JEREMI 11:4 - Bibəl ta Sar̄

⁴ Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

Bible sar

⁴ Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

JEREMI 11:4 Referans Kwoze

NDŪ NAJƏ̄ 4:20

Banī Kɔ́ɔ̄ɓē ɔysí sḭḭ̄ teē sesí kɔ̄ɔ́ kem ɓē kə́ Ejiptə ń rāā rɔ̄n i hor nō gində̄ tə́ kə́ njɔ́ḿ gə̄ tə́ ní, yā kadə̄ ī-téliī gír deē yān gə̄ kə́ yá̰a̰ halan gə̄ tə́ tītə̄ ń ī-ndiīneé jīsí tə́ ɓōólaā toó.

LEBI GƏ̄ 26:12

M-ā m̄-njə̄rā dɔ dáńsí tə́, mā i Nə́ɓā yāsí ō, sḭḭ̄ i gír deē yāḿ gə̄ ō.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

JAKARI 8:8

M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

1 MBAN̄G GƏ̄ 8:51

Tɔdɔ̄ nin̄ i gír deē yāí gə̄, yá̰a̰ halaí gə̄, nin̄ i de gə̄ ń ī-teē sedə́ kɔ̄ɔ́ kem ɓē kə́ Ejiptə tə́, kum hor kə́ təngā ngá̰ý kə́ yā nōoń gində̄ tə́ ní.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

EJEKIEL 37:23

Ā ī-yḛriī rɔ̄sí kə rɔȳ nə́ɓā yāsí kə́ rɔ̄kum aĺ gə̄ to̰ aĺ ō, kə rāā yá̰á̰ kə́ majaĺ ngá̰ý gə̄ to̰ aĺ ō, kə rāā yá̰á̰ kə́ gōtə́ aĺ kə́ tayā tayā gə̄ malang to̰ aĺ ō. Yá̰a̰ gə̄ kə́ ɔjən̄ kadə̄ ī-raī dɔ ndūsí tə́ aĺ gə̄ malang ń ī-rāāī seḿ ní, m-ā m-ɔ̄r̄sí kum tə́ kɔ̄ɔ́. M-ā m̄-rāāsí kadə̄ ā ūnjī njáý njáý. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

EJEKIEL 36:28

Loo ń noō tə́ ā ī-ndiī kem ɓē ń m-ādə̄ kaasí gə̄ ní tə́ ō, sḭḭ̄ i gír deē yāḿ gə̄ ō, mā i Nə́ɓā yāsí ō.

EJEKIEL 14:11

I beé n ngán Israel gə̄ a əya̰mə̄n̄neé kɔ̄ɔ́ yā kaw̄ sa̰y yā kaw̄ tḭ̄ḭ̄ń ta rɔ̄də́ kɔ̄ɔ́ aĺ ní. Nin̄ a télən̄ de kə́ yḛr gə̄ sɔɔ̄ń yá̰a̰ rāādə́ kə́ gōtə́ aĺ gə̄ kə́ i ngá̰ý tə́ to̰ alé. Banī nin̄ a télən̄ gír deē yāḿ gə̄ ō, mā m-ā m̄-téĺ Nə́ɓā yādə́ ō. Najə̄ ń mā Kɔ́ɔ̄ɓē Nə́ɓā m-āwń yā kəda ní n noó.

EJEKIEL 11:20

I beé n ā úniīń gō ndū najə̄ ń m-ādə̄sí ní ō, ā ə̄ndāiń kumsí gír jī bēl̄ loo rāā yá̰a̰ yāḿ gə̄ tə́ ba ā úniīń gō ní ō. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

JEREMI 30:22

Sḭḭ̄ ā ī-téliī gír deē yāḿ gə̄ ō, mā m-ā m̄-tél Nə́ɓā yāsí ō.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

NDŪ NAJƏ̄ 11:27

Ré ī-rāāī yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ɓōólaā ní anī, tɔ́r̄ ta i dɔsí tə́.

LEBI GƏ̄ 26:3

Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī,

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JAKARI 6:15

Ngé gə̄ ń nin̄ i sa̰y ní, a reēn̄ yā tél rāā kújə yā Kɔ́ɔ̄ɓē gogə́ rang. Loo ń noō tə́ ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý rɔ̄kum n əlam̄ kə̄ rɔ̄sí tə́ ní. Yá̰á̰ ń noō a rāā yá̰a̰ dan ń ōōī ta Kɔ́ɔ̄ɓē Nə́ɓā yāsí rɔ̄kum ní.

EJEKIEL 37:27

M-ā m̄-ndi dansí tə́. Adə̄ mā i Nə́ɓā yāsí ō, sḭḭ̄ i gír deē yāḿ gə̄ ō.

JEREMI 32:28

Ɓá anī m-ā m-ə́la ɓē ń toō gír tɔ́gə yā Kalde gə̄ tə́ ō, gír tɔgə yā Nabukodonosor mban̄g kə́ Babilon tə́ ō. Ni a taā ɓē ní.

IJAI 48:10

m̄-tə́gósí adə̄ ūnjī i kum hor tə́, i kum hor ń a tə́go gində̄ arjā̰a̰ adə̄ unjə̄ ní tə́ alé, banī i kum hor yá̰á̰ kə́ to kum kaȳ aĺ tə́.

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

Teē Ngán Israel gə̄ 20:6

Banī de gə̄ ń tármə̄n̄ ō, rāān̄ yá̰a̰ gə̄ ń m-ə́dádə́ kadə̄ rāān̄ ō ní, m-ā m̄-rāā kem majə sedə́ ō, kə dūbə̄ gír kojə yādə́ gə̄ malang ń a reēn̄ ɓáý ní ō.

IJAI 30:6

Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

JEREMI 11:7

m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

JEREMI 38:20

Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

DANIEL 3:26

Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na: Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́.

NDŪ NAJƏ̄ 5:6

I mā n i Kɔ́ɔ̄ɓē Nə́ɓā yāí, nge kɔrī ɓəloó kɔ̄ɔ́ kem ɓē kə́ Ejiptə tə́ ní.

2 MBAN̄G 18:6

Ni-əhɔ gō Kɔ́ɔ̄ɓē kanjə̄ kəya̰ gōn. Ni ngɔ̄m̄ gō míndə gə̄ ń Kɔ́ɔ̄ɓē adə̄ Moijə ní.