JEREMI 13:17 - Bibəl ta Sar̄

¹⁷ Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

Bible sar

¹⁷ Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 13:17 Referans Kwoze

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

EJEKIEL 34:31

A̰á̰ā̰, sḭḭ̄ deē ndul gə̄, sḭḭ̄ i ɓūtə̄ yá̰a̰ kul̄ yāḿ gə̄ ō, mā m-á̰a̰ gōsí ō. A̰á̰ā̰, Nə́ɓā yāsí i mā. Najə̄ ń Kɔ́ɔ̄ɓē Nə́ɓā əda ní n noó.

NŌŌ RƆ̄ 2:18

Ngarā̰ kem de kə́ Jerusalem gə̄ nōō kə̄ dɔ Kɔ́ɔ̄ɓē tə́. Ndogə̄ mbal̄ yā ngōmandə kə́ Siyo̰, ə́ya̰ man̄ kumií ādə̄ a̰ȳ tītə̄ man̄ kə́ wól loo tə́ beé kadaá ō, ndɔ̄ɔ́ ō. Ī-lōō taā koō ō, ādə̄ kumií i kə nōó ō.

NŌŌ RƆ̄ 1:16

Yá̰á̰ ń m̄-nōō najə̄n tə́ ní, rāā adə̄ kumḿ tetə man̄ jōó mbak. Tɔdɔ̄ nge sɔl̄ kemḿ ō, nge kadə̄m̄ tɔ́gə kadə̄ m̄-ndiń kə kumḿ ō, ɔr̄ rɔ̄n kɔ̄ɔ́ sa̰y rɔ̄ḿ tə́. Ngánə́ḿ gə̄ nujən̄ kɔ̄ɔ́, tɔdɔ̄ tɔ́gə madə̄ ba̰ā̰ḿ tɔȳ yādə́.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

1 SAMUEL 15:35

Samuel aw̄ ka̰a̰ Saul tə́ to̰ aĺ bátə́ oyń. Ni a nōō i Saul, tɔdɔ̄ Kɔ́ɔ̄ɓē ndə̄ngā rɔ̄n najə̄ kəndā ń n-əndā Saul mban̄g dɔ ngán Israel gə̄ tə́ ní.

EJEKIEL 36:38

Kété ní, dan yā rāā nāā kə́ bo gə̄ tə́ ní, dā̰ gə̄ kə́ yā tɔ̄l̄ ba tun̄ kadə̄ Nə́ɓā taān̄ loo kem ɓē kə́ Jerusalem tə́. A reēn̄ sedə́ i kə ɓūtə̄də́ gēé kə taá malang. I beé ní, de gə̄ ń a télən̄ yā reē ndi kem ɓē bo yāsí kə́ nujə kɔ̄ɔ́ gə̄ tə́ ní, nin̄ i ngá̰ý tītə̄ ń noō ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

JEREMI 23:1

Yá̰á̰ kə́ to kum kaȳ aĺ a teē dɔ ngé kul̄ yá̰a̰ gə̄ ń əya̰n̄ yá̰a̰ kul̄ yāḿ gə̄ adə̄ ongə̄n̄ ō, tadə́ tḭ̄ḭ̄ ō ní. Najə̄ ń Kɔ́ɔ̄ɓē əda ní n noó.

JEREMI 22:5

Banī ré sḭḭ̄ ōōī najə̄ gə̄ ń toō aĺ anī, njaḿ gə̄gē, kújə́ ń toō a téĺ yá̰á̰ kə́ nujə kə́ to dɔ naā tə́ bing.

JEREMI 17:16

Mā tā anī, m̄-mbātə́ kadə̄ mā i nge kul̄ yá̰a̰ yāí alé. Ḭ̄ ī-ger̄ majə kadə̄ m̄-ndə̄ngā ndɔ̄ kə́ majaĺ alé. Najə̄ ń teē taḿ tə́ ní m-ə́da i ta kumií tə́.

IJAI 63:11

Loo ń noō tə́ əga kem gír deē yān gə̄ dɔ yá̰á̰ kə́ mān̄ kɔ̄ɔ́ tə́, dɔ ɓāl̄ gə̄ ń Moijə i sedə́ tə́ ní: Nge ń teē kə gír deē yān gēé kum bā bo tə́ ní, kə ɓūtə̄ yá̰a̰ kul̄ yān gēé naā tə́ kə ngé ngɔ̄m̄ yá̰á̰ kul̄ yān gēé ní, ni i rá? Nge ń əndā ndílən dɔ dáńdə́ tə́ ní ni i rá?

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

JEREMI 15:17

m̄-sāā nja ngé koō naā gə̄ ń ɔsən̄ dɔdə́ naā tə́ ní yā ndi dáńdə́ tə́ rāā rɔ̄nel̄ alé. Tɔdɔ̄ ə́hɔm̄ kə jīí tɔgə adə̄ m̄-ndi kə kérə́ḿ ō, ī-rāā adə̄ wōn̄g asəm̄ nak ō.

JEREMI 23:2

I tām̄ ń toō tə́ n najə̄ ń Kɔ́ɔ̄ɓē Nə́ɓā yā Israel əda ngé kul̄ yá̰á̰ gə̄ ń i ngé ngɔ̄m̄ gír deē yāḿ gə̄ ní n toó ní: Sḭḭ̄ əya̰ī yá̰a̰ kul̄ yāḿ gə̄ kɔ̄ɔ́ adə̄ aw̄n̄ kə̄ loo gə̄ tə́. Ba mā m-ə̄ndā kumḿ gíŕsí tə́ yā kəndasí tām̄ yá̰a̰ rāāsí kə́ gōtə́ aĺ gə̄ tə́. Najə̄ ń Kɔ́ɔ̄ɓē əda ní n noó.

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

EJEKIEL 24:16

Ḭ̄ ngōn̄ deē, dəyá̰ ń ka̰a̰n nelī ngá̰ý ní, m-ā m̄-taān̄ jīí tə́ kɔ̄ɔ́ i taā kə́ rétə́ ngá̰ý. Ā ī-rāā yon aĺ ō, ā ī-sɔ̄ḿ aĺ ō, ā ī-nōō aĺ ō.

NŌŌ RƆ̄ 3:48

Man̄ kumḿ a̰ȳ tɔdɔ̄ gír deē yāḿ gə̄ ń rāān̄ rɔ̄də́ i dəyá̰ kə́ mandə tə́ ní, nujən̄ kɔ̄ɔ́.