JEREMI 14:13 - Bibəl ta Sar̄

¹³ m̄-téĺ m-ə́da na: Á, Kɔ́ɔ̄ɓē Nə́ɓā, yá̰á̰ ń ngé koō ta gə̄ ədan̄də́ ní n toó: Sḭḭ̄ ā á̰a̰ī kaskar aĺ ō, ɓō a rāāsí aĺ ō. Banī m-ādə̄ ā ī-ndiī majə rɔ̄kum loo ń toō tə́.

Bible sar

¹³ m̄-téĺ m-ə́da na: Á, Kɔ́ɔ̄ɓē Nə́ɓā, yá̰á̰ ń *ngé koō ta gə̄ ədan̄də́ ní n toó: Sḭḭ̄ ā á̰a̰ī kaskar aĺ ō, ɓō a rāāsí aĺ ō. Banī m-ādə̄ ā ī-ndiī majə rɔ̄kum loo ń toō tə́.

JEREMI 14:13 Referans Kwoze

JEREMI 6:14

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰á̰ kógə̄ḿ sḛ́ý kə́ to majə gətóo.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 4:10

M-ə́da na: Aa, Kɔ́ɔ̄ɓē Nə́ɓā, kə́ rɔ̄kum tə́ ní, ḭ̄ ī-gól̄ gír de gə̄ ń toō dan ń ḭ̄ ə́dádə́ na: A əngen̄ lɔm ní, tɔdɔ̄ jə-to dan koy yo kaskar tə́ ɓáý.

JEREMI 8:11

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰a̰ kógə̄ḿ sḛ́ý kə́ to majə gətóo.

EJEKIEL 13:22

De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

JEREMI 5:12

Nin̄ mbātə́n̄ Kɔ́ɔ̄ɓē ba ədan̄ na: Kɔ́ɔ̄ɓē gətóo, yá̰á̰ kə́ to kum kaȳ aĺ a rāājí alé, j-a j-oyiī yo kaskar aĺ ō yo ɓō aĺ ō.

JEREMI 1:6

M-ə́da na: Á! Kɔ́ɔ̄ɓē Nə́ɓā, m̄-ger̄ kɔr̄ najə̄ alé, mā i ngōn̄ ngá̰ý ɓáý.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

JEREMI 5:13

Ngé koō ta gə̄ a télən̄ yā to tītə̄ nél beé, Nə́ɓā əndā najə̄ yān tadə́ tə́ alé. Ādə̄ yá̰á̰ kə́ majaĺ ń ndə̄ngān̄ kadə̄ rāā madə̄də́ gə̄ ní, rāādə́ nin̄ kɔ́ gə̄.

EJEKIEL 12:24

Yá̰á̰ kə́ ka̰ā̰ kə́ rɔ̄kum aĺ a gə̄ gətóon̄ kɔ̄ɔ́ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ní, a gətōon̄ kɔ̄ɔ́ ō dɔ dáń ngán Israel gə̄ tə́.

JEREMI 20:6

Banī ḭ̄ Pasəhur ō, de gə̄ malang ń ndin̄ kem kújə yāí tə́ ō ní, a əhɔn̄sí yā kaw̄ sesí dɔ ɓē kə́ rang tə́. Ā āw̄ yā kugə̄ Babilon ō, ā óy i noō ō. A dubə̄nī ḭ̄ ō, madí gə̄ malang ń ī-gól̄də́ kə najə̄ kɔrīí kə́ loo nge koō ta kə́ rɔ̄kum aĺ tə́ ní ō i loo ń noō tə́.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?