JEREMI 10:21 - Bibəl ta Sar̄

²¹ Ngé ngɔ̄m̄ yá̰a̰ kul̄ gə̄ i mbóo de gə̄, nin̄ sāān̄ Kɔ́ɔ̄ɓē alé. I tām̄ ń toō tə́ n gerə̄n̄ rāā kəla kə gōó aĺ ō, usədə́ dɔ yá̰a̰ kul̄ gə̄ tə́ aĺ ō ní.

Bible sar

²¹ Ngé ngɔ̄m̄ yá̰a̰ kul̄ gə̄ i mbóo de gə̄, nin̄ sāān̄ Kɔ́ɔ̄ɓē alé. I tām̄ ń toō tə́ n gerə̄n̄ rāā kəla kə gōó aĺ ō, usədə́ dɔ yá̰a̰ kul̄ gə̄ tə́ aĺ ō ní.

JEREMI 10:21 Referans Kwoze

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

JAKARI 10:3

Wōn̄g rāām̄ kə ngé kul̄ kə́ majaĺ gēé ō, m-ā m̄-rāā yá̰á̰ kógə̄ḿ kə bal bə̄yā̰ gēé ō. A̰á̰ā̰, mā Kɔ́ɔ̄ɓē kə́ bo kə́ tɔ́gən i ngá̰ý, ɓūtə̄ yá̰a̰ kul̄ yāḿ ń i de gə̄ kə́ Juda ní, m-ā m̄-rāā yá̰á̰ kə́ tōr̄ sedə́. M-ā m̄-rāādə́ sə́nda rɔ̄ɔ̄ yāḿ kə́ majə tə́.

EJEKIEL 34:12

Loo ń ré nge ngɔ̄m̄ yá̰a̰ kul̄ gə̄ ra dan ɓūtə̄ yá̰a̰ kul̄ gə̄ kə́ tə̄ndān̄ naā tḭ̄ḭ̄n̄ kə̄ loo gə̄ tə́ anī, ni a̰a