JEREMI 11:12 - Bibəl ta Sar̄

¹² Ɓē kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a aw̄n̄ yā nōō kə̄ dɔ nə́ɓā gə̄ ń róōn̄ yá̰á̰ kə́ tun̄ gə̄ adə̄n̄də́ ní tə́, ba a asən̄ kajədə́ kum mbang ń yá̰á̰ kə́ to kum kaȳ aĺ a teēń dɔdə́ tə́ ní alé.

Bible sar

¹² Ɓē kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a aw̄n̄ yā nōō kə̄ dɔ nə́ɓā gə̄ ń róōn̄ yá̰á̰ kə́ tun̄ gə̄ adə̄n̄də́ ní tə́, ba a asən̄ kajədə́ kum mbang ń yá̰á̰ kə́ to kum kaȳ aĺ a teēń dɔdə́ tə́ ní alé.

JEREMI 11:12 Referans Kwoze

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

NDŪ NAJƏ̄ 32:37

Loo ń noō tə́ a dəje tadə́ a əda na: Ɓesə̄ gə̄ ń ī-sāāī loo ɓɔ̄ɔ̄ rɔ̄ yāsí gíŕdə́ tə́ ní nin̄ i rá?

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

2 YÁ̰A̰ GƏ̄ 28:22

Dan ń yá̰a̰ tɔȳń dɔ Akaj ngá̰ý gə̄gē ní, ni to dan rāā yá̰á̰ kə́ gōtə́ aĺ tə́ kə Kɔ́ɔ̄ɓē

NGÉ SARYA 10:14

Āw̄ ī-nōōī kə̄ dɔ ɓesə̄ gə̄ ń úniī gōdə́ ní tə́ ādə̄ ajən̄sí ndɔ̄ ń wur kɔl kə́ ngá̰ý əsōń dɔsí tə́ ní.

NDŪ NAJƏ̄ 32:38

Sḭḭ̄ ūlīdə́ kə dā̰ kə́ tun̄ gə̄ ō, ādīdə́ kasə nduú gə̄ kadə̄ a̰ȳn̄ ō ní, ādə̄ ɔjən̄ rɔ̄də́ kə̄ ndágá ba ajən̄sí ō, ngɔ̄mə̄n̄sí ō tā.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

IJAI 46:7

Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.