄ ń Kɔ́ɔ̄ɓē əda ní n toó: Ń toō ní m-ā m̄-tə̄ɓā de kə́ kem ɓēé gə̄ kɔ̄ɔ́, ba njaḿ i gōdə́ tə́ ngɔr kadə̄ a̰ȳn̄ naā alé.

JEREMI 16:5

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: Údə kem kújə́ kə́ de gə̄ kánə̄n̄ naā kemeé yā nōoń yo tə́ alé. Āw̄ loo rāā yá̰a̰ kūjə́ kə́ loo nōō yo gə̄ tə́ aĺ ō. Ādə̄ kumií o̰o̰ī kə de gə̄ ń noō aĺ ō, tɔdɔ̄ m-ā m̄-tél yā taā ndi lɔm yāḿ jī gír de gə̄ ń toō tə́ ō, m-ā m̄-rāā kem majə sedə́ to̰ aĺ ō, kumḿ a o̰o̰ḿ sedə́ to̰ aĺ ō. Najə̄ ń Kɔ́ɔ̄ɓē əda ní n noó.

JEREMI 16:13

M-ā m-ɔ́ýsí dɔ nang ń toō tə́ yā tə́nīsí dɔ nang kə́ rang kə́ sḭḭ̄ gə̄gē kaasí gə̄gē ī-gerī aĺ tə́. Loo ń noō tə́, ā ī-ndɔ̄yī nə́ɓā yā tə̄rā gə̄ ndɔ̄ɔ́ ō, kadaá ō. Ba ā ə̄ndāī kemsí dɔḿ tə́ kadə̄ m̄-dḭḭ̄sí to̰ alé.

JEREMI 22:28

Konia ngeé ń toō ní, i jóó kə́ tɔ̄ɔ̄ adə̄ majə rāań yá̰a̰ to̰ aĺ, aké i bay kə́ de gə̄ əyan̄ kɔ̄ɔ́ kə̄ nodə́ tə́ a? I tām̄ rí tə́ á tə́ɓānən̄ kə ngánən gēé ō, ɓōkə́n̄də́ kɔ̄ɔ́ dɔ nang kə́ gerə̄n̄ aĺ tə́ ō ní?

EJEKIEL 22:30

m̄-sāā deē kógə̄ḿ dandə́ tə́ kə́ əndā ndogə̄ mbal̄ yā rɔ̄ɔń dɔ rɔ̄n tə́, kə́ ra ta kumḿ tə́ a ngɔ̄məń ndogə̄ mbal̄ tām̄ majə yā ɓē tə́, tá kadə̄ m̄-nujəń ɓē alé. Banī m-ə́nge deē kógə̄ḿ alé.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.