JEREMI 12:17 - Bibəl ta Sar̄

¹⁷ Ba ré gḛyn̄ aĺ anī, m-ā m-ɔ̄r̄ nápar de gə̄ ń toō kə ngəradə́ gēé ɗer. M-ā m̄-rāādə́ kadə̄ oyn̄ kɔ̄ɔ́. Najə̄ ń Kɔ́ɔ̄ɓē əda ní n noó.

Bible sar

¹⁷ Ba ré gḛyn̄ aĺ anī, m-ā m-ɔ̄r̄ nápar de gə̄ ń toō kə ngəradə́ gēé ɗer. M-ā m̄-rāādə́ kadə̄ oyn̄ kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 12:17 Referans Kwoze

IJAI 60:12

Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

DANIEL 11:4

Dan ń ngəran a əhɔ nang majanī ɓē ko̰o̰ yān a nujə sák sák ō, a gāngə̄n̄ ɓē ko̰o̰ yān ní naā tə́ kə̄ loo gə̄ tə́ gír ɓē tə́ ō, no ɓē tə́ ō, dām̄ mbɔ̄r ɓē kə́ jōó gə̄ tə́ ō. De kə́ gír kaa yān tə́ a ndi gotən tə́ dɔ ɓē ko̰o̰ yān tə́ alé, a adə̄n̄ i de kə rang gə̄.

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

JEREMI 18:7

Dan kə́rēý gə̄ tə́ anī, m-ɔ̄r̄ najə̄ kɔr̄ nápar de gə̄ aláa ɓē ko̰o̰ kógə̄ḿ kə gír ngəraá ō, ɓéngə̄lē ō, nujəń sák sák ō.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

IJAI 41:11

De gə̄ malang ń rāān̄ wōn̄g seí ní, rɔ̄də́ a sɔl̄də́ ngá̰ý ō, ndū a asədə́ nák ō. Ngé gə̄ ń kɔ̄lə̄n̄ seí ní, a nujən̄də́ kɔ̄ɔ́ ō, nin̄ a oyn̄ ō.

MISE 5:14

Gō tə́ anī, gotə nápar de gə̄ ń oōn̄ taḿ aĺ ní, m-ā m̄-dal ba̰ā̰ dɔdə́ tə́ kə wōn̄g kə́ ngá̰ý.