JEREMI 13:25 - Bibəl ta Sar̄

²⁵ Dūbə̄ yá̰a̰ kənge yāí ń m̄-mbɔ̄jə́ m-ādī ní n toó, tɔdɔ̄ dɔí ndígə̄nal dɔḿ tə́ ō, ə̄nī kemií ādə̄ yá̰á̰ kə́ rɔ̄kum aĺ ō. Najə̄ ń Kɔ́ɔ̄ɓē əda ní n noó.

Bible sar

²⁵ Dūbə̄ yá̰a̰ kənge yāí ń m̄-mbɔ̄jə́ m-ādī ní n toó, tɔdɔ̄ dɔí ndígə̄nal dɔḿ tə́ ō, ə̄nī kemií ādə̄ yá̰á̰ kə́ rɔ̄kum aĺ ō. Najə̄ ń Kɔ́ɔ̄ɓē əda ní n noó.

JEREMI 13:25 Referans Kwoze

Makətūbə̄ yā Job 20:29

Yá̰á̰ ń Nə́ɓā ngɔ̄m̄ tām̄ yā nge kem ndul tə́ ní n noó, yá̰a̰ ndəbā ń Nə́ɓā adə̄n ní n noó.

MATIYE 24:51

Kɔ́ɔ̄n a əndan kənda kə́ majaĺ ngá̰ý ō, a ənīn loo yā ngé gól̄ loo gə̄ tə́ kadə̄ a nōō ō a máyā̰ ngāngə̄n ō.

JEREMI 2:32

Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

IJAI 17:4

Ndɔ̄ ngeé ń noō tə́ ní, bo yā Israel a tél kə̄ nang tə́, kɔȳn i ngá̰ý to̰ alé.

Makətūbə̄ ń Pol ndang adə̄ Rom gə̄ ní 1:25

Nin̄-unən̄ yá̰á̰ kə́ rɔ̄kum aĺ gə̄ tá əndān̄ kum gotə Nə́ɓā kə́ rɔ̄kum. Nin̄-rɔȳn̄ yá̰á̰ ń Nə́ɓā rāā ní ō, rāān̄ kəla adə̄nən̄ ō. Banī Nə́ɓā nge rāā yá̰a̰ gə̄ ń noō ń kadə̄ tɔ̄ȳnən̄ ngáńdáńg ní, nin̄-rɔȳnən̄ aĺ ō, rāān̄ kəla adə̄nən̄ aĺ ō. Adə̄ i tītə̄ ń noō.

IJAI 34:17

Núsən gə̄ kə́ tām̄ yādə́ gə̄ tə́ kógə̄ḿ kógə̄ḿ ní, i wə̄lā ń ni túgə̄ ní n əhɔ adə̄də́ ní. Ni un kəlā yān yā mbɔ̄jə́nń núsə dɔ nang gə̄ kə́ tām̄ yādə́ gə̄ tə́ kem ɓēé. Nin̄ a əngen̄ núsə dɔ nang gə̄ ní tām̄ yādə́ tə́ i kə́ njɔ́ḿ gə̄ tə́. Nin̄ a ndin̄ loo ní tə́ i kə dɔ gír kojə yādə́ gēé.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

JEREMI 3:21

Ndū kógə̄ḿ ɓār̄ dɔ loo kə́ kḭḭ kə́ dɔɔ́ gə̄ tə́, i ngán Israel gə̄ n a nōōn̄ ō, a rāān̄ ɓɔ́ ō ní. Háĺdə́ nujə sák sák kɔ̄ɔ́. tɔdɔ̄ dɔdə́ ndigə̄nal Kɔ́ɔ̄ɓē Nə́ɓā yādə́.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

EJEKIEL 23:35

I tām̄ najə̄ ń toō tə́ n yá̰á̰ ń m-ə́dá ní n toó ní, m-ə́da na: Jerusalem, dɔí ndígə̄naləḿ kɔ̄ɔ́ ō, ḭ̄ ə́ya̰m̄ kɔ̄ɔ́ ō. I beé ɓá ní, īkɔ́ ā ī-ndíbə̄ hor yá̰á̰ ń hálí kə́ to rɔ̄sɔl̄ adə̄ i háĺ ájə́ba reēń dɔí tə́ ní.