JEREMI 11:7 - Bibəl ta Sar̄

⁷ m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

Bible sar

⁷ m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

JEREMI 11:7 Referans Kwoze

2 YÁ̰A̰ GƏ̄ 36:15

Kɔ́ɔ̄ɓē Nə́ɓā yā kaadə́ gə̄ əla ngámbang kəla yān gə̄ adə̄ tāān̄də́ kə kum mbang kə́ majaá ō, tāān̄də́ i kə̄ nja naā tə́ ō. Tām̄ kumən o̰o̰n najə̄ yā gḭ́r deē yān gə̄ tə́ ō, kújə yān tə́ ō.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

1 SAMUEL 8:9

Beé ní ōō yādə́ ba ɔ́jə́də́ loo ko̰o̰ ń mban̄g a o̰o̰ ɓē dɔdə́ tə́ ní kété ādə̄ gerə̄n̄.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

2 TESALONIK 3:12

Ba de gə̄ ń noō ní, j-ədadə́ ō, j-ɔjə̄də́ ō, kə rī Kɔ́ɔ̄ɓē Jeju Kərist, kadə̄ rāān̄ kəla ba əsan̄ yá̰á̰ kə́ teē kə ta kūl̄ tətōdə́ nin̄ kɔ́ gə̄.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 25:4

Kɔ́ɔ̄ɓē əla ngé kəla yān gə̄ malang ń i ngé koō ta gə̄ ní rɔ̄sí tə́ kanjə̄ kɔr ta tə́, banī sḭḭ̄ ōōī najə̄ yādə́ aĺ ō, ī-nēlī mbīsí ōōīneé najə̄ kɔr̄də́ aĺ ō.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

JEREMI 7:13

Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

NDŪ NAJƏ̄ 30:20

Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.

NDŪ NAJƏ̄ 8:6

Úniī gō róbə gə̄ yā Kɔ́ɔ̄ɓē Nə́ɓā yāsí ō, ī-ɓōlíī ndílən ō, ī-rāāīneé yá̰a̰ gə̄ ń ni ədasí kadə̄ ī-rāāī ní.

NDŪ NAJƏ̄ 6:2

I beé n ā ī-ndóōīneé loo ɓōĺ Ndíĺ Kɔ́ɔ̄ɓē Nə́ɓā yāsí kə dɔ ndɔ̄ gə̄ malang ń ā ī-ndiīneé kə kumsí ní ō, ā ī-ndóōīneé loo ngɔ̄m̄ ndū najə̄ gə̄ ō, yá̰á̰ kə́ yā rāā gə̄ ō ń m-ādə̄sí ní. M-ādə̄sí i sḭḭ̄ ō, ngáńsí gə̄ ō, ngán kaasí gə̄ ō, yā kadə̄ ī-ndiīneé ta kaw̄ jóo.

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

NDŪ NAJƏ̄ 4:6

Ré ī-rāāī kə gō ń m-ɔ́jəńsí ní anī, gír de kə́ rang gə̄ ń a oōn̄ ndū najə̄ gə̄ ń toō malang ní, a rāān̄sí i gír de kə́ ngáā gə̄ tə́ ō, de kə́ ger̄ yá̰a̰ gə̄ tə́ ō, a ədan̄ na: Nápar de gə̄ ń toō i nápar de gə̄ kə́ yā kɔsə gɔndə́, i gír de kə́ ngáā gə̄ ō, kə́ ger̄ yá̰a̰ gə̄ ō.

JEREMI 25:3

Əla gír kem ɓāl̄ kə́ nge ko̰ kutə gidə i mətá ń Josias ngōn̄ Amon ndiń mban̄g dɔ ɓē kə́ Juda tə́ bátə́ ɓōólaā, adə̄ i kem ɓāl̄ kutə jōó gidə i mətá tə́ ní, Kɔ́ɔ̄ɓē ɔr̄ najə̄ seḿ ō, m̄-to dan kɔr̄ najə̄ sesí ō, banī sḭḭ̄ ōōī najə̄ ń m-ɔ̄r̄ ní alé.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

JEREMI 35:14

Yonadab, ngōn̄ Rekab ɔgə̄ ngánən gə̄ ka̰ȳ kasə nduú anī nin̄ ɓōlə́n̄ ndíl najə̄ ń kaadə́ ədadə́ ní, adə̄ bátə́ ɓōólaā gə̄gē ní nin̄ a̰ȳn̄ kasə nduú alé. Banī mā m̄-ɔ̄r̄ najə̄ sesí kanjə̄ kɔr ta tə́ ba ōōī najə̄ yāḿ alé.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JEREMI 34:14

M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.