JEREMI 11:14 - Bibəl ta Sar̄

¹⁴ Ḭ̄, ī-lōō ndɔ̄ȳ tām̄ yā gír de gə̄ ń toō tə́ ō, ī-lōō nōō rɔ̄í ō, rāā ɓɔ́ ō tām̄ yādə́ tə́. Ré a ɓārə́mə̄n̄ tām̄ yá̰á̰ kə́ to kum kaȳ aĺ kə́ əsō dɔdə́ tə́ anī, m-ā m-ōō ndūdə́ alé.

Bible sar

¹⁴ Ḭ̄, ī-lōō ndɔ̄ȳ tām̄ yā gír de gə̄ ń toō tə́ ō, ī-lōō nōō rɔ̄í ō, rāā ɓɔ́ ō tām̄ yādə́ tə́. Ré a ɓārə́mə̄n̄ tām̄ yá̰á̰ kə́ to kum kaȳ aĺ kə́ əsō dɔdə́ tə́ anī, m-ā m-ōō ndūdə́ alé.

JEREMI 11:14 Referans Kwoze

JEREMI 7:16

Ḭ̄ ī-lōō ndɔ̄ȳ tām̄ yā gír de gə̄ ń toō tə́. Ī-lōō nōō rɔ̄í ō, rāā ɓɔ́ ō tām̄ yādə́ tə́. Ī-lōō to dan kɔr̄ najə̄ seḿ tə́ tām̄ yādə́ tə́. Tɔdɔ̄ m-ā m-ōō ndūí alé.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

1 JA̰A̰ 5:16

Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

JEREMI 14:11

Kɔ́ɔ̄ɓē ədam̄ na: Ī-lōō kə ndɔ̄ȳ tām̄ yā gír de gə̄ ń toō tə́, ī-lōō ndə̄ngā kadə̄ ndin̄ majə.

Teē Ngán Israel gə̄ 32:10

Ní kə əya̰n kadə̄ wōn̄g yān kə rāān dɔdə́ tə́, na n-a n-nujədə́ kɔ̄ɔ́ malang ba n-a n-rāā kadə̄ Moijə tél gír de kə́ ngá̰ý gə̄.

PĀ GƏ̄ 66:18

Loo kə́ beé tə́ ré m̄-gír̄ i yá̰á̰ kə́ majaĺ kemḿ tə́ anī, Kɔ́ɔ̄ɓē a oō najə̄ yāḿ alé.

OJEE 5:6

Nin̄ sāān̄ Kɔ́ɔ̄ɓē i kə batə̄ yādə́ gə̄ ō, man̄g yādə́ gə̄ ō ń aw̄n̄ yā tɔ̄l̄ ba ndējə̄ ní. Banī nin̄ a əngenən̄ alé, tɔdɔ̄ ni əya̰də́ ba aw̄ sa̰y kɔ̄ɔ́.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

MALASI 2:13

Yá̰á̰ kə́ rang ń ī-rāāī ɓáý to̰ ní n toó: Sḭḭ̄ ī-nōōī adə̄ man̄ kumsí taā loo dɔ loo tun̄ yá̰a̰ yā Kɔ́ɔ̄ɓē tə́. Sḭḭ̄ ī-nōōī kə man̄ kumsí ō, ī-nōōī rɔ̄sí ō, tɔdɔ̄ yá̰a̰ ndējə̄ yāsí gə̄ ní, usə Kɔ́ɔ̄ɓē dɔ tə́ to̰ aĺ ō, ni ndigədə́ to̰ aĺ ō.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.