JEREMI 10:7 - Bibəl ta Sar̄

⁷ Mban̄g yā nápar de gə̄, i náā n a ɓōlíī aĺ ní? I ḭ̄ n de gə̄ ɓōĺnī ní. De kə́ nge kum kedə̄ kə́ tītīí dan nápar de gə̄ tə́ ō, kem ɓē ko̰o̰ gə̄ tə́ malang ō ní gətóo.

Bible sar

⁷ Mban̄g yā nápar de gə̄, i náā n a ɓōlíī aĺ ní? I ḭ̄ n de gə̄ ɓōĺnī ní. De kə́ nge kum kedə̄ kə́ tītīí dan nápar de gə̄ tə́ ō, kem ɓē ko̰o̰ gə̄ tə́ malang ō ní gətóo.

JEREMI 10:7 Referans Kwoze

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

PĀ GƏ̄ 22:28

A əga kem de kə́ dɔ nang tə́ gə̄ malang dɔ Kɔ́ɔ̄ɓē tə́ ō, a télən̄ kə̄ rɔ̄n tə́ ō. Gír kojə gə̄ yā nápar de gə̄ a ɔsən̄ nodə́ nang tə́ non tə́!

JEREMI 10:6

Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

PĀ GƏ̄ 89:6

Kɔ́ɔ̄ɓē, ādə̄ dɔ rā̰ ɔsə gɔn yá̰á̰ kə́ to kɔr kum ń ī-rāā ní ō, ādə̄ ɔsə gɔn ra kə́ ī-ra dɔ ndūí tə́ ō, loo kán̄ naā yā de kə́ táĺ gə̄ tə́!

Najə̄ kə́ Majə yā Jeju ń Luk ndang ní 12:5

Ādə̄ m-ɔ́jə́sí deē ń majə kadə̄ ī-ɓōĺniī ní: Ī-ɓōlíī deē ń tɔ̄lī oy anī i kə tɔ́gə kənīī kum hor Gehen tə́ ní. A̰á̰ā̰ m-ə́dásí, i ni n majə kadə̄ ī-ɓōĺniī ní!

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

IJAI 2:4

Ni a gān̄g sarya yān kə́ dɔ dáń nápar de gə̄ tə́ ō, a ra dɔ dáń gír de kə́ ngá̰ý gə̄ tə́ yā gān̄gəń sarya ō. Nin̄ a ɔyn̄ kaskar yādə́ gə̄ yā rāā kɔsə man̄g tə́ ō, a ɔyn̄ nənga yādə́ gə̄ yā rāā ngorong tə́ ō. Ɓē kógə̄ḿ a ḭḭ yā kənī ɓē kə́ rang rɔ̄ɔ̄ to̰ aĺ ō, de kə́ dəngam gə̄ a ndóōn̄ naā loo rɔ̄ɔ̄ to̰ aĺ ō.

PĀ GƏ̄ 86:9

Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

PĀ GƏ̄ 76:7

Nə́ɓā yā Jakob, dan ń ī-ndán̄gdə́ ní, sə́nda gə̄ gə̄gē, ngé kaldə́ gə̄ gə̄gē, rɔ̄də́ oy yélélé.

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

Teē Ngán Israel gə̄ 8:10

Kánə̄n̄ nīńdə́ kə̄ dɔ naā tə́ kə̄ dɔ naā tə́, adə̄ kem ɓē otə ndum rḭḭ.

Teē Ngán Israel gə̄ 9:14

Ń toō na n-a n-rāā kadə̄ yá̰á̰ kə́ tōr̄ yān gə̄ malang a rāānən̄ nəkɔ́ Parao̰ ō, ngé kəla yān gə̄ ō, gír deē yān gə̄ ō, kadə̄ gerə̄ń na de kə́ tītə̄n ni Kɔ́ɔ̄ɓē na gətóo dɔ nang tə́ laā.

JOJUE 4:24

Ni-rāā beé i yā kadə̄ gír de gə̄ malang kə́ dɔ nang tə́ gerə̄n̄ kadə̄ tɔ́gə́ Kɔ́ɔ̄ɓē i ngá̰ý ō, kadə̄ sḭḭ̄ ī-ɓōliīneé ndíĺ Kɔ́ɔ̄ɓē yāsí kə ndɔ̄ gə̄ ō.

ESTER 1:13

Mban̄g dəje gír̄ kə kem ngé ger̄ ndū najə̄ gə̄ tə́ ō jī bēl̄ loo rāā yá̰a̰ gə̄ tə́ ō, tɔdɔ̄ aw̄n̄ kə najə̄ yān malang i nodə́ nin̄ tə́.

DANIEL 2:27

Daniel tūr̄ əda na: Yá̰á̰ kə́ to loo mundə̄ tə́ ń mban̄g sāā ger̄ ní, nge kum kedə̄, aláa nge bógə̄rō de gə̄ aláa nge mbōlí, aláa kɔdə sāā, kə́ asə kɔjə mban̄g kadə̄ ger̄ ní gətóo.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

HABAKUK 3:2

Kɔ́ɔ̄ɓē, kəla rāāí kə́ bo bo gə̄ ní, m-ōō gotə. Kɔ́ɔ̄ɓē, dan ń m-ōō ní, m̄-ndew. Ī-rāā yá̰á̰ kə́ tītə̄ ń noō gə̄ dan ndijí kə kumjí tə́ ō, ī-rāā adə̄ de gə̄ gerə̄n̄də́ dan ndijí kə kumjí tə́ ō. Ká ré wōn̄g rāāī gə̄gē anī, ādə̄ əga kemií dɔ tár yāí tə́.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

2 MBAN̄G 17:39

I Kɔ́ɔ̄ɓē Nə́ɓā yādə́ n kə ndɔ̄ȳnən̄ ní. I ni n na a taādə́ jī madə̄ ba̰ā̰də́ gə̄ tə́ malang yā kəya̰də́ dɔɔ́ ní.

1 YÁ̰A̰ GƏ̄ 16:25

Tɔdɔ̄ Kɔ́ɔ̄ɓē i de kə́ bo ō, asə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý tɔȳ nə́ɓā gə̄ malang ń i ɓesə̄ gə̄ ní.

PĀ GƏ̄ 47:3

Tɔdɔ̄ Kɔ́ɔ̄ɓē Nə́ɓā kə́ dɔɔ́ sa̰y ngá̰ý to ɓōĺ ngá̰ý. Ni i mban̄g kə́ bo dɔ dɔ nang tə́ malang.

PĀ GƏ̄ 86:8

Kɔ́ɔ̄ɓē, dan nə́ɓā gə̄ tə́ malang ní, ni kə́ tītīí gətóo! Yá̰á̰ ń ī-rāā ní, nə́ɓā kógə̄ḿ kə́ asə rāā gətóo.

PĀ GƏ̄ 147:5

Kɔ́ɔ̄ɓē yājí i de kə́ bo ō, tɔ́gən i ngá̰ý ō. Deē asə mbɔ̄jə́ ger̄ yá̰a̰ yān alé.