JEREMI 11:8 - Bibəl ta Sar̄

⁸ Ba nin̄ mbātə́n̄ koō ndūḿ, nēlə̄n̄ mbīdə́ alé. Náā nəkɔ́ ɓáa rāā dɔ ngan̄g adə̄ al̄ naā kə̄ non tə́. Tā a m-ādə̄ yá̰a̰ malang ń najə̄ kə́ dɔ madə̄ naā ń toō tə́ mēr̄də́ rāā á mbātə́n̄ rāā ní ɔdədə́.

Bible sar

⁸ Ba nin̄ mbātə́n̄ koō ndūḿ, nēlə̄n̄ mbīdə́ alé. Náā nəkɔ́ ɓáa rāā dɔ ngan̄g adə̄ al̄ naā kə̄ non tə́. Tā a m-ādə̄ yá̰a̰ malang ń najə̄ kə́ dɔ *madə̄ naā ń toō tə́ mēr̄də́ rāā á mbātə́n̄ rāā ní ɔdədə́.

JEREMI 11:8 Referans Kwoze

JEREMI 7:24

Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 3:17

Kem ndɔ̄ gə̄ ń noō tə́ ní, a ɓārə́n̄ Jerusalem na i ‹Kōr̄ kāgə̄ mbang yā Kɔ́ɔ̄ɓē›. Nápar de gə̄ malang a a̰ȳn̄ kum kə̄ rɔ̄n tə́ najə̄ yā rī Kɔ́ɔ̄ɓē ń əndān̄ dɔn tə́ ní. A ton̄ gír rāā dɔ ngan̄g yādə́ kə́ majaĺ al̄ naā tə́ to̰ alé.

JAKARI 7:11

Banī de gə̄ mbātə́n̄ koō najə̄ ń toō kété kɔ̄ɔ́ ɓá. Nin̄ tūrə̄n̄ gidədə́ ta tə́ ō, utə̄n̄ mbīdə́ kɔ̄ɔ́ ō, yā koōń najə̄ ní alé.

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

NEHEMI 9:29

Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JEREMI 38:20

Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

JEREMI 44:5

Nin̄ oōn̄ najə̄ yādə́ aĺ ō, nēlə̄n̄ mbīdə́ yā tūrəń hál kem ndul yādə́ aĺ ō, lōōn̄ gíŕ róō yá̰a̰ ndējə̄ gə̄ tə́ yā kadə̄ nə́ɓā kə́ rang gə̄ aĺ ō.

JEREMI 44:16

Ɔ̄r̄ najə̄ sejí i kə rī Kɔ́ɔ̄ɓēé ɓá tā ba j-a j-oō najə̄ yāí alé.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.

JEREMI 7:13

Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

JEREMI 34:14

M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.