JEREMI 11:11 - Bibəl ta Sar̄

¹¹ I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

Bible sar

¹¹ I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

JEREMI 11:11 Referans Kwoze

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

Gōsə̄ najə̄ gə̄ 1:28

Loo ń noō tə́ nin̄ a ɓāŕmə̄n̄, banī m-ā m̄-ndigədə́ aĺ ō, nin̄ a sāāmə̄n̄, banī a əngemə̄n̄ aĺ ō.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

2 MBAN̄G 22:16

M-ā m̄-reē kə yá̰á̰ kə́ to kum kaȳ aĺ dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, tītə̄ ń ndangən̄neé kem makətūbə̄ ń mban̄g kə́ Juda tə́dá tə́ ní.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

IJAI 24:17

Ɓōĺ ō, bəlo kə́ ɗúú ngá̰ý ō, gūmbə̄ gə̄ ō, yá̰a̰ malang ń noō ní i tām̄ yāsí tə́, sḭḭ̄ de kə́ dɔ nang tə́ gə̄.

PĀ GƏ̄ 18:41

Ḭ̄ ī-rāā adə̄ madə̄ ba̰ā̰ḿ gə̄ tūrə̄n̄ gándə́də́ adə̄mə̄n̄, adə̄ m̄-tɔ̄l̄ ngé rɔ̄ɔ̄ḿ gə̄ kɔ̄ɔ́ malang.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!

EJEKIEL 7:5

Yá̰á̰ ń mā Kɔ́ɔ̄ɓē Nə́ɓā m-ə́dá ní ń toō: Á̰a̰ī, yá̰á̰ kə́ to kum kaȳ aĺ a reē noó, i yá̰á̰ kə́ to kum kaȳ aĺ kə́ deē a̰a̰ jóo aĺ ɓáý!

JEREMI 36:31

M-ā m̄-rāān ni ō, de kə́ gír kojə yān tə́ gə̄ ō, ngé kəla yān gə̄ ō, yá̰á̰ kə́ tōr̄ najə̄ yá̰á̰ kə́ gōtə́ aĺ gə̄ ń rāān̄ tə́ ní. M-ā m̄-rāā kadə̄ yá̰á̰ kə́ to kum kaȳ aĺ ngá̰ý gə̄ malang ń m-ɔ̄r̄ najə̄n sedə́ á oōn̄ aĺ ní a əsō dɔdə́ tə́ ō, dɔ de gə̄ ń ndin̄ ɓē Jerusalem tə́ ní, dɔ de kə́ Juda tə́ gə̄ ō.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

JEREMI 23:12

Ní loo a ndəte sedə́ dɔ róbə yādə́ gə̄ tə́ ō, a ndɔmə̄n̄ kum loo kə́ risə til tə́ ō, a tə́sōn̄ ō. M-ā m̄-rāā kadə̄ yá̰á̰ kə́ to kum kaȳ aĺ əso dɔdə́ tə́, kem ɓāl̄ ń m-ā m-ādə̄ a ɔjəmə̄nneé kəla rāādə́ gə̄ tə́ ní. Najə̄ ń Kɔ́ɔ̄ɓē əda ní n noó.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

JEREMI 19:3

Ā ə́da na: Mban̄g kə́ Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

JEREMI 11:14

Ḭ̄, ī-lōō ndɔ̄ȳ tām̄ yā gír de gə̄ ń toō tə́ ō, ī-lōō nōō rɔ̄í ō, rāā ɓɔ́ ō tām̄ yādə́ tə́. Ré a ɓārə́mə̄n̄ tām̄ yá̰á̰ kə́ to kum kaȳ aĺ kə́ əsō dɔdə́ tə́ anī, m-ā m-ōō ndūdə́ alé.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

PĀ GƏ̄ 66:18

Loo kə́ beé tə́ ré m̄-gír̄ i yá̰á̰ kə́ majaĺ kemḿ tə́ anī, Kɔ́ɔ̄ɓē a oō najə̄ yāḿ alé.

2 YÁ̰A̰ GƏ̄ 34:24

najə̄ ń Kɔ́ɔ̄ɓē əda ní n toó: M-ā m̄-reē kə yá̰á̰ kə́ to kum kaȳ aĺ dɔ ɓē kə́ Jerusalem tə́ ō, dɔ de kə́ kemeé gə̄ tə́ ō. Tām̄ m-ā m̄-rāā kadə̄ ndɔ̄ĺ gə̄ malang ń ndangən̄ kem makətūbə̄ ń tə́dan̄ ta kum mban̄g kə́ Juda tə́ ní rāān̄ yá̰a̰.

Makətūbə̄ yā Job 35:13

Najə̄ ń Nə́ɓā a oō aĺ ní i najə̄ kə́ kanjə̄ kumən gə̄ ngóy. I najə̄ gə̄ ń noō n Nə́ɓā kə́ tɔ́gən i ngá̰ý a ger̄ kumdə́ aĺ ní.

JEREMI 14:2

Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JEREMI 25:35

Loo kə́ yā kadə̄ ngé kul̄ yá̰a̰ gə̄ ɓɔ̄ɔ̄n̄neé rɔ̄də́ a gətóo. Loo kə́ yā kadə̄ kɔ́ɔ̄ yá̰a̰ kul̄ gə̄ ndin̄neé kanjə̄ sōl̄ a gətóo.

NŌŌ RƆ̄ 2:22

Ī-rāā ādə̄ ɓōĺ kə́ ngá̰ý teē kə̄ ta loo gə̄ tə́ reē dɔḿ tə́, tītə̄ ń de gə̄ a teēn̄neé kə̄ loo gə̄ tə́ yā reē rāā nāā tə́ noó beé. Ndɔ̄ rāā wōn̄g yā Kɔ́ɔ̄ɓē tə́ ní, de kə́ teē ta yo tə́, aláa ndi kə kumneé gətóo. Madə̄ ba̰ā̰ḿ tɔ̄l̄ ngánə́ḿ gə̄ ń m-ə̄tōdə́ kə tárá ngá̰ý ní kɔ̄ɔ́.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?