JEREMI 12:8 - Bibəl ta Sar̄

⁸ Yá̰a̰ kənge yāḿ tél to tītə̄ ɓɔl kə́ ku kāgə̄ tə́ kə̄ dɔḿ tə́. Ni tṵ́ṵ̄m̄ rɔ̄ɔ̄, adə̄ mā gə̄gē a m̄-gḛyn to̰ alé.

Bible sar

⁸ Yá̰a̰ kənge yāḿ tél to tītə̄ ɓɔl kə́ ku kāgə̄ tə́ kə̄ dɔḿ tə́. Ni tṵ́ṵ̄m̄ rɔ̄ɔ̄, adə̄ mā gə̄gē a m̄-gḛyn to̰ alé.

JEREMI 12:8 Referans Kwoze

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

JEREMI 51:38

Dan ń nin̄ ra a nōōn̄ naā tə́ tītə̄ balsáa ɓɔl gə̄ ō, a tṵ́ṵ̄n̄ rɔ̄ɔ̄ tītə̄ ngán ɓɔl gə̄ ō,

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

EJEKIEL 23:18

Ni-rāā ájə́ba i ta kum de gə̄ tə́ malang, rāā adə̄ de gə̄ a̰ā̰n̄ rɔ̄n kə́ karī. Loo ń noō tə́ nelə̄m̄ seneé aĺ ngá̰ý, tītə̄ ń nel̄məń kə ngōkó̰o̰n kə́ dəyá̰ aĺ ngá̰ý ní.

MISE 2:8

Banī Kɔ́ɔ̄ɓē ədasí sḭḭ̄ na: Háĺ ń sḭḭ̄ ā ī-rāāī kə́ gír deē yāḿ gēé ní, i tītə̄ yā madə̄ ba̰ā̰ gə̄. Ngé gə̄ ń télən̄ ta rɔ̄ɔ̄ tə́ ō, njə̄rān̄ loo yādə́ kanjə̄ sōl̄ yá̰á̰ kógə̄ḿ ō ní, sḭḭ̄ ī-táāī kūbə̄ yādə́ gə̄ kə́ dɔ madə̄ gə̄ tə́.