JEREMI 13:27 - Bibəl ta Sar̄

²⁷ M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

Bible sar

²⁷ M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

JEREMI 13:27 Referans Kwoze

OJEE 8:5

I beé ní, sḭḭ̄ de kə́ Samari gə̄, ī-mbātíī ngōn̄ man̄g lɔ́r yāsí kɔ̄ɔ́! Ī-rāāmī adə̄ wōn̄g rāām̄. Sḭḭ̄ ásiī ndi kanjə̄ rāā yá̰á̰ kə́ gōtə́ aĺ alé. Nge ń noō a to i bátə́ ta kə́ rá?

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

EJEKIEL 6:13

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

EJEKIEL 36:37

Yá̰á̰ ń mā Kɔ́ɔ̄ɓē Nə́ɓā m-ə́da kadə̄ i rɔ̄kum ní n toó: M-ā m-ə́yá̰ Israel gə̄ kadə̄ tél ndɔ̄ȳmə̄n̄ gogə́ ō, m-ā m̄-daldə́ i kə ta kūl̄ rāā kadə̄ nin̄ i ngá̰ý tītə̄ batə̄ gə̄ kə́ dan ɓūtə̄ yá̰a̰ kul̄ kógə̄ḿ tə́ beē.

Gōsə̄ najə̄ gə̄ 1:22

Sḭḭ̄ de kə́ kum gān̄g aĺ gə̄, a nel̄sí kə kum gān̄g aĺ yāsí i bátə́ ta kə́ rá? Ngé lur loo gə̄ a nel̄də́ lur loo i bátə́ ta kə́ rá ō, de kə́ mbóo gə̄ a mbātə́n̄ yá̰a̰ ger̄ i bátə́ ta kə́ rá ō?

JEJU TEĒ KUM JA̰A̰ 8:13

Anī m-á̰a̰ kə̄rō kógə̄ḿ nēl̄ ɓōdə̄ rā̰ tə́, ba un ndūn kə̄ dɔɔ́ ngá̰ý ədań na: Rɔ̄ tō ndoō, rɔ̄ tō ndoō, rɔ̄ tō ndoō i yā de kə́ dɔ nang tə́ gə̄, dan ń gotə de kə́ dɔ rā̰ tə́ kə́ mətá gə̄ a kɔ̄rə́n̄ bərúnjə gə̄ ní.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

2 KORḚNTƏ 12:21

m̄-ɓōĺ najə̄ kadə̄ ré gogə́ m̄-teē loosí anī, Nə́ɓā əla rɔ̄sɔl̄ dɔḿ tə́ ta kumsí tə́, kadə̄ m̄-nōō tām̄ yā de kə́rēý gə̄ kə́ rāān̄ yá̰á̰ kə́ majaĺ kété, ba lōōn̄ gíŕ háĺ rāā yá̰á̰ kə́ to yḛr kum gə̄ tə́ aĺ ō, lōōn̄ gíŕ sāā naā loo kaya tə́ aĺ ō, lōōn̄ gíŕ háĺdə́ kə́ majaĺ tə́ aĺ ō tə́.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

MATIYE 11:21

Rɔ̄ tō ndoō a reē dɔí tə́, Korajḛḛ! Rɔ̄ tō ndoō a reē dɔí tə́, Betsaida! Tɔdɔ̄ yá̰á̰ kə́ yáā gə̄ ń rāān̄ yá̰a̰ loosí ní, nə́ngētə́ rāān̄ yá̰a̰ i kem ɓē kə́ Tir tə́ ō, Sidon tə́ ō anī, de kə́ kemeé gə̄ a o̰ō̰n̄ kūbə̄ sákə̄ tə́ yā kəhɔń ndoō ō, a ndin̄ kum bū tə́ ō, yā kɔjəń kadə̄ na n-ndigən̄ tūr̄ háĺdə́.

SOPONI 3:1

I yá̰á̰ kə́ to kum kaȳ aĺ kə́ ba̰ý beē, tām̄ yā ɓē kə́ əsō wōn̄g tə́ ō, nujə tə́ ō, kə́ ngé kḭḭ de gə̄ gúu taān̄ loo kemeé tə́ ō tə́!

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

EJEKIEL 24:6

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɓē ń mósə taā loo kə́ kemeé malang ní, yá̰á̰ kə́ to kum kaȳ aĺ i tām̄ yān tə́! Ni to i tītə̄ jóo ndīr̄ yá̰á̰ kə́ əhɔ kārā kə́ deē asə tə́go aĺ beé. Ī-kə̄tó kūrū dā̰ gə̄ malang, kógə̄ḿ kógə̄ḿ kə gō naá, kanjə̄ túgə̄ wə̄lā dɔ kūrū dā̰ gə̄ ní tə́.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

EJEKIEL 2:10

Jī deē ní tútə ndāŕ ndang najə̄ ní gidə naā tə́ ta kumḿ tə́. Ndangən̄ najə̄ kemeé ō, gidə tə́ ō. Yá̰á̰ ń ndangən̄ ní i pā rɔ̄nel̄ aĺ gə̄ ō, i pā yo gə̄ ō, nōō rɔ̄ gə̄ ō.

IJAI 57:7

Ḭ̄ ī-rāā loo kəto kə́ tām̄ yāí tə́ dɔ loo malang kə́ kḭḭ kə̄ dɔɔ́ tə́. Ḭ̄ ā āw̄ ā ī-ndējə̄ yá̰á̰ kə́ tun̄ gə̄ i loo ń noō tə́.

PĀ GƏ̄ 94:4

Nin̄ malang ń noō ń i ngé rāā madə̄də́ gə̄ yá̰á̰ kə́ tōr̄ ní tə́gān̄ gúdə́ ō, mbáȳn̄ ədan̄ na tɔ́gə́də́ na to noó ō, tə́dan̄ najə̄ kə́ to ngonjə̄ gə̄ ō, ɔjən̄ rɔ̄də́ ō.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

PĀ GƏ̄ 94:8

Ōōī, sḭḭ̄ ń i mbóo de gə̄ dan madə̄sí gə̄ tə́ ní, sḭḭ̄ ń dɔsí un yá̰a̰ aĺ ní, ā ī-gerī kum najə̄ i ndɔ̄ kə́ rá tə́?

JEREMI 11:15

I rí n kó tár yāḿ kə́ dəyá̰ reē a sāā kem kújə yāḿ tə́ ɓáý ní? Ni-rāā yá̰a̰ i kə kum kedēé ngá̰ý. Yá̰á̰ kə́ to kum kaȳ aĺ ń i dɔí tə́ ní i gír̄ kadə̄ kənī ndū yāí ō, dā̰ ń ɔ̄r̄ kam̄ ní ō, a asən̄ kun kɔ̄ɔ́ a? Ī-gír̄ kadə̄ ā ásə teē kum tə́ i tītə̄ ń noō a?

EJEKIEL 16:23

Yá̰á̰ kə́ majaĺ gə̄ malang ń ī-rāā ní, yá̰a̰ gə̄ ń noō a reēn̄ kə yá̰á̰ kə́ to kum kaȳ aĺ dɔí tə́! I mā Kɔ́ɔ̄ɓē Nə́ɓā n m-ə́da najə̄ ń noō ní.

EJEKIEL 24:12

Banī yá̰a̰ malang ń noō rāā yá̰á̰ kógə̄ḿ alé. Kārā malang ń rosə kem ní, aw̄ kum hor tə́ kɔ̄ɔ́ alé.