JEREMI 14:12 - Bibəl ta Sar̄

¹² Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

Bible sar

¹² Ré *ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, *yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

JEREMI 14:12 Referans Kwoze

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

Gōsə̄ najə̄ gə̄ 1:28

Loo ń noō tə́ nin̄ a ɓāŕmə̄n̄, banī m-ā m̄-ndigədə́ aĺ ō, nin̄ a sāāmə̄n̄, banī a əngemə̄n̄ aĺ ō.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.

EJEKIEL 14:21

Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

JEREMI 24:10

M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔ dáńdə́ tə́, bátə́ kadə̄ gətóoneé kɔ̄ɔ́ dɔ nang ń m-ādə̄də́ nin̄ ō kaadə́ gə̄ ō ní tə́.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 9:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

IJAI 58:3

Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

Gōsə̄ najə̄ gə̄ 28:9

Ré deē kógə̄ḿ rāā mbī mbóo ta ndū najə̄ yā Kɔ́ɔ̄ɓē tə́ anī, ndɔ̄ȳ yān gə̄gē i yá̰á̰ kə́ yḛr.

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

JEJU TEĒ KUM JA̰A̰ 6:8

Anī m-á̰á̰ sə́ndá kə́ ɓálən ndul gusə gusə. Ba deē ń ndi gidən tə́ ní, rīn na i yo ō, loo kə́ ɓádá un gōn ō. Ré gángə̄n̄ dɔ nang gír loo sɔ́ anī, gírən kə́ kógə̄ḿ ní, adə̄n̄də́ tɔ́gə dɔ tə́ kadə̄ tɔ̄lə̄n̄ de kə́ tū tə́ gə̄ kə kaskaraá ō, kə ɓōó ō, kə mo̰yo̰ó̰ ō, kə dā̰ ngān̄g gə̄ kə́ dɔ nang tə́ ō.

Makətūbə̄ yā Job 27:9

Dan ń wur kɔl a əsō dɔn tə́ ní, Nə́ɓā a oō nōō yān a?

JEREMI 8:13

m̄-gḛy kadə̄ gír yādə́ gān̄g kɔ̄ɔ́. Kan̄ kāgə̄ nduú gətóo dɔ kāgən tə́ ō. Kan̄ kótə̄ gətóo dɔ kāgə̄ tə́ ō. Mbī kāgə̄ gə̄ ndəlē ō. M-ə́yá̰də́ kem jī ngé mān̄ róbə gə̄ tə́.

JEREMI 21:6

M-ā m-ə́nda de gə̄ ō, dā̰ gə̄ ō ń ndin̄ kem ɓē ń toō tə́ ní. Nin̄ a oyn̄ yo mo̰y ngāl̄bɔ̄gīí kə́ majaĺ ngá̰ý.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

EJEKIEL 14:19

Aĺ ɓáa m-ə́la kə mo̰y ń rīn na i mo̰y ngāl̄bɔ̄gīí ní dɔ gír de gə̄ ń toō tə́. M-ā m̄-bə̄gā wōn̄g yāḿ kə́ ngá̰ý dɔdə́ tə́ i kə ta kūl̄ yá̰á̰ kə́ to kum kaȳ aĺ kə́ ngá̰ý ń noō. Mo̰y ní a tɔ̄l̄ de gə̄ ō, dā̰ gə̄ ō kə́ kem ɓēé kɔ̄ɔ́.

OJEE 5:6

Nin̄ sāān̄ Kɔ́ɔ̄ɓē i kə batə̄ yādə́ gə̄ ō, man̄g yādə́ gə̄ ō ń aw̄n̄ yā tɔ̄l̄ ba ndējə̄ ní. Banī nin̄ a əngenən̄ alé, tɔdɔ̄ ni əya̰də́ ba aw̄ sa̰y kɔ̄ɔ́.

AMOS 5:21

Njə̄rā mbā yāsí gə̄ kə́ yā kaw̄ń loo gə̄ kə́ yā ɓōĺ gidə tə́ nelə̄m̄ aĺ ngá̰ý. Nin̄ i yá̰á̰ kógə̄ḿ tām̄ yāḿ tə́ alé. M-ásə́ tə́gā taḿ dɔ kɔsə dɔ naā tə́ yāsí gə̄ tə́ to̰ alé.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

MALASI 2:13

Yá̰á̰ kə́ rang ń ī-rāāī ɓáý to̰ ní n toó: Sḭḭ̄ ī-nōōī adə̄ man̄ kumsí taā loo dɔ loo tun̄ yá̰a̰ yā Kɔ́ɔ̄ɓē tə́. Sḭḭ̄ ī-nōōī kə man̄ kumsí ō, ī-nōōī rɔ̄sí ō, tɔdɔ̄ yá̰a̰ ndējə̄ yāsí gə̄ ní, usə Kɔ́ɔ̄ɓē dɔ tə́ to̰ aĺ ō, ni ndigədə́ to̰ aĺ ō.

JEREMI 11:14

Ḭ̄, ī-lōō ndɔ̄ȳ tām̄ yā gír de gə̄ ń toō tə́ ō, ī-lōō nōō rɔ̄í ō, rāā ɓɔ́ ō tām̄ yādə́ tə́. Ré a ɓārə́mə̄n̄ tām̄ yá̰á̰ kə́ to kum kaȳ aĺ kə́ əsō dɔdə́ tə́ anī, m-ā m-ōō ndūdə́ alé.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.