JEREMI 11:19 - Bibəl ta Sar̄

¹⁹ Mā, m̄-to tītə̄ ngōn̄ batə̄ kə́ dɔn sɔl̄ lɔ́ḿ lɔ́ḿ ń aw̄n̄ seneé kə̄ loo tɔ̄lən tə́ ní. m̄-ger̄ kadə̄ gír̄ yādə́ kə́ majaĺ gə̄ ní sɔɔ̄ i dɔḿ mā alé. Nin̄ ədan̄ na: Jə-nujiī kə kāgə̄ kə́ a̰ȳ bəto ngá̰ý, jə-tɔ̄l̄niī kɔ̄ɔ́ kem ɓē yā de kə́ ndin̄ kə kumdə́ gə̄ tə́.

Bible sar

¹⁹ Mā, m̄-to tītə̄ ngōn̄ batə̄ kə́ dɔn sɔl̄ lɔ́ḿ lɔ́ḿ ń aw̄n̄ seneé kə̄ loo tɔ̄lən tə́ ní. m̄-ger̄ kadə̄ gír̄ yādə́ kə́ majaĺ gə̄ ní sɔɔ̄ i dɔḿ mā alé. Nin̄ ədan̄ na: Jə-nujiī kə kāgə̄ kə́ a̰ȳ bəto ngá̰ý, jə-tɔ̄l̄niī kɔ̄ɔ́ kem ɓē yā de kə́ ndin̄ kə kumdə́ gə̄ tə́.

JEREMI 11:19 Referans Kwoze

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

PĀ GƏ̄ 83:4

Nin̄ oōn̄ naā loo mundə̄ tə́ jəke yā rāā yá̰á̰ kə́ majaĺ kə gír deē yāí gēé, rāān̄ yá̰á̰ kə́ majaĺ loo mundə̄ tə́ jəke yā rɔ̄ɔń kə yá̰a̰ ɓɔ̄ɔ̄ yāí.

PĀ GƏ̄ 31:13

Dɔdə́ ndígə̄nal dɔḿ tə́, tītə̄ de kə́ koy ń deē gír̄ dɔn tə́ to̰ aĺ ní. m̄-to i tītə̄ gájə́ jóó kə́ deē rāań kəla to̰ alé.

Makətūbə̄ yā Job 28:13

Deē ndul gə̄ gerə̄n̄ gātə̄n aĺ ō, deē a əngen ɓē yā ngé ndi kə kumdə́ gēé tə́ aĺ ō.

PĀ GƏ̄ 27:13

m̄-ger̄ majə kadə̄ m-ā m-á̰a̰ kem majə yā Kɔ́ɔ̄ɓē dɔ nang tə́ laā.

TƏ́DA 1:14

Eliasap ngōn̄ Dewel tām̄ yā ngán Gad tə́.

IJAI 38:11

Tá m-ɔ̄r̄ najə̄ kə rɔ̄ḿ ɓáý to̰ m-ə́da na: M-ā m-á̰á̰ Kɔ́ɔ̄ɓē dɔ nang yā ngé ndi kə kumdə́ gēé tə́ to̰ alé. M-ā m-á̰a̰ deē ndul dan ngé ndi dɔ nang tə́ gə̄ tə́ to̰ alé.

IJAI 32:7

Ngé gól̄ madə̄də́ gə̄ rāān̄ i yá̰á̰ kə́ tōr̄ ngá̰ý. Nin̄ númə̄n̄ rāā yá̰á̰ kə́ majaĺ gə̄ yā nujəń ngé ndoō gə̄ kə ta kūl̄ najə̄ kə́ sor̄ gə̄. Tá ngé ndoō gə̄ ngeé ń toō ní, a dəjen̄ i yá̰a̰ yādə́ kə́ sɔɔ̄də́ ngóy.

Gōsə̄ najə̄ gə̄ 10:7

Kəga kem dɔ de kə́ súmūú tə́ i yá̰á̰ kə́ a rāā majə kə deé, banī dɔ de gə̄ a ndígə̄nal rī ngé kem ndul gə̄.

