JEREMI 10:25 - Bibəl ta Sar̄

²⁵ Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

Bible sar

²⁵ Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

JEREMI 10:25 Referans Kwoze

JEREMI 8:16

Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

PĀ GƏ̄ 14:4

Kɔ́ɔ̄ɓē əda na ngé rāā yá̰a̰ majaĺ gə̄ ń noō na gerə̄n̄ yá̰a̰ aĺ rɔ̄kum, tɔdɔ̄ na əsan̄ jī gír deē yān gə̄ ajən̄neé, ba na ɓārə́n̄ rīn nja kógə̄ḿ aĺ bátə́.

Makətūbə̄ yā Job 18:21

Adə̄ nin̄ a ədan̄ na: I yá̰á̰ ń noō ngóy n na̰y loo ɓɔ̄ɔ̄ rɔ̄ yā de kə́ majaĺ tə́ ō, yā kojə yān tə́ ō ní. Loo ń toō i loo kə́ kété de gə̄ gerə̄n̄ Nə́ɓā tū tə́ alé.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

1 TESALONIK 4:5

kanjə̄ kəya̰ ɓō yá̰á̰ kə́ kemən tə́ kadə̄ un dɔn tītə̄ ń de kə́ ndágá gə̄ a rāān̄neé ní.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 50:7

De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

PĀ GƏ̄ 27:2

Ré ngé ndāńg gə̄ ənīmə̄n̄ rɔ̄ɔ̄ yā rə́yām̄ naā tə́ anī, i nin̄ kɔ́ gə̄ madə̄ kɔ̄lə̄ḿ gə̄ ō, madə̄ ba̰ā̰ḿ gə̄ ō n njadə́ a tə́gā naā ō, a téē tə́sōn̄ ō ní.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

KƏLA RĀĀ 17:23

Tɔdɔ̄ dan ń m̄-njə̄rā kem ɓē yāsí tə́ ō, m-ə̄ndā ma̰ȳ yá̰a̰ gə̄ ń ā ī-ndɔ̄yīdə́ gə̄ ní ō anī, m-āw̄ bátə́ m-ə́nge loo tun̄ yá̰á̰ kógə̄ḿ kə́ ndangən̄ najə̄ ń toō dɔ tə́ na: I tām̄ yā nə́ɓā kə́ jə-gerə̄n aĺ tə́. Majə! Yá̰á̰ ń sḭḭ̄ ā ī-ndɔ̄yī kanjə̄ gerə̄n ní, i yá̰á̰ ń toō bang n mā m̄-reē kɔjə̄sí tə́ kadə̄ ī-gerī ní.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

NŌŌ RƆ̄ 2:22

Ī-rāā ādə̄ ɓōĺ kə́ ngá̰ý teē kə̄ ta loo gə̄ tə́ reē dɔḿ tə́, tītə̄ ń de gə̄ a teēn̄neé kə̄ loo gə̄ tə́ yā reē rāā nāā tə́ noó beé. Ndɔ̄ rāā wōn̄g yā Kɔ́ɔ̄ɓē tə́ ní, de kə́ teē ta yo tə́, aláa ndi kə kumneé gətóo. Madə̄ ba̰ā̰ḿ tɔ̄l̄ ngánə́ḿ gə̄ ń m-ə̄tōdə́ kə tárá ngá̰ý ní kɔ̄ɔ́.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

IJAI 43:22

Kɔ́ɔ̄ɓē əda na: Israel, i mā n ī-ɓārə́m̄ ní alé. Banī ḭ̄, gír de gə̄ yā Jakob, kɔr asiī seḿ kɔ̄ɔ́.

JEJU TEĒ KUM JA̰A̰ 16:1

Anī m-ōō ndū deē kógə̄ḿ kə́ bo teē kem kújə yā Kɔ́ɔ̄ɓē tə́. Ni-əda de kə́ dɔ rā̰ tə́ kə́ sīrí gə̄ ní na kə aw̄ kə ɓōkə́n̄ wōn̄g yā Nə́ɓā kə́ kem kópə kə́ sīrí gə̄ ní tə́ dɔ nang tə́.

PĀ GƏ̄ 69:24

Ādə̄ kumdə́ risə til nding ō, a̰a̰ loo to̰ aĺ ō. Ī-rāā ādə̄ nōrə̄n̄ ngung ngándáńg ō.

PĀ GƏ̄ 147:20

Ni-rāā yá̰á̰ kə́ tītə̄ ń noō kə nápar de kə́ rang gēé aĺ ō, nápar de kə́ rang gə̄ gerə̄n̄ gō míndən gə̄ aĺ ō. Aleluya!

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

JEREMI 11:1

Najə̄ ń Kɔ́ɔ̄ɓē əda Jeremi ní n toó:

JEREMI 30:16

Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.