JEREMI 12:7 - Bibəl ta Sar̄

⁷ M-ə́yá̰ kújə yāḿ kɔ̄ɔ́, m̄-mbātə́ yá̰a̰ kənge yāḿ kɔ̄ɔ́, m-ə́la nge ń m̄-tárən ngá̰ý ní jī madə̄ ba̰ā̰n gə̄ tə́.

Bible sar

⁷ M-ə́yá̰ kújə yāḿ kɔ̄ɔ́, m̄-mbātə́ yá̰a̰ kənge yāḿ kɔ̄ɔ́, m-ə́la nge ń m̄-tárən ngá̰ý ní jī madə̄ ba̰ā̰n gə̄ tə́.

JEREMI 12:7 Referans Kwoze

IJAI 2:6

Kɔ́ɔ̄ɓē, ḭ̄ ə́yá̰ gír deē yāí gə̄ ń i kojə yā Jakob ní kɔ̄ɔ́. I tām̄ yā yá̰á̰ ń toō tə́: Kɔdə̄ sāā gə̄ kə́ ḭḭn̄ gír ɓē tə́ taān̄ loo kem ɓē yān tə́. Kutə ngé ka̰a̰ yá̰á̰ kə́ dɔ rā̰ tə́ gə̄ i ngá̰ý tītə̄ yā ngé kə́ ɓē Pilistin gēé. Gír deē yāí gə̄ rāān̄ gātə̄ kə tə̄rā gēé.

JEREMI 11:15

I rí n kó tár yāḿ kə́ dəyá̰ reē a sāā kem kújə yāḿ tə́ ɓáý ní? Ni-rāā yá̰a̰ i kə kum kedēé ngá̰ý. Yá̰á̰ kə́ to kum kaȳ aĺ ń i dɔí tə́ ní i gír̄ kadə̄ kənī ndū yāí ō, dā̰ ń ɔ̄r̄ kam̄ ní ō, a asən̄ kun kɔ̄ɔ́ a? Ī-gír̄ kadə̄ ā ásə teē kum tə́ i tītə̄ ń noō a?

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

JOEL 3:2

Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

JOEL 2:15

Ī-kɔ̄ríī tōw̄ Siyo̰ tə́, ī-*ndiī ɓō tām̄ yā Nə́ɓā tə́ ɔ̄rīneé kamsí, ə̄nīī mbēr̄ kán̄ naā kə́ táĺ.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

JEREMI 51:5

Tɔdɔ̄ kem ɓē yādə́ tə́ ní, nin̄ rāān̄ yá̰á̰ kə́ gōtə́ aĺ ngá̰ý kə kə́ táĺ yā Israel. Banī Nə́ɓā yā Israel ō, yā Juda ō ń i Kɔ́ɔ̄ɓē kə́ bo kə́ tɔ́gən i ngá̰ý ní, oy tadə́ tə́ alé.

JEREMI 7:29

Ə́ja nənga dɔí ń ɔjə kadə̄ ɔ̄r̄ kamí tām̄ yā Nə́ɓā tə́ ní ba ī-ɓōkə́ kɔ̄ɔ́. Ə̄nī pā nōō rɔ̄ kum róbə gə̄ tə́, tɔdɔ̄ Kɔ́ɔ̄ɓē kídə̄ de gə̄ ń rāānən̄ adə̄ ənge wōn̄g ní ō, əya̰də́ kɔ̄ɔ́ ō.

JEREMI 7:14

kújə́ ń rīḿ i dɔ tə́ ō, ī-taāī kemən mámák ō, loo ń m-ādə̄sí ō, m-ādə̄ kaasí gə̄ ō ní, ngɔlaā m-ā m̄-rāań yá̰á̰ ń m̄-rāā kə Silo ní.

JEREMI 14:19

Ḭ̄ ī-mbātə́ Juda kə̄ noí tə́ a? Nelī kə Siyo̰ to̰ aĺ a? I tām̄ rí tə́ á ə́ndájí kə yá̰á̰ kə́ majaĺ kə́ dum̄ təgā beé? Jə-rāā kemjí tə́ kadə̄ rɔ̄jí a ngan̄g ba yá̰á̰ kógə̄ḿ kə́ ngáā gətóo i ɓōĺ n teē kə̄ róbó.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

JEREMI 23:33

Ré de gə̄ ń toō adə̄ i nge koō ta, aláa i nge tun̄ yá̰a̰ dəjeī najə̄ əda na: I yá̰á̰ rí yā Kɔ́ɔ̄ɓē n i yá̰a̰ kətō kə́ ɔȳ ngá̰ý ní anī, ə́dan na: I sḭḭ̄ n i yá̰a̰ kətō kə́ ɔȳ ngá̰ý ní, adə̄ m-ā m̄-mbātə́sí kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 23:39

á̰a̰ī m-ā m-ə́yá̰sí kɔ̄ɔ́ ō, m-ā m̄-tə̄ɓāsí kɔ̄ɔ́ ta kumḿ tə́ ō. M-ā m-ə́yá̰sí sḭḭ̄ ō, ɓē ń m-ādə̄sí ō, m-ādə̄ kaasí gə̄ ō ní kɔ̄ɔ́.

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

NDŪ NAJƏ̄ 33:12

Yá̰á̰ ń Moijə əda dɔ Benjamḛ tə́ ní n toó: Benjamḛ i de kə́ Kɔ́ɔ̄ɓē tárən ngá̰ý. Ni-ndi rɔ̄ Nə́ɓā yān tə́ kanjə̄ sōl̄ yá̰á̰ kógə̄ḿ. Nə́ɓā ngɔ̄mən kə dɔ ndɔ̄ gə̄ ō, Ndi i dan ngán mbal̄ yān gə̄ tə́ ō.

2 MBAN̄G 21:14

Gotə deē yāḿ gə̄ ń teēn̄ ta yo tə́ ní m-ā ə́yá̰də́ kɔ̄ɔ́. M-ā m-ə́ládə́ kem jī madə̄ ba̰ā̰də́ gə̄ tə́ kadə̄ əhɔn̄də́ aw̄n̄ sedə́ ō, ɔyn̄ yá̰a̰ kənge kə́ kem ɓē yādə́ gə̄ tə́ malang ō.

PĀ GƏ̄ 78:62

Ngé gə̄ ń i deē yān gə̄ ní wōn̄g rāān sedə́, ni əya̰də́ adə̄ oyn̄ yo kaskar.

PĀ GƏ̄ 106:40

Wōn̄g rāā Kɔ́ɔ̄ɓē ngá̰ý dɔ gír deē yān gə̄ tə́. Ngé gə̄ ń i yá̰a̰ halan gə̄ ní ni kidə̄də́ kɔ̄ɔ́,

JEREMI 22:5

Banī ré sḭḭ̄ ōōī najə̄ gə̄ ń toō aĺ anī, njaḿ gə̄gē, kújə́ ń toō a téĺ yá̰á̰ kə́ nujə kə́ to dɔ naā tə́ bing.