JEREMI 10:6 - Bibəl ta Sar̄

⁶ Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

Bible sar

⁶ Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

JEREMI 10:6 Referans Kwoze

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

PĀ GƏ̄ 96:4

Tām̄ Kɔ́ɔ̄ɓē i de kə́ bo ō, majə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý ō, tɔȳ nə́ɓā gə̄ malang ń i ɓesə̄ gə̄ ní ō.

PĀ GƏ̄ 48:1

I pā yā ngán Kore gə̄.

NDŪ NAJƏ̄ 33:26

Gō tə́ anī Moijə əda ɓáý to̰ na: Yesurun, nə́ɓā kə́ rang kə́ to tītə̄ Nə́ɓā yāí gətóo. Ni-al̄ kil̄ man̄ sə́ndá tə́ kə tɔ́gɔ́ əndań dɔ rā̰ gān̄g ba mān̄ reē gōí tə́ yā dḭḭ̄.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

PĀ GƏ̄ 145:3

Kɔ́ɔ̄ɓē i de kə́ bo, i náā n asə ger̄ gír. Ɓōkə́nən̄ tɔ̄ȳ asə kə̄ ta tə́ ta ngóy boon̄ gətóo.

DANIEL 4:3

Adə̄ m-ə́da kadə̄ reēn̄ kə ngé kum kedə̄ gə̄ malang kə́ Babilon rɔ̄ḿ tə́ kadə̄ ɔjəmə̄n̄ kum nī ní.

PĀ GƏ̄ 147:5

Kɔ́ɔ̄ɓē yājí i de kə́ bo ō, tɔ́gən i ngá̰ý ō. Deē asə mbɔ̄jə́ ger̄ yá̰a̰ yān alé.

2 SAMUEL 7:22

Adə̄ Kɔ́ɔ̄ɓē Nə́ɓā, ḭ̄ i de kə́ bo, de kə́ tītīí gətóo. Nə́ɓā kə́ rang gətóo, ba i īkɔ́ ngóy tītə̄ ń j-oōń kə mbījí ní.

JEREMI 32:18

I ḭ̄ n ī-rāā majə kə de gēé bátə́ ugə̄ń dɔ gír kojə kə́ nge ko̰ dūbú tə́ ní, ba ḭ̄ ī-rāā ādə̄ ngán gə̄ əgān̄ kə̄rā majaĺ yā bɔbə̄də́ gə̄ ō. Nə́ɓā kə́ bo, go̰ rɔ̄ɔ̄ kə́ ɔl watang, rīí na i Kɔ́ɔ̄ɓē kə́ bo kə́ tɔ́gən i ngá̰ý.

IJAI 40:25

Nə́ɓā kə́ táĺ dəje najə̄, ni-əda na: Ā ɔ́jiī seḿ i náā? I náā n asə seḿ māá ní?

Teē Ngán Israel gə̄ 8:10

Kánə̄n̄ nīńdə́ kə̄ dɔ naā tə́ kə̄ dɔ naā tə́, adə̄ kem ɓē otə ndum rḭḭ.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

IJAI 46:9

Ādə̄ əga kemsí dɔ kum mbang kə́ mān̄ kɔ̄ɔ́ tə́, dɔ yá̰a̰ gə̄ ń rāān̄ yá̰á̰ kété tə́ ní. I mā n i Nə́ɓā ní ō, Nə́ɓā kə́ rang gətóo ō. Nə́ɓā kə́ tītə̄ḿ mā gətóo.

IJAI 46:5

Ɔ́jiī seḿ i náā? I náā n ī-gírī kadə̄ m̄-to tītə̄n ní? Ā ə̄ndāmī i kadə náā tə́ yā kɔjəń kadə̄ jə-teē naā seneé ní?

IJAI 40:18

Nə́ɓā ní deē a ɔjə seneé i náā? Ni to i tītə̄ rí?

PĀ GƏ̄ 35:10

Najə̄ ń a ḭḭ ngarā̰ kemḿ tə́ yā teē taḿ tə́ ní n toó: Kɔ́ɔ̄ɓē, de kə́ to tītīí i náā? Ḭ̄ ī-gān̄g dɔ de kə́ tɔ́gən gətóo jī de kə́ ngan̄g tɔȳn tə́, ī-gān̄g dɔ de kə́ əlan̄ rɔ̄sɔl̄ dɔn tə́ ō nge ndoō ō jī nge kəsa tətōdə́ tə́.

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, ngé tun̄ yá̰a̰ yājí gə̄ ō, ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

NDŪ NAJƏ̄ 32:31

Tɔdɔ̄ mbal̄ yā madə̄ ba̰ā̰jí gə̄ to tītə̄ mbal̄ yājí alé. Nge ń noō ní nin̄ kɔ́ gə̄ gerə̄n̄ ō.

Teē Ngán Israel gə̄ 9:14

Ń toō na n-a n-rāā kadə̄ yá̰á̰ kə́ tōr̄ yān gə̄ malang a rāānən̄ nəkɔ́ Parao̰ ō, ngé kəla yān gə̄ ō, gír deē yān gə̄ ō, kadə̄ gerə̄ń na de kə́ tītə̄n ni Kɔ́ɔ̄ɓē na gətóo dɔ nang tə́ laā.

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

1 YÁ̰A̰ GƏ̄ 16:25

Tɔdɔ̄ Kɔ́ɔ̄ɓē i de kə́ bo ō, asə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý tɔȳ nə́ɓā gə̄ malang ń i ɓesə̄ gə̄ ní.