JEREMI 11:17 - Bibəl ta Sar̄

¹⁷ I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

Bible sar

¹⁷ I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ *Israel tə́ gə̄ ō, kə́ *Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ *Baal.

JEREMI 11:17 Referans Kwoze

IJAI 5:2

Ni ndɔr̄ dɔ nang ní ō, ró̰ȳ kɔkərɔ gə̄ kə́ tū tə́ kɔ̄ɔ́ ō, ba əhɔ kāgə̄ nduú kə́ majə gə̄ kem ndɔr̄ yān ní tə́. Ni-rāā kújə ngɔm̄ kə́ ngāl̄ kə̄ dɔɔ́ yā ngɔ̄məń ndɔr̄ ní ō, ndēr̄ loo kə́ yā mbə́rē kan̄ nduú tū tə́ ō. Ni-əndā kemən dɔ kənge kan̄ nduú kə́ majə tə́ kem ndɔr̄ kāgə̄ nduú yān ní tə́, banī kanə̄n ń ni-ənge ní, i kə́ masə̄.

JEREMI 12:2

Ə̄ndādə́ tītə̄ kāgə̄ adə̄ tə́lan̄ ngəradə́ ō, tɔgən̄ bátə́ anə̄n̄ ō. Ḭ̄ i tāādə́ ɓa ɓang ba ī-gətóo ngarā̰ kemdə́ tə́.

JEREMI 2:21

Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

EJEKIEL 17:5

Gō tə́ anī ni un ngōn̄ kāgə̄ kə́ rang kə́ dɔ nang kə́ Israel tə́ ba udə kem loo kógə̄ḿ tə́ kə́ ndɔr̄ kɔ̄ɔ́ tə́. Ni-əhɔn kadə man̄ kə́ ngá̰ý tə́ tītə̄ kāgə̄ kə́ gḛy man̄ ngá̰ý beē.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.

JEREMI 40:2

Ni-a̰a̰ gōn majə ba ədan na: I Kɔ́ɔ̄ɓē Nə́ɓā yāí n əda kadə̄ yá̰á̰ kə́ to kum kaȳ aĺ ń toō reē dɔ loo ń toō tə́ ní.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

JEREMI 24:6

M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

JEREMI 18:8

Ba ré nápar de gə̄ ń m-ɔ̄r̄ najə̄ sɔɔ̄ dɔdə́ ní lōōn̄ gír rāā yá̰á̰ kə́ majaĺ tə́ anī, m-ā m̄-lōō gíŕ yá̰á̰ ń m̄-gír̄ ra sedə́ tə́ ní.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

PĀ GƏ̄ 80:15

Nə́ɓā kə́ bo kə́ tɔ́gən i ngá̰ý, ī-tél ī-reē. Ī-ndi dɔɔ́ dɔ rā̰ tə́ á̰a̰ń yá̰á̰ ń a rāā yá̰á̰ ní, ba ī-reē ī-dḭḭ̄ kāgə̄ nduú ń toō.

PĀ GƏ̄ 80:8

Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

PĀ GƏ̄ 44:2

Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

2 SAMUEL 7:10

M-ā m̄-gō̰ loo yā kadə̄ gír deē yāḿ gə̄ ń i Israel gə̄ ní. M-ā m-ə̄ndādə́ tū tə́ kadə̄ ndin̄ gotə kógə̄ḿ loo yādə́ tə́. Yá̰a̰ a yéȳdə́ to̰ aĺ ō, ngé rāā majaĺ gə̄ a rāān̄də́ ndoō tə́ tītə̄ kə́ kété ń

JEREMI 1:14

Kɔ́ɔ̄ɓē ədam̄ na: I dām̄ mbɔ́r ɓē kə́ ko̰ó̰ tə́ n yá̰á̰ kə́ to kum kaȳ aĺ a teē tū tə́ yā rāā de kə́ kem ɓēé gə̄ malang ní.

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 32:30

Rɔ̄kum, kə ngōn̄ dūúdə́ bátə́ ɓōólaā ní Israel gə̄ ō, Juda gə̄ ō, ton̄ i dan rāā yá̰á̰ kə́ nel̄ kemḿ aĺ tə́. Ngán Israel gə̄ rāān̄ kəla kadə̄m̄ wōn̄g sɔɔ̄ń kəla rāādə́ gə̄.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

2 YÁ̰A̰ GƏ̄ 28:25

rāā loo ndɔ̄ȳ gə̄ kə̄ kem ɓē kə́ Juda tə́ malang yā ndējəń nə́ɓā kə́ mbā gə̄ ndujə̄ yá̰á̰ kə́ kotə majə gə̄ ō. I tītə̄ ń noō n Akaj adə̄ń Nə́ɓā yā kaan gə̄ wōn̄g ní.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

JEREMI 40:3

Kɔ́ɔ̄ɓē rāā adə̄ yá̰á̰ ń əda najə̄n ní reē rāā yá̰a̰. Yá̰á̰ ní rāā yá̰a̰ i tɔdɔ̄ sḭḭ̄ ī-rāāī yá̰á̰ kə́ gōtə́ alé kə Kɔ́ɔ̄ɓēé ō, ōōī najə̄ yān aĺ ō.

JEREMI 44:5

Nin̄ oōn̄ najə̄ yādə́ aĺ ō, nēlə̄n̄ mbīdə́ yā tūrəń hál kem ndul yādə́ aĺ ō, lōōn̄ gíŕ róō yá̰a̰ ndējə̄ gə̄ tə́ yā kadə̄ nə́ɓā kə́ rang gə̄ aĺ ō.

OJEE 10:1

Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.