JEREMI 12:3 - Bibəl ta Sar̄

³ Kɔ́ɔ̄ɓē ī-gerə̄m̄, ḭ̄ á̰a̰m̄ ō, ə̄ndā ma̰ȳ gír̄ yāḿ gə̄ ō. Gír̄ yāḿ gə̄ aw̄n̄ gō yāí tə́. Ə̄ndā ngé kem ndul gə̄ dɔ jīí tītə̄ batə̄ gə̄ kə́ yā kaw̄ń kə̄ loo tɔ̄l̄də́ tə́. Ə̄ndādə́ dɔ jīí yā ngóoń ndɔ̄ tɔ̄l̄də́.

Bible sar

³ Kɔ́ɔ̄ɓē ī-gerə̄m̄, ḭ̄ á̰a̰m̄ ō, ə̄ndā ma̰ȳ gír̄ yāḿ gə̄ ō. Gír̄ yāḿ gə̄ aw̄n̄ gō yāí tə́. Ə̄ndā ngé kem ndul gə̄ dɔ jīí tītə̄ batə̄ gə̄ kə́ yā kaw̄ń kə̄ loo tɔ̄l̄də́ tə́. Ə̄ndādə́ dɔ jīí yā ngóoń ndɔ̄ tɔ̄l̄də́.

JEREMI 12:3 Referans Kwoze

JEREMI 17:18

Ādə̄ rɔ̄sɔl̄ rāā ngé rāām̄ yá̰á̰ kə́ tōr̄ gə̄, ba ādə̄ rāām̄ mā alé. Ādə̄ i nin̄ n ndewn̄, ba i mā alé. Ī-rāā ādə̄ ndɔ̄ yá̰á̰ kə́ to kum kaȳ aĺ əsō dɔdə́ tə́. Ī-nujə sedə́ ba ī-tél ī-nujə sedə́ ɓáý to̰.

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

JAKƏ 5:5

Sḭḭ̄ ī-ndiī dɔ nang tə́ i dan yá̰á̰ kə́ majə gə̄ tə́ ō, i dan rɔ̄nel̄ tə́ ō, sḭḭ̄ ə̄ndāī mbóĺsí tām̄ yā ndɔ̄ tɔ̄l̄sí tə́ ō.

PĀ GƏ̄ 17:3

Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

PĀ GƏ̄ 139:23

Nə́ɓā, ə̄ndā ma̰ȳḿ ō, á̰a̰ ngarā̰ kemḿ ō, ī-ger̄ najə̄ kə́ dɔḿ tə́ malang ō. Ī-nāām̄ ba ī-ger̄ gír̄ kə́ kemḿ tə́ gə̄.

PĀ GƏ̄ 26:1

Pā yā Dabid. Kɔ́ɔ̄ɓē, ī-gān̄g sarya yāḿ, tɔdɔ̄ m̄-rāā yá̰a̰ i kə́ gōó ō, m-ə̄ndā kemḿ dɔí tə́ kanjə̄ kadə̄ kemḿ tɔ́sə̄m̄ ō.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

JEREMI 51:4

Ādə̄ ngé gə̄ ń əngen̄ do kə́ asə yodə́ ní, tə́sōn̄ kem ɓē yā Kalde gə̄ tə́ ō, ngé gə̄ ń tɔ́sə̄n̄də́ kə nəngaá ní, tə́sōn̄ kum kə̄lá róbə gə̄ kə́ Babilon tə́ ō.

JEREMI 48:15

Nge nujə kə dɔ nang kə́ Moab sák sák aw̄ kə̄ kənī ɓē yān gə̄ rɔ̄ɔ̄ tə́. Balsáa kə́ kɔl watang gə̄ kə́ Moab a aw̄n̄ kə̄ ta yo tə́. I mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda ní.

JEREMI 20:12

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.

PĀ GƏ̄ 11:5

Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

Makətūbə̄ yā Job 23:10

Tá ni ger̄ róbə́ ń m-úń ní majə. Ré ni nāām̄ anī, m-ā m̄-teē kum tə́ ō, m-ā m-ūnjə̄ njáý njáý tītə̄ lɔ́r beé ō.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

2 PIYER 2:12

Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

JEREMI 15:15

Ḭ̄ Kɔ́ɔ̄ɓē ī-ger̄ yá̰a̰ gə̄ malang, ādə̄ əga kemií dɔḿ tə́, á̰a̰ gōḿ. Ī-dal ba̰ā̰ḿ dɔ ngé rāā kumḿ ndoō tə́ gə̄ tə́. Ī-lōō to gír kəndā ɓam tə́ kadə̄ m̄-nujə. Ī-ger̄ majə kadə̄ m̄-tə́gā taḿ dɔ ndū gə̄ ń a tájə̄mə̄n̄ tə́ ní i najə̄ yāí tə́.

JEREMI 17:16

Mā tā anī, m̄-mbātə́ kadə̄ mā i nge kul̄ yá̰a̰ yāí alé. Ḭ̄ ī-ger̄ majə kadə̄ m̄-ndə̄ngā ndɔ̄ kə́ majaĺ alé. Najə̄ ń teē taḿ tə́ ní m-ə́da i ta kumií tə́.