JEREMI 12:12 - Bibəl ta Sar̄

¹² Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

Bible sar

¹² Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

JEREMI 12:12 Referans Kwoze

AMOS 9:4

Ré nin̄ aw̄n̄ ɓəloó ɓē madə̄ ba̰ā̰də́ gēé anī, m-ā m-ə́da kadə̄ a tɔ̄lə̄n̄də́. M-ā m-ə̄ndā kumḿ gōdə́ tə́ i tām̄ yā ndi majə yādə́ tə́ alé banī i yā kadə̄ yá̰á̰ kə́ to kum kaȳ aĺ teē dɔdə́ tə́.

JEREMI 47:6

I yá̰á̰ kə́ to kum kaȳ aĺ kə́ ba̰ý beē! Kaskar yā Kɔ́ɔ̄ɓē, ā ī-taā koō i rə́ngáý tə́? Ī-tél údə kem hɔ̄pīí tə́ gogə́. Ī-ndi jəke kanjə̄ rāā yá̰a̰.

EJEKIEL 14:17

Aĺ ɓáa m-ā m̄-rāā kadə̄ de gə̄ a reēn̄ yā rɔ̄ɔ̄ gír de gə̄ ń toō. M-ā m-ə̄ndā dɔ ngé rɔ̄ɔ̄ gə̄ tə́ kadə̄ nujən̄n ɓē kɔ̄ɔ́ ō, kadə̄ tɔ̄lə̄n̄ de gə̄ ō, dā̰ gə̄ ō kɔ̄ɔ́.

IJAI 34:6

Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

JEJU TEĒ KUM JA̰A̰ 6:4

Anī sə́ndá kə́ rang kə́ kərē tītə̄ hor beé teē. Ba deē ń ndi gidən tə́ ní, adə̄nən̄ kadə̄ taā kem sɔl̄ lɔm kə́ dɔ nang tə́ kɔ̄ɔ́, yā kadə̄ de gə̄ tɔ̄lə̄n̄ naā ō, adə̄nən̄ kaskar kə́ bo ngá̰ý ō.

SOPONI 2:12

Sḭḭ̄ de kə́ Etiopi gə̄, m-ā m̄-rāāsí kadə̄ ā óyiī ta rɔ̄ɔ̄ tə́ ō.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

JEREMI 48:2

Gír rī ɓār̄ yā Moab gān̄g kɔ̄ɔ́. De gə̄ ndin̄ Hesəbon ba oōn̄ naā yā nujə seneé. J-aw̄ jə-tɔ̄lī gír nápar de gə̄ ń toō kɔ̄ɔ́. Ḭ̄ Madəmen, gír yāí gān̄g kɔ̄ɔ́, tɔdɔ̄ kaskar ngɔ̄də̄ gōí.

JEREMI 34:17

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

JEREMI 3:2

Ún kumií kə̄ dɔɔ́ ba á̰a̰ loo kum kə̄ dɔ mbal̄ kə́ ndágə doy gə̄ tə́: I loo kə́ rá n ādə̄ ɓīīn̄ seí tū tə́ aĺ ní? Ī-ndi ī-ngóōdə́ kə bɔ̄gə̄ róbə gēé tītə̄ Arabə kə́ ndi kem dəla loo tə́. Ḭ̄ ī-rāā ájə́ba ō, háĺ kə́ gōtə́ aĺ ō, ī-yḛrəń loo kə́ dɔ nang tə́.

IJAI 57:21

Nə́ɓā yāḿ əda na: De kə́ majaĺ gə̄ ní, kem sɔl̄ lɔm kə́ tām̄ yādə́ tə́ gətóo.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

NDŪ NAJƏ̄ 32:42

Gərā yāḿ gə̄ a a̰ȳn̄ mósə kadə̄ rāādə́ kə́ kasə tə́ ō, kaskar yāḿ a əsa dā̰ yā ndān̄ ō. Adə̄ i mósə de gə̄ ń tɔ̄lə̄n̄də́ ní ō, de gə̄ ń əhɔn̄də́ ta rɔ̄ɔ̄ tə́ ní ō, ngol áskar gə̄ yā madə̄ ba̰ā̰ gə̄ ō.

JEREMI 3:21

Ndū kógə̄ḿ ɓār̄ dɔ loo kə́ kḭḭ kə́ dɔɔ́ gə̄ tə́, i ngán Israel gə̄ n a nōōn̄ ō, a rāān̄ ɓɔ́ ō ní. Háĺdə́ nujə sák sák kɔ̄ɔ́. tɔdɔ̄ dɔdə́ ndigə̄nal Kɔ́ɔ̄ɓē Nə́ɓā yādə́.

JEREMI 4:27

Najə̄ ń Kɔ́ɔ̄ɓē əda ní n toó: Dɔ nang malang kə taá a téĺ yá̰á̰ kə́ to kum ko̰ ngá̰ý banī m-ā m̄-nujəń malang alé.

JEREMI 16:5

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: Údə kem kújə́ kə́ de gə̄ kánə̄n̄ naā kemeé yā nōoń yo tə́ alé. Āw̄ loo rāā yá̰a̰ kūjə́ kə́ loo nōō yo gə̄ tə́ aĺ ō. Ādə̄ kumií o̰o̰ī kə de gə̄ ń noō aĺ ō, tɔdɔ̄ m-ā m̄-tél yā taā ndi lɔm yāḿ jī gír de gə̄ ń toō tə́ ō, m-ā m̄-rāā kem majə sedə́ to̰ aĺ ō, kumḿ a o̰o̰ḿ sedə́ to̰ aĺ ō. Najə̄ ń Kɔ́ɔ̄ɓē əda ní n noó.

JEREMI 25:11

Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.

JEREMI 30:5

Najə̄ ń Kɔ́ɔ̄ɓē əda ní n toó: De gə̄ oōn̄ kōō kɔŕ kə́ to ɓōĺ ngá̰ý. I ɓōĺ kə́ al̄ naā, lɔm gətóo.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

NŌŌ RƆ̄ 3:17

Ḭ̄ ɔ̄gə̄m̄ loo ndi lɔm adə̄ dɔḿ ndígə̄nal dɔ ndi majə tə́ kɔ̄ɔ́.

EJEKIEL 21:4

Loo ń noō tə́ de gə̄ malang a a̰a̰n̄ kadə̄ i mā Kɔ́ɔ̄ɓē n m-ə́la hor ní ō, hor ní a oy aĺ ō.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

JEREMI 8:15

Jə-ngóōī kadə̄ rɔ̄jí ngan̄g, ba yá̰á̰ kə́ to ngáā gətóo. Jə-ngóōī kum mbang kə́ kadə̄ rɔ̄jí ngangə̄ń, ba i ɓōĺ n rāājí ní.

EJEKIEL 21:8

Ā ə́dá ngán Israel gə̄ na najə̄ ń Kɔ́ɔ̄ɓē əda ní n toó: M-ā m̄-rāā yá̰á̰ kə́ tōr̄ seí. M-ā m-ɔ̄r̄ kaskar yāḿ kem hɔ̄pə̄n tə́ ō, m-ā m̄-tɔ̄l̄sí malang kɔ̄ɔ́ ō, de kə́ majə gə̄ ō, de kə́ majaĺ gə̄ ō.

EJEKIEL 21:9

A̰á̰ā̰, m̄-ndigə nujə sesí kɔ̄ɔ́ malang, de kə́ majə gə̄ gə̄gē, de kə́ majaĺ gə̄ gə̄gē. I tām̄ najə̄ ń noō tə́ n m-ā m-ɔ̄r̄ kaskar yāḿ kem hɔ̄pə̄n tə́ yā tɔ̄ləń de gə̄ malang ní. M-ā m-ə́lá gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.