JEREMI 14:18 - Bibəl ta Sar̄

¹⁸ Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.

Bible sar

¹⁸ Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, *ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.

JEREMI 14:18 Referans Kwoze

EJEKIEL 7:15

Rɔ̄ɔ̄ i ndágá ba mo̰y ngāl̄bɔ̄gīí ō, ɓō ō i kemeé. Dəngam gə̄ a oyn̄ ta rɔ̄ɔ̄ tə́ kem bembeé ō, nin̄ a oyn̄ yo ɓō ō, yo mo̰y ngāl̄bɔ̄gīí ō kem ɓēé.

NŌŌ RƆ̄ 1:20

Kɔ́ɔ̄ɓē, á̰a̰ wur kɔl yāḿ, kemḿ təngām̄ ngá̰ý loon tə́. Ngarā̰ kemḿ nujə, tɔdɔ̄ mā i nge mbātə́ najə̄ rɔ̄kum. Kaskar tɔ̄ɔ̄ kōōdə́ kə gō gidə looó ō, yo nujə loo kem ɓēé ō.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

NDŪ NAJƏ̄ 28:36

Kɔ́ɔ̄ɓē a əlaī, ḭ̄ ō, mban̄g yāí ń ā ə̄ndā dɔí tə́ ní ō, jī nápar de gə̄ kə́ ḭ̄ gə̄gē, bɔbí gə̄gē ī-gerīdə́ aĺ tə́, kadə̄ ī-rāā kəla adə̄ ɓesə̄ kāgə̄ gə̄ kə ɓesə̄ mbal̄ gə̄ kem ɓē yādə́ tə́.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

NŌŌ RƆ̄ 4:9

De gə̄ ń oyn̄ yo kaskar ní, yādə́ i sótə́ tɔȳ yā ngé gə̄ ń oyn̄ yo ɓō á ndəlēn̄ ngandəra najə̄ kōō kə́ gətóo ndɔrɔ́ tə́ ní.

JEREMI 23:21

M-ə́lá ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

IJAI 28:7

Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

IJAI 22:2

Jerusalem, i tām̄ rí tə́ á ḭ̄ i ɓē bo kə́ kōō de gə̄ kə́ kemií tə́ ɓār̄ ngá̰ý beē ō, de kə́ kemií tə́ gə̄ a̰a̰n̄ woy woy beé ō ní? De kə́ koy yāí gə̄ oyn̄ i ta rɔ̄ɔ̄ tə́ alé, i rɔ̄ɔ̄ n tɔ̄l̄də́ alé.

JEREMI 6:25

Ī-lōō teē kaw̄ bembeé ō, ī-dáȳ kum róbó aĺ ō, tɔdɔ̄ kaskar yā madə̄ ba̰ā̰í əla ɓōĺ kem de gə̄ tə́ kə̄ loo gə̄ tə́ malang.

AMOS 4:6

Mā m̄-rāā adə̄ ɓō əsō dɔsí tə́ kə̄ kem ɓē bo yāsí gə̄ tə́ malang. M-ɔ̄gə̄sí yá̰a̰ kəsa kə̄ kem ngán ɓē yāsí gə̄ tə́ malang, banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

NŌŌ RƆ̄ 2:19

Ḭ́ḭ dɔɔ́ ndɔ̄ɔ́, ba ə́ga kɔŕ, kə mbang gə̄ malang ń ngé ngɔ̄m̄ loo gə̄ a mbélə̄n̄neé gír naā ní. Ə́dá yá̰á̰ kə́ kemií tə́ malang kə̄ ndágá ta kum Kɔ́ɔ̄ɓē tə́. Ɔ́y jīí kə̄ dɔɔ́ ta kumən tə́ ī-rāānneé ɓɔ́ tām̄ ndi kə kumuú yā ngání gə̄ ń ɓō a tɔ̄l̄də́ kɔ̄ɔ́ kə só̰ róbə gə̄ malang ní.