JEREMI 11:10 - Bibəl ta Sar̄

¹⁰ Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ Israel tə́ ō, kə́ Juda tə́ gə̄ ō gāngə̄n̄neé madə̄ naā ń m-ə́hɔ kə kaadə́ gēé ní.

Bible sar

¹⁰ Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ *Israel tə́ ō, kə́ *Juda tə́ gə̄ ō gāngə̄n̄neé *madə̄ naā ń m-ə́hɔ kə kaadə́ gēé ní.

JEREMI 11:10 Referans Kwoze

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

EJEKIEL 16:59

Najə̄ ń mā Kɔ́ɔ̄ɓē Nə́ɓā m-ə́dá ní n toó: Usiī dɔ míndí ń ə̄nī tə́ ní alé, adə̄ ī-mbātə́ madə̄ naā ń j-əhɔ ní kɔ̄ɔ́. I beé ɓá ní, m-ā m̄-rāāī yá̰á̰ ń ḭ̄ ī-ndetə kadə̄ m̄-rāā seí ní.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

NGÉ SARYA 2:19

Dan ń nge sarya oy kɔ̄ɔ́ anī nin̄ tél rāān̄ yá̰á̰ kə́ majaĺ ngá̰ý tɔȳ yā kaadə́ gə̄ ɓáý. Nin̄ əhɔn̄ gō ɓesə̄ gə̄ ō, rāān̄ kəla adə̄n̄də́ ō, əsōn̄ kə̄ nang tə́ nodə́ tə́ rɔȳn̄də́ ō. Nin̄ lōōn̄ gír kəla rāādə́ gə̄ kə́ majaĺ gə̄ aĺ ō, gír dɔ ngan̄g tə́ aĺ ō.

NGÉ SARYA 2:17

Banī ngé sarya yādə́ gə̄gē ngán Israel gə̄ oōn̄ tadə́ alé. Nin̄ əsōn̄ kə̄ nang tə́ no ɓesə̄ gə̄ tə́ rɔȳn̄də́. Nin̄ tɔ̄ɔ̄n̄ kɔ̄ɔ́ láẃ ngá̰ý gō róbə́ ń kaadə́ gə̄ unən̄ tə́ ní. Ndájə̄n̄ kaadə́ gə̄ ń i ngé ngɔ̄m̄ gō míndə́ Kɔ́ɔ̄ɓē ní alé.

HEBƏRO 8:9

Madə̄ naā ní a to i tītə̄ madə̄ naā ń m-ə́hɔ kə kaadə́ gēé, ndɔ̄ ń m-ə́hɔń ta jīdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Kɔ́ɔ̄ɓē əda ɓáý to̰: Nin̄-ran̄ dɔ madə̄ naā yāḿ tə́ alé, adə̄ mā m-ə́yá̰də́ kɔ̄ɔ́.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

PĀ GƏ̄ 78:57

Télən̄ kɔ̄ɔ́ gō róbə yā Nə́ɓā tə́ ō, gólə̄n̄ loo tītə̄ yā kaadə́ gə̄ ō. Tūrə̄n̄ kumdə́ kə̄ gogə́ tītə̄ ga̰ gərā kə́ majaĺ beē.

NDŪ NAJƏ̄ 9:7

Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

LEBI GƏ̄ 26:15

ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī,

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.

OJEE 6:4

Kɔ́ɔ̄ɓē tūr̄ ədasí na: Epəraim, yá̰á̰ ń kə m̄-rāā tām̄ yāí tə́ ní i rí? Ba ḭ̄ Juda, yāí ḭ̄ i rí ō? Tár yāsí kə́ tām̄ yāḿ tə́ to i tītə̄ kil̄ man̄ kə́ dəloí beé, i tītə̄ man̄ kə́ tə́sō ndɔ̄ɔ́ ba ḭḭ̄ kɔ̄ɔ́ kə̄ ta jī tə́ beé.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

NGÉ SARYA 2:11

Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

JEREMI 7:28

Tā anī, ə́dádə́ na: Á̰a̰ī nápar de gə̄ ń oōn̄ ta Kɔ́ɔ̄ɓē Nə́ɓā yādə́ aĺ ní n toō. Nin̄ mbātə́n̄ kəndā kumdə́ gíŕ yá̰á̰ ń Nə́ɓā ɔjədə́ tə́ ní: Najə̄ kə́ rɔ̄kum gətóo, najə̄ kə́ rɔ̄kum gətóo tadə́ tə́.

JEREMI 9:6

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé ní: M-ā m̄-nōōdə́ horoó ō, m-ā m-ə̄ndā ma̰ȳdə́ ō. Tɔdɔ̄ m-ā m-ə́ndá gír deē yāḿ gə̄ najə̄ kem ndul yādə́ tə́.

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEREMI 17:23

Nin̄ oōn̄ najə̄ yāḿ alé ō, nēlə̄n̄ mbīdə́ alé ō. Ba rāān̄ dɔ ngan̄g adə̄ mbātə́n̄ koō yá̰a̰ gə̄ ń m-ɔ́jə́də́ ní ō, mbātə́n̄ kun dɔdə́ tə́ ō.

JEREMI 44:5

Nin̄ oōn̄ najə̄ yādə́ aĺ ō, nēlə̄n̄ mbīdə́ yā tūrəń hál kem ndul yādə́ aĺ ō, lōōn̄ gíŕ róō yá̰a̰ ndējə̄ gə̄ tə́ yā kadə̄ nə́ɓā kə́ rang gə̄ aĺ ō.

JEREMI 44:16

Ɔ̄r̄ najə̄ sejí i kə rī Kɔ́ɔ̄ɓēé ɓá tā ba j-a j-oō najə̄ yāí alé.

EJEKIEL 5:6

De kə́ kemeé gə̄ mbātə́n̄ rāā yá̰a̰ kə gō ń m-ɔ́jəńdə́ kadə̄ rāān̄ ní ō, mbātə́n̄ ndū najə̄ gə̄ ń m-ādə̄də́ ní ō. Nin̄ rāān̄ yá̰a̰ majaĺ tɔȳ yā nápar de kə́ rang gə̄ ń ndin̄ gīrə̄n̄ gidədə́ ní tə́. Tɔdɔ̄ nin̄ mbātə́n̄ rāā yá̰a̰ gə̄ kə gō ń m-ɔ́jəńdə́ ní ō, mbātə́n̄ ndū najə̄ yāḿ gə̄ ō.

JAKARI 7:11

Banī de gə̄ mbātə́n̄ koō najə̄ ń toō kété kɔ̄ɔ́ ɓá. Nin̄ tūrə̄n̄ gidədə́ ta tə́ ō, utə̄n̄ mbīdə́ kɔ̄ɔ́ ō, yā koōń najə̄ ní alé.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

JEREMI 22:9

De gə̄ a télən̄ yā kədadə́ na: I tɔdɔ̄ mbātə́n̄ madə̄ naā yā Kɔ́ɔ̄ɓē Nə́ɓā yādə́ ba ɔsən̄ nodə́ nang tə́ no nə́ɓā kə́ rang gə̄ tə́ ō, rāān̄ kəla adə̄n̄də́ ō.