JEREMI 12:13 - Bibəl ta Sar̄

¹³ De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

Bible sar

¹³ De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

JEREMI 12:13 Referans Kwoze

Makətūbə̄ yā Aje 1:6

Ī-dubī kōō ngá̰ý, banī ə́jaī kōō i sḛ́ý beē. Ə́saī yá̰a̰, ba tɔ̄l̄ ɓōsí alé. Ā̰yī yá̰a̰, banī asə tasí alé. Sḭḭ̄ ō̰ō̰ī kūbə̄, banī kūl̄ o̰o̰sí. Ə́ngeī nar gír kəla kə́ ī-rāāī tə́ banī ī-ɓōkíī nar yāsí ní i kem ngong kə́ mbutə tə́.

MISE 6:15

Ā ī-dubī yá̰a̰, banī ā ásiī kəja alé. Ā ī-kásī kan̄ kāgə̄ olibə, banī ā úniī yibə̄n yā rāań yá̰a̰ alé. Ā ī-mbə́rēī kan̄ kāgə̄ nduú, banī ā ā̰ȳ kasən alé.

NDŪ NAJƏ̄ 28:38

Ā ī-dubə̄ kōō ngá̰ý kem ndɔr̄ yāí tə́ ba ā ə́ja i sḛ́ý beē, tɔdɔ̄ yḭm̄ gə̄ a əsan̄ kɔ̄ɔ́ malang.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

HABAKUK 2:13

I tām̄ najə̄ ń noō tə́ n kɔr rāā nápar de gə̄ tām̄ yā hor tə́ ō, de kə́ kem ɓēé gə̄ a̰a̰n̄ tápə̄ kanjə̄ kumən ō ní. Yá̰a̰ gə̄ ń noō malang ḭḭn̄ i rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ aĺ a?

JEREMI 4:26

M-á̰a̰ loo anī, m-á̰a̰ kadə̄ loo ń kāgə̄ gə̄ i ngá̰ý tū tə́ ní tél loo kə́ ndágə doy. Kɔ́ɔ̄ɓē əla hor dɔ ɓē gə̄ tə́ malang kə wōn̄g yān kə́ al̄ naā ngá̰ý.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

LEBI GƏ̄ 26:20

Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.

JEREMI 9:5

Rāān̄ dɔ́nɔ ba tél rāān̄ ɓáý to̰ ō, gólə̄n̄ loo ba tél gōlə̄n̄ ɓáý to̰ ō. Nin̄ mbātə́n̄ gerə̄m̄ mā Kɔ́ɔ̄ɓē.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

PĀ GƏ̄ 78:62

Ngé gə̄ ń i deē yān gə̄ ní wōn̄g rāān sedə́, ni əya̰də́ adə̄ oyn̄ yo kaskar.

OJEE 8:7

Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.

Makətūbə̄ yā Aje 1:9

Sḭḭ̄ ī-ngóōī kadə̄ ndɔr̄ yāsí gə̄ teēn̄ kōō ngá̰ý, banī ə́jaī kōō i sḛ́ý beē. Yá̰á̰ ń ə́ngeī á āwīneé ɓēé ní, m̄-tóo kɔ̄ɔ́, adə̄ yá̰á̰ ní gətóo kɔ̄ɔ́ malang. I tām̄ rí tə́? Kɔ́ɔ̄ɓē kə́ bo kə́ tɔ́gən i ngá̰ý dəjesí najə̄ ń noō. I tām̄ kújə́ kə́ bo yāḿ kə́ i kɔkərɔ gə̄ kə́ ra dɔ naā tə́ bing, dan ń sḭḭ̄ kógə̄ḿ kógə̄ḿ ə̄ndāī kumsí gíŕ kújə yāsí gə̄ tə́ ī-rāāī ādī majə ní.