JEREMI 14:9 - Bibəl ta Sar̄

⁹ I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

Bible sar

⁹ I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

JEREMI 14:9 Referans Kwoze

IJAI 63:19

Əla gír i jóó ngá̰ý n to tītə̄ kə́ ḭ̄ i mban̄g yājí to̰ aĺ ō, rīí i dɔjí tə́ to̰ aĺ ō ní. Aa! Ré ī-rə̄yā̰ dɔ rā̰ ba ī-risə nang tə́ anī! Mbal̄ bo gə̄ a ndewn̄ noí tə́.

IJAI 59:1

Kɔ́ɔ̄ɓē ní tɔ́gə jīn gətóó ngá̰ý al̄ naā á ni asə kajəsí aĺ alé, nge ń noō ní to i kə̄ dɔ ndágá kadə̄ i rɔ̄kum. Mbīn mbóó ngá̰ý á asə koō najə̄ yāsí aĺ alé.

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

TƏ́DA 11:23

Kɔ́ɔ̄ɓē tél əda Moijə na: Tɔ́gə́ Kɔ́ɔ̄ɓē asə aĺ a? Ń toō ní ā á̰a̰ā̰ ké najə̄ ń m-ə́daī ní a rāā yá̰a̰ aké a rāā yá̰a̰ aĺ wa.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

PĀ GƏ̄ 27:9

Nə́ɓā kə́ nge kajəḿ, ī-lōō tūr̄ gidií taḿ tə́! Ī-lōō kɔrə̄m̄ mā nge kəla yāí kə̄ gogə́ kə wōngōó! ḭ̄ ń ī-dḭḭ̄m̄ ní, ī-mbātə́m̄ alé, ə́ya̰m̄ kɔ̄ɔ́ alé!

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

NDŪ NAJƏ̄ 23:14

Ā ī-ngɔ̄m̄ kāgə̄ kə́ ta katə dām̄ kógə̄ḿ dan yá̰a̰ yāí gə̄ tə́, kadə̄ ré āw̄ ta wa tə́ gidə gérger tə́ ndágá anī, ī-ndērəń bəlo. Ré édə kem bəlo ní tə́ oy anī, ī-tə́la ta.

KƏLA RĀĀ 15:17

Loo ń noō tə́ gotə de gə̄ a sāān̄ Kɔ́ɔ̄ɓē, naā tə́ kə nápar de gə̄ malang ń rīḿ ɓār̄ dɔdə́ tə́ ní.

EJEKIEL 48:35

Laa ndogə̄ mbal̄ ń gīr̄ gidə ɓē ní asə kíl deē 18 000. Əla gír ndɔ̄ ń noō tə́ ní, a ɓārə́n̄ rī ɓē na i Kɔ́ɔ̄ɓē i loo ń toō tə́.

HABAKUK 1:2

Kɔ́ɔ̄ɓē, nja i kóndóńg n kə m̄-ɓāríī kadə̄ ī-dḭḭ̄m̄ ní? Ḭ̄ ōō ɓār̄ alé! M-ə́ga kɔŕ dɔ yá̰a̰ rāā kə́ kə dɔ́nɔ́ tə́, banī ḭ̄ ájə deē alé!

NDŪ NAJƏ̄ 28:10

Gír de kə́ rang gə̄ malang kə́ dɔ nang tə́ a a̰a̰n̄ kadə̄ ɓāŕnī i kə rī Kɔ́ɔ̄ɓēé anī a ɓōĺnī.

2 YÁ̰A̰ GƏ̄ 7:14

ba ré gír deē yāḿ gə̄ ń m-ə̄ndā rīḿ dɔdə́ tə́ ní télən̄ kə rɔ̄də́ kə̄ nang tə́ ō, ndɔ̄ȳmə̄n̄ ō, sāāmə̄n̄ ō, lōōn̄ gíŕ háĺdə́ kə́ majaĺ gə̄ tə́ ō anī, mā m-ā m̄-nēl̄ mbīḿ dɔ rā̰ tə́ yā koōń ndūdə́. M-ā m̄-mā̰ȳ rɔ̄ḿ dɔ majaĺ yādə́ tə́ ō, m-ā m̄-rāā kadə̄ ɓē yādə́ ndi kə lápə́yaá ō.

PĀ GƏ̄ 10:1

Kɔ́ɔ̄ɓē, ī-ra sa̰y i najə̄ rí tə́? Kem ndɔ̄ gə̄ ń wur kɔl əsōń dɔ deē tə́ ní ī-ɓɔ̄ɔ̄ rɔ̄í kɔ̄ɔ́ i tām̄ rí tə́?

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

JEREMI 51:5

Tɔdɔ̄ kem ɓē yādə́ tə́ ní, nin̄ rāān̄ yá̰á̰ kə́ gōtə́ aĺ ngá̰ý kə kə́ táĺ yā Israel. Banī Nə́ɓā yā Israel ō, yā Juda ō ń i Kɔ́ɔ̄ɓē kə́ bo kə́ tɔ́gən i ngá̰ý ní, oy tadə́ tə́ alé.

NŌŌ RƆ̄ 5:20

I tām̄ rí tə́ á dɔí ndígə̄nal dɔjí tə́ kə̄ noí tə́ ō, ə́yá̰jí kɔ̄ɔ́ dəloí bátə́ mbang udə ō, i kə dɔ ndɔ̄ gə̄ ō ní?

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.