JEREMI 14:14 - Bibəl ta Sar̄

¹⁴ Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

Bible sar

¹⁴ Kɔ́ɔ̄ɓē ədam̄ na: Najə̄ ń *ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

JEREMI 14:14 Referans Kwoze

EJEKIEL 12:24

Yá̰á̰ kə́ ka̰ā̰ kə́ rɔ̄kum aĺ a gə̄ gətóon̄ kɔ̄ɔ́ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ní, a gətōon̄ kɔ̄ɔ́ ō dɔ dáń ngán Israel gə̄ tə́.

JEREMI 29:31

Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

EJEKIEL 21:29

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí yá̰á̰ ń toō ní: Sḭḭ̄ ī-rāāī adə̄ dɔ deē ndígə̄nal dɔ dɔ ngan̄g yāsí tə́ aĺ ō, ɔ́jiī majaĺ yāsí gə̄ kə̄ ndágá tū yá̰a̰ rāāsí gə̄ tə́ malang ō. I tītə̄ ń noō n ā ī-terīiń kemḿ dɔ yá̰a̰ rāāsí kə́ gōtə́ aĺ gə̄ tə́ ngándáńg kanjə̄ kadə̄ asəsí ní. I beé ní, madə̄ ba̰ā̰ a əhɔsí dəngáy, tām̄ sḭḭ̄ ī-rāāī adə̄ dɔḿ ndígə̄nalsí alé.

1 TIMOTE 4:2

Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

JAKARI 13:3

Ré deē kógə̄ḿ na̰y kə̄ loo kɔr̄ najə̄ tə́, kə́ loo nge koō ta tə́ ɓáý anī, bɔbə̄n ō kó̰o̰n ō, nin̄ kɔ́ gə̄ a ədanən̄ na: I gáŕ kadə̄ óy, tām̄ ḭ̄ ún rī Kɔ́ɔ̄ɓē ə́dań najə̄ kə́ sor̄ gə̄. Ba dan ń ni a na̰y kə̄ loo kɔr̄ najə̄ tə́, kə́ loo nge koō ta tə́ anī, bɔbə̄n ō kó̰o̰n ō a rāānən̄ kadə̄ oy.

JAKARI 10:2

Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.

EJEKIEL 13:23

I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?

JEREMI 29:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda Akab kə́ ngōn̄ Kolaya ō, əda Sedekias, ngōn̄ Maseya ō ń ədan̄sí najə̄ kə́ rɔ̄kum alé kə rīḿ ní n toō: M-ā m-ə́ládə́ kem jī Nabukodonosor, mban̄g kə́ Babilon tə́ kadə̄ a tɔ̄l̄də́ ta kumsí tə́.

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

JEREMI 28:13

Āw̄ ə́da Hanania na: Najə̄ ń mā Kɔ́ɔ̄ɓē m-ə́dá ní n toó: Ī-tetə sáa kāgə̄ naā tə́ kɔ̄ɔ́ ɓá ní, ī-mbél̄ gíŕdə́ kə sáā gində̄ gēé.

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

NDŪ NAJƏ̄ 18:20

Ré kɔjə rɔ̄ rāā nge koō ta kógə̄ḿ adə̄ əda najə̄ kə́rēý kə rīḿ ba m̄-mērən kəda alé, aláa ɔr̄ najə̄ kə rī ɓesə̄ gə̄ ń nin̄ i nə́ɓā yādə́ gēé ní anī, i nge koō ta ní n a oy ní.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

JEREMI 8:11

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰a̰ kógə̄ḿ sḛ́ý kə́ to majə gətóo.

JEREMI 20:6

Banī ḭ̄ Pasəhur ō, de gə̄ malang ń ndin̄ kem kújə yāí tə́ ō ní, a əhɔn̄sí yā kaw̄ sesí dɔ ɓē kə́ rang tə́. Ā āw̄ yā kugə̄ Babilon ō, ā óy i noō ō. A dubə̄nī ḭ̄ ō, madí gə̄ malang ń ī-gól̄də́ kə najə̄ kɔrīí kə́ loo nge koō ta kə́ rɔ̄kum aĺ tə́ ní ō i loo ń noō tə́.

JEREMI 28:11

Hanania nge koō ta əda ta kum ngán Juda gə̄ tə́ malang na: Najə̄ ń Kɔ́ɔ̄ɓē əda ní n toó: Ɓāl̄ jōó asə dejə anī, m-ā m̄-tétə̄ njúkə yā Nabukodonosor mban̄g kə́ Babilon tə́ ō, m-ā m-ɔ̄r̄ njúkə́ kə́ míndə́ nápar de gə̄ tə́ malang kɔ̄ɔ́ ō i tītə̄ ń noō. Loo ń noō tə́ Jeremi nge koō ta ɔtə aw̄.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

EJEKIEL 13:2

Ḭ̄ ngōn̄ deē, ngé gə̄ ń ədan̄ na nin̄ na i ngé koō ta kə́ Israel tə́ gə̄ ba a ədan̄ i najə̄ kə́ dɔdə́ nin̄ kɔ́ gə̄ adə̄də́ gə̄ ní, ī-teē kə gíŕdə́ dɔɔ́. Ə̄ndā dɔdə́ tə́ ādə̄ oōn̄ najə̄ yāḿ mā.