JEREMI 11:22 - Bibəl ta Sar̄

²² Tā anī, Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: M-ā m̄-rāādə́ yá̰á̰ kə́ tōr̄. Balsáa yādə́ gə̄ a oyn̄ yo kaskar ō, ɓō a tɔ̄l̄ ngáńdə́ kə́ dəngam gə̄ ō, kə́ dəyá̰ gə̄ ō.

Bible sar

²² Tā anī, Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: M-ā m̄-rāādə́ yá̰á̰ kə́ tōr̄. Balsáa yādə́ gə̄ a oyn̄ yo kaskar ō, ɓō a tɔ̄l̄ ngáńdə́ kə́ dəngam gə̄ ō, kə́ dəyá̰ gə̄ ō.

JEREMI 11:22 Referans Kwoze

JEREMI 18:21

Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.

JEREMI 9:21

Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

JEREMI 21:14

M-ā m̄-rāāsí yá̰á̰ kə́ tōr̄ kə gō yá̰a̰ rāāsí gə̄. M-ā m-ə́la hor dɔ kāgə̄ kújə́ kə́ ngá̰ý gə̄ yā mban̄g tə́. A o̰o̰ yá̰a̰ gə̄ malang ń gīr̄ gidə ní

JEREMI 44:13

M-ā m-ə́nda de gə̄ malang ń ndin̄ kem ɓē kə́ Ejiptə tə́ ní tītə̄ ń m-ə́ndań ɓē kə́ Jerusalem kə kaskaraá ō, kə ɓōó ō, kə mo̰y ngāl̄bɔ̄gīí ō ní.

JEREMI 49:26

A̰á̰ā̰, ndɔ̄ nəkɔ́ ń noō tə́ ní, balsáa yān kə́ ngé rɔ̄ɔ̄ gə̄ tə́sōn̄ ndágə loo yān gə̄ tə́ ō, kōō áskar yān gə̄ malang ɓār̄ to̰ aĺ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.