JEREMI 13:9 - Bibəl ta Sar̄

⁹ Najə̄ ń Kɔ́ɔ̄ɓē əda ní n toó: M-ā m̄-rāā kadə̄ Juda a asə kənda kadən to̰ aĺ ō, kadə̄ Jerusalem ənda kadən ngá̰ý to̰ aĺ ō.

Bible sar

⁹ Najə̄ ń Kɔ́ɔ̄ɓē əda ní n toó: M-ā m̄-rāā kadə̄ *Juda a asə kənda kadən to̰ aĺ ō, kadə̄ Jerusalem ənda kadən ngá̰ý to̰ aĺ ō.

JEREMI 13:9 Referans Kwoze

LEBI GƏ̄ 26:19

M-ā m-ɔ̄r̄ tɔ́gə́sí ń ā ɔ́jiīń rɔ̄sí ngá̰ý ní. M-ā m̄-rāā kadə̄ dɔ rā̰ yāsí tél ngan̄g tītə̄ gində̄ adə̄ man̄ kə́ tū tə́ a edə aĺ ō, m-ā m̄-rāā kadə̄ dɔ nang yāsí tél ngan̄g tītə̄ gində̄ nə̄ngá kasə ō.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

IJAI 23:9

I Kɔ́ɔ̄ɓē kə́ bo kə́ tɔ́gən i ngá̰ý, i yā nujəń kɔjə rɔ̄ yā de gə̄ ń de gə̄ rɔȳn̄də́ ní, i yā téləń kə de kə́ bo kə́ dɔ nang tə́ laā gə̄ kə̄ nang tə́.

Gōsə̄ najə̄ gə̄ 16:18

Kɔjə rɔ̄ i róbə́ ń deē a nujəń sák sák ní ō, gán̄g rɔ̄ i róbə ń deē a əsōń ní ō.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

NAHUM 2:2

Ɓē kə́ Ninibə, ngé rɔ̄ɔ̄ gə̄ aw̄n̄ kənī rɔ̄ɔ̄ tə́. Sḭḭ̄ áskar gə̄, ī-ngɔ̄mī ndogə̄ mbal̄ gə̄ kə́ yā rɔ̄ɔ̄ń dɔ ɓē tə́ ō, ə̄ndāī kumsí gíŕ róbə gə̄ tə́ ō, ə̄ndāī dɔ rɔ̄sí danaá tām̄ yā rɔ̄ɔ̄ tə́ ō, ɔ́siī rɔ̄sí kə̄ naā tə́ ō.

EJEKIEL 16:56

Dan ń ā ɔ́jəń rɔ̄í tə́ ní, ḭ̄ ɔ̄r̄ najə̄ yā Sodom majə alé.

EJEKIEL 16:50

Nin̄ télən̄ de kə́ ngé kídə̄ loo gə̄ ō, rāān̄ yá̰á̰ kə́ majaĺ gə̄ kə́ m-ásə́ tə́gā taḿ dɔ tə́ aĺ ō. Loo ń noō tə́ m̄-rāā adə̄ nin̄ gətóon̄ kɔ̄ɔ́ dɔ nang tə́, tītə̄ ń ī-gerə̄ń ní.

JEREMI 48:29

J-oō hoy kɔjə rɔ̄ yā Moab i kun ta rɔ̄ kə́ al̄ naā ngá̰ý, i ta ngan̄g ō, i kɔjə rɔ̄ ō, i tə́da najə̄ ō, i kɔjə kasə rāā yá̰a̰ ō kə́ ba̰ý beē.

IJAI 16:6

J-oō najə̄ kɔjə rɔ̄ yā ɓē kə́ Moab. I kɔjə rɔ̄ kə́ ngá̰ý kə́ ba̰ý beē! I kem sōl̄ yá̰a̰ aĺ kə́ ba̰ý beē! Banī najə̄ ń ni-ɔr̄ ní i najə̄ kə́ kem wōȳ karī.

JEREMI 13:8

Anī Kɔ́ɔ̄ɓē ɔr̄ najə̄ seḿ əda na:

JEREMI 25:18

M-ādə̄ Jerusalem ō, ɓē kə́ Juda tə́ gə̄ ō, mban̄g yān gə̄ ō, de kə́ bo yān gə̄ ō, kadə̄ a̰ȳn̄ ba télən̄ yá̰á̰ kə́ nujə sák sák ō, kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ de gə̄ a ndɔ̄lə́n̄ naā kə rīneé ō. I yá̰á̰ ń noō n a rāā yá̰a̰ ngɔlaā toó.