JEREMI 13:22 - Bibəl ta Sar̄

²² Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

Bible sar

²² Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

JEREMI 13:22 Referans Kwoze

NAHUM 3:5

Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

JEREMI 5:19

Dan ń sḭḭ̄ ā ə́daī na: I tām̄ rí tə́ á Kɔ́ɔ̄ɓē yājí rāā adə̄ yá̰a̰ gə̄ ń toō malang rāān̄jí ní? Anī ā ə́dádə́ na: Sḭḭ̄ ī-mbātə́mī ba ī-rāāī kəla ādī nə́ɓā yā tə̄rā gə̄ dɔ nang yāsí tə́ ní, ā ī-rāāī kəla tītə̄ ń noō yā kadə̄ tə̄rā gə̄ dɔ nang kə́ ndetəsí aĺ tə́.

OJEE 2:10

Ni-a̰a̰ yá̰á̰ ń toō ger̄ alé: I mā n m-ādə̄n gémē ō, kasə nduú kə́ kijə ō, yibə̄ kə́ kijə ō ní. M-ādə̄n gində̄ arjā̰a̰ ō, lɔ́ŕ ō, ɔy aw̄ ndējə̄ ɓesə̄ Baal ní alé. Banī ni ɔy tām̄ yā Baal tə́.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

JEREMI 13:26

Tām̄ ń toō tə́ ní, mā m-ā m̄-sa̰ā̰ kūbə̄ kə́ ta gírí tə́ kə̄ dɔɔ́ kadə̄ de gə̄ a̰ā̰n̄ gírí.

NDŪ NAJƏ̄ 7:17

Majanī ā ī-gírī kemsí tə́ ā ə́daī na: Nápar de gə̄ ń ngangə̄n̄ tɔȳsí ní ké ā ī-rāāī i ba̰ý n ā ī-taāīneé dɔ nang yādə́ ní wa?

IJAI 3:17

I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.

OJEE 12:8

Kɔ́ɔ̄ɓē əda na: Epəraim, ḭ̄ āw̄ kə yá̰a̰ mbɔ̄jə́ kɔȳ yá̰á̰ kə́ gōtə́ aĺ jīí tə́. Nelī gól̄ de gə̄ ngá̰ý.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

NDŪ NAJƏ̄ 18:21

Majanī ā ī-dəje rɔ̄í najə̄ ā əda na: J-a jə-rāā i ba̰ý n j-a jə-gerə̄ń kadə̄ i Kɔ́ɔ̄ɓē n əda najə̄ aĺ ní?

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

JEREMI 14:16

De gə̄ ń oōn̄ najə̄ kɔr̄ ngé koō ta gə̄ ngeé ń toō ní, a oyn̄ ō. A oyn̄ yo ɓō ō, yo kaskar ō, adə̄ nīńdə́ a taā kum kə̄lá róbə gə̄ kə́ Jerusalem. Nin̄ ō, nə̄yá̰də́ gə̄ ō, ngáńdə́ gə̄ kə́ dəngam ō, kə́ dəyá̰ gə̄ ō a əngen̄ deē kógə̄ḿ kə́ yā dubə̄də́ alé. I loo rāā ń m-ā m̄-rāā kadə̄ majaĺ yādə́ nin̄ kɔ́ gə̄ tél kə̄ dɔdə́ tə́ ní n noó.

EJEKIEL 23:26

Nin̄ a táān̄ kūbə̄ yāí gə̄ kɔ̄ɔ́ ō, a táān̄ yá̰á̰ súū rɔ̄ yāí kə́ majə ngá̰ý gə̄ kɔ̄ɔ́ ō.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.