Gōsə̄ najə̄ gə̄ 7:22

Balsáá ní un gōn tītə̄ man̄g kə́ a aw̄n̄ seneé kə̄ loo tɔ̄lən tə́ beē, tītə̄ nge kɔ̄r̄ kə́ do̰ō̰nən̄ yā kəndan beé!

PĀ GƏ̄ 116:9

Kadə̄ m̄-njə̄rań ta kum Kɔ́ɔ̄ɓē tə́ dɔ nang yā ngé ndi kə kumuú gə̄ tə́.

PĀ GƏ̄ 109:13

Ādə̄ tɔ̄lə̄n̄ ngánən gə̄ ō, ngán kaan gə̄ ō, kɔ̄ɔ́ malang. De kə́ gogə́ gə̄ ń a ojən̄də́ ní, ādə̄ rīn gətóo dandə́ tə́!

DANIEL 9:26

Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

PĀ GƏ̄ 112:6

Yá̰a̰ a yéȳn aĺ i kə́ njɔ́ḿ gə̄ tə́. A əga kem de gə̄ dɔn tə́ ngándáńg.

PĀ GƏ̄ 52:5

Ī-gḛy yá̰á̰ kə́ majaĺ tɔȳ yá̰á̰ kə́ majə ō, ī-gḛy najə̄ kə́ sor̄ tɔȳ najə̄ kə́ rɔ̄kum ō.

PĀ GƏ̄ 35:15

Ba dan ń m-ā m̄-bibə́rī ní, nin̄ ɔsən̄ dɔdə́ naā tə́ ba əgōmə̄n̄ ō, əndān̄ rɔ̄də́ naā tə́ yā rɔ̄ɔ̄m̄ ō. Tə̄rā gə̄ ń i de kə́ m̄-ger̄də́ aĺ gə̄ ní, əgan̄ naā dɔḿ tə́ ō, əgan̄ kɔŕ ō.

JEREMI 26:8

Dan ń Jeremi ɔr̄ najə̄ ń Kɔ́ɔ̄ɓē ədan kadə̄ əda de gə̄ malang kə́ kem ɓēé ní gír gān̄g anī, ngé tun̄ yá̰a̰ gə̄ ō, ngé koō ta gə̄ ō, de kə́ kem ɓēé gə̄ ō, əhɔn̄ Jeremi ba ədanən̄ na: I ḭ̄kɔ́ n ī-ndigə koy ní.

NŌŌ RƆ̄ 3:60

Á̰a̰ ba̰ā̰ malang ń rāān̄ seḿ ní, loo koō ń oōn̄ naā dɔḿ tə́ ní.

EJEKIEL 32:24

Mban̄g kə́ Elam i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən. Nin̄ malang ní tɔ̄lə̄n̄də́ i ta rɔ̄ɔ̄ tə́. De kə́ dəngam gə̄ ń noō ń əjan̄ mɔtədə́ aĺ ní, kété ní nin̄ rāān̄ de gə̄ ń ndin̄ kə kumdə́ ní adə̄ ɓōĺ rāādə́ adə̄ ndewn̄, ba ngɔlaā nin̄ aw̄n̄ gíŕ nángāá kɔ̄ɔ́. Ngɔlaā ní rɔ̄də́ sɔl̄də́, nin̄ gəgē de gə̄ malang ń ton̄ ɓádá ní gə̄gē.

Gōsə̄ najə̄ gə̄ 24:15

Nge kem ndul, ī-lōō ra gidə kújə yā de kə́ súmūú tə́ kumə̄ń loo, ī-lōō nujə loo ń a to tū tə́ ní sák sák kɔ̄ɔ́.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

OJEE 9:8

Deē ń a ndi kə kumneé já̰já̰ yā ngɔ̄m̄ Epəraim ní, i mā nge koō ta. Mā i naā tə́ kə Nə́ɓā yāḿ. Tá loo malang ń m-ā m-āw̄ kə̄ tū tə́ ní, de gə̄ əyān̄ gūmbə̄ noḿ tə́. Nin̄ ənīmə̄n̄ rɔ̄ɔ̄ bátə́ kem kújə yā Nə́ɓā yāḿ tə́.