JEREMI 13:14 - Bibəl ta Sar̄

¹⁴ M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

Bible sar

¹⁴ M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 13:14 Referans Kwoze

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 6:21

I tām̄ ń toō tə́ n najə̄ ń Kɔ́ɔ̄ɓē əda ní n toó ní. m̄-tə́ndā gīgə̄ gə̄ no gír de gə̄ ń toō tə́, kadə̄ tə́gādə́ kadə̄ bḭ́ḭ̄n̄ ba tə́sōn̄. Bɔbə̄ ngōn̄ ō, ngōn̄ ō a bḭ́ḭ̄n̄ naā tə́ mbak. Madə̄ ɓē naā gə̄ ō, madə̄ naā gə̄ ō, a oyn̄.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

MARK 13:12

De kə́rēý gə̄ a əlan̄ ngákó̰ó̰də́ gə̄ ta yo tə́ ō, bɔbə̄ ngán gə̄ a rāān̄ beé kə ngáńdə́ gēé ō. Ngé kə́rēý gə̄ a ḭḭn̄ yā mbātə́ bɔbə̄də́ gə̄ kə kó̰ó̰də́ gə̄ ō, a əlan̄də́ ta yo tə́ ō.

MATIYE 10:21

De gə̄ a əlan̄ ngákó̰ó̰də́ gə̄ ta yo tə́ ō, bɔbə̄ ngōn̄ a əla ngōnən ta yo tə́ ō. Ngán gə̄ a ḭḭn̄ yā mbātə́ bɔbə̄də́ gə̄ kə kó̰ó̰də́ gə̄ ō, a əlan̄də́ ta yo tə́ ō.

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

EJEKIEL 9:5

Gō tə́ anī m-ōō najə̄ ń Kɔ́ɔ̄ɓē əda gotə ɓūtə̄ de gə̄ ń na̰yn̄ ní, ni ədadə́ na: Ī-njə̄rāī gō deē ń noō tə́ kem ɓēé ba ī-tɔ̄lī de kə́ kemeé gə̄. Ī-lōōī kəya̰də́ ō, ādī kumsí o̰o̰sí tām̄ yādə́ tə́ aĺ ō.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

EJEKIEL 7:9

Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

JEREMI 48:12

Tā anī kem ndɔ̄ gə̄ ń a reēn̄ noó tə́ ní, m-ā m-ə́la kə de gēé kadə̄ tūrə̄n̄ gírən kem jóó kə́ rang gə̄ tə́ ō, yā kəya̰ kem jóo yān gə̄ karī ō, tɔ̄ɔ̄də́ kɔ̄ɔ́ ō.

JEREMI 47:3

əgan̄ kɔŕ kadə̄ kə dḭḭ̄n̄də́ ō, de gə̄ malang kə́ kem ɓēé nōōn̄ naā ō. Yá̰á̰ ń noō rāā tá kadə̄ bɔbə̄ ngán gə̄ rɔ̄də́ ur̄ wak kɔ̄ɔ́ ní, tə́jān̄ kumdə́ ta ngáńdə́ gə̄ tə́ kɔ̄ɔ́.

JEREMI 16:5

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: Údə kem kújə́ kə́ de gə̄ kánə̄n̄ naā kemeé yā nōoń yo tə́ alé. Āw̄ loo rāā yá̰a̰ kūjə́ kə́ loo nōō yo gə̄ tə́ aĺ ō. Ādə̄ kumií o̰o̰ī kə de gə̄ ń noō aĺ ō, tɔdɔ̄ m-ā m̄-tél yā taā ndi lɔm yāḿ jī gír de gə̄ ń toō tə́ ō, m-ā m̄-rāā kem majə sedə́ to̰ aĺ ō, kumḿ a o̰o̰ḿ sedə́ to̰ aĺ ō. Najə̄ ń Kɔ́ɔ̄ɓē əda ní n noó.

2 YÁ̰A̰ GƏ̄ 20:23

Ngán Amon gə̄ ō, Moab gə̄ ō, əlan̄ gír rɔ̄ɔ̄ de kə́ dɔ mbal̄ kə́ Seir tə́ gə̄. Nin̄ tɔ̄lə̄n̄də́ náḿ náḿ. Gō tə́ anī nin̄ kɔ́ gə̄ tél tɔ̄lə̄n̄ naā kɔ̄ɔ́ malang.

1 SAMUEL 14:16

Ngé kum̄ loo yā Saul gə̄ ran̄ kem ɓē kə́ Gibea yā Benjamḛ tə́ a a̰a̰n̄neé loo. Nin̄ a̰a̰n̄ kósə Pilistin kə́ ngá̰ý gə̄ ń a̰a̰n̄ woy woy kə̄ loo gə̄ tə́ ní.

Makətūbə̄ yā Job 27:22

Urnən̄ kanjə̄ ka̰a̰ kum tō ndoō yān, ba ni-əhɔ rɔ̄n tɔgə yā teē kɔ̄ɔ́ ta jī nge kur gərā tə́.

JEREMI 15:5

I náā n a a̰a̰ kum tō ndoō yāí tā, Jerusalem? I náā n a nōō ndoōí? I náā n a njə́ɓā rɔ̄n ta dəje kōōí?

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.

OJEE 2:4

Ə́daī yá̰á̰ kə́ majaĺ gə̄ ń kó̰ó̰sí rāā ní, ə́daī yá̰á̰ kə́ majaĺ gə̄ ń ni-rāā ní. Tɔdɔ̄ ni i nə̄yá̰ḿ to̰ aĺ ō, mā i ngaan to̰ aĺ ō. Ni-aw̄ kə yá̰a̰ gə̄ ta kumən tə́ kə́ ɔjən̄ kadə̄ ni i dəyá̰ ájə́ba. Ādə̄ ni-ɔr̄ yá̰a̰ gə̄ ní kɔ̄ɔ́! Ni-aw̄ kə yá̰a̰ gə̄ dɔ dán mbaan gə̄ tə́ kə́ ɔjən̄ kadə̄ ni i dəyá̰ kə́ nge rāȳ. Ādə̄ ni-ɔr̄ yá̰a̰ gə̄ ní kɔ̄ɔ́!

JAKARI 11:6

Mā Kɔ́ɔ̄ɓē m-ə́dá wáńg na: Kumḿ a o̰o̰m̄ kə de kə́ dɔ nang tə́ gēé to̰ alé. M-ā m-ə́la deē ndul gə̄ kógə̄ḿ kógə̄ḿ kem jī madə̄ ɓēdə́ gə̄ tə́ ō, kem jī mban̄g yādə́ tə́ ō. Mban̄g gə̄ a nujən̄ dɔ nang kɔ̄ɔ́ malang ō, m-ā m̄-taā deē kógə̄ḿ jīdə́ tə́ yā kəya̰n dɔɔ́ aĺ ō.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 25:16

A a̰ȳn̄ ō, a bḭ́ḭ̄n̄ ō, tāmə̄n̄ mbitə mbitə ō, dan ń a a̰a̰n̄ kaskar ń m-ə́la dɔ dáńdə́ tə́ ní.

EJEKIEL 7:3

Ngɔlaā ní gír yāsí gān̄g kɔ̄ɔ́. M-ā m̄-bə̄gā wōn̄g yāḿ dɔsí tə́ sɔɔ̄ń háĺsí ō, yá̰a̰ rāāsí kə́ majaĺ ngá̰ý gə̄ ní, m-ā m̄-rāāsí kadə̄n ā ə̄gāī kə̄rān ō.