JEREMI 10:9 - Bibəl ta Sar̄

⁹ Ɓesə̄ gə̄ ní i njár̄ gində̄ arjā̰a̰ kə́ hɔɔ́lɔ̄ kə́ ḭḭn̄neé Tarsis ō, i lɔ́ŕ kə́ Upajə ō ń nge tɔ́ĺ yá̰a̰ ō, nge nōō yá̰a̰ ō rāān̄ ní. Əlan̄ kūbə̄ kə́ kərē gusə gusə ō, kərē bḭḭ ō rɔ̄də́ tə́. Nin̄ malang i yá̰a̰ gə̄ ń de kə́ jīdə́ ger̄ yá̰a̰ gə̄ rāān̄ ní.

Bible sar

⁹ Ɓesə̄ gə̄ ní i njár̄ gində̄ arjā̰a̰ kə́ hɔɔ́lɔ̄ kə́ ḭḭn̄neé Tarsis ō, i lɔ́ŕ kə́ Upajə ō ń nge tɔ́ĺ yá̰a̰ ō, nge nōō yá̰a̰ ō rāān̄ ní. Əlan̄ kūbə̄ kə́ kərē gusə gusə ō, kərē bḭḭ ō rɔ̄də́ tə́. Nin̄ malang i yá̰a̰ gə̄ ń de kə́ jīdə́ ger̄ yá̰a̰ gə̄ rāān̄ ní.

JEREMI 10:9 Referans Kwoze

PĀ GƏ̄ 115:4

Ɓesə̄ gə̄ yā nápar de gə̄ kə́ rāā kə gində̄ arjā̰a̰á̰ gə̄ ō, kə lɔ́rɔ́ gə̄ ō ní, i de gə̄ n rāān̄də́ kə jīdə́ ní.

DANIEL 10:5

ba m-ɔ̄r̄ dɔḿ dɔɔ́ anī m-á̰a̰ deē kógə̄ḿ kə́ o̰ō̰ kūbə̄ lḛ́ḛ ō, əhɔ ɓōdə̄n kə kəlā kəhɔ ɓōdə̄ kə́ rāā kə lɔ́ŕ kə́ Upajə ō.

IJAI 40:19

To i tītə̄ yá̰á̰ kə́ tɔ́sə̄ kum gotə yá̰á̰ kə́rēý a? Kɔdə̄ kógə̄ḿ rāān adə̄ to tītə̄ yá̰á̰ kə́rēý, kɔdə̄ kə́ rang rāā lɔ́r gidən tə́ ba tə́la məde gində̄ arjā̰a̰ gə̄ rɔ̄n tə́.

1 MBAN̄G GƏ̄ 10:22

Mban̄g Salomo̰ aw̄ kə to bo gə̄ kə́ Tarsis kə́ a əladə́ loo kə́ sa̰y gə̄ tə́ naā tə́ kə to bo gə̄ yā Hiram. Kə dɔ ɓāl̄ mətá gə̄ malang noō to bo gə̄ ní a télən̄ kə lɔ́r gə̄, kə gində̄ arjā̰a̰ gə̄, kə ngān̄g dā̰ gə̄, kə ɓetə̄ gə̄ kə yel̄ pá̰a̰ gə̄.

EJEKIEL 27:12

De kə́ Tarsis gə̄ adīn̄ yá̰a̰ kənge kə́ tayā tayā gə̄ ngá̰ý mbél̄nəń gíŕ yá̰a̰ seí. Nin̄ mangən̄ yá̰a̰ gātə̄ yāí gə̄ i kə gində̄ arjā̰a̰á̰ ō, gində̄ kə́ karīí ō, kə gində̄ etḛ̄ḛḛ́ ō, kə gində̄ pəlɔm ō.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

IJAI 23:6

Ə́ndaī bā bo ī-gāngī, āwī bátə́ ūgī Tarsis. Sḭḭ̄ de gə̄ ń ī-ndiī kadə bā tə́ ní, úniī pā yo.

EJEKIEL 27:7

Nin̄ rāān̄ kūbə̄ to yāí gə̄ kə́ kadə̄ nél əsō kemeé i kə lḛ́ḛ́ kə́ Ejiptə tə́ ō, ɔsən̄ desḛ̄ḛ gə̄ tū tə́ ō. Ré deē a̰a̰ī kə̄ sa̰y anī, a gerī i kə ta kūl̄də́. Utə̄n̄ gidə yá̰a̰ gātə̄ yāí gə̄ i kə kūbə̄ kə́ ndul gusə gusə gə̄ ō, kə́ kərē bḭḭ gə̄ ō, kə́ ḭḭnə̄ń i dor̄ kə́ Sipər tə́.

JONAS 1:3

Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!

2 YÁ̰A̰ GƏ̄ 9:21

Tɔdɔ̄ mban̄g aw̄ kə to bo gə̄ kə́ a əlań Tarsis kə ngé kəla gə̄ yā Hiram. Kə dɔ ɓāl̄ kə́ nge ko̰ mətá gə̄ malang ń noō to bo gə̄ ní a tél reēn̄ kə lɔ́r ō, kə gində̄ arjā̰a̰ ō, kə ngān̄g dā̰á̰ ō, kə ɓetə̄ gēé ō, kə yel̄ pá̰a̰ gēé ō adə̄nən̄.

OJEE 8:6

Ngōn̄ man̄g yāsí ḭḭ i Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.