JEREMI 10:4 - Bibəl ta Sar̄

⁴ Rāān̄ gidə kə gində̄ arjā̰a̰á̰ ō, kə lɔ́rɔ́ ō adə̄ ndə́lē, ba əndan̄ tū kāgə̄ tə́ kə máyá̰ ō kə mūú ō kadə̄ yéȳ kə̄ loo gə̄ tə́ alé.

Bible sar

⁴ Rāān̄ gidə kə gində̄ arjā̰a̰á̰ ō, kə lɔ́rɔ́ ō adə̄ ndə́lē, ba əndan̄ tū kāgə̄ tə́ kə máyá̰ ō kə mūú ō kadə̄ yéȳ kə̄ loo gə̄ tə́ alé.

JEREMI 10:4 Referans Kwoze

IJAI 46:7

Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

IJAI 44:12

Kɔdə̄ rāā ta waĺ kə́ ənī dɔ yā̰l̄ hor kə́ ajə ying tə́ adə̄ atə. Ni ənda waĺ ní kə mō̰ó̰ kə ta kūl̄ tɔ́gə jīneé. Ba dan ń ɓō rāān anī, tɔ́gən gətóo kɔ̄ɔ́. Ré ni a̰ȳ man̄ aĺ anī, kɔr rāān.

PĀ GƏ̄ 135:15

Ɓesə̄ gə̄ yā nápar de gə̄ kə́ rāā kə gində̄ arjā̰a̰á̰ gə̄ ō, kə lɔ́rɔ́ gə̄ ō ní, i deē ndul gə̄ ń rāān̄də́ kə jīdə́ ní.

PĀ GƏ̄ 115:4

Ɓesə̄ gə̄ yā nápar de gə̄ kə́ rāā kə gində̄ arjā̰a̰á̰ gə̄ ō, kə lɔ́rɔ́ gə̄ ō ní, i de gə̄ n rāān̄də́ kə jīdə́ ní.

IJAI 46:6

Ngé kə́rēý gə̄ teēn̄ kə lɔ́ŕ kə́ ngá̰ý kem ngong yādə́ tə́. Nin̄ mbɔ̄jə́n̄ kɔȳ gində̄ arjā̰a̰ kə yá̰a̰ mbɔ̄jə́ kɔȳ yá̰á̰. Nin̄ dəjen̄ kɔdə̄ nge nōō yá̰a̰ kadə̄ rāā nə́ɓā kógə̄ḿ kə adə̄də́. Gō tə́ anī, nin̄ ɔsən̄ nodə́ nang tə́ no nə́ɓā ní tə́ ō, rɔȳnən̄ ō.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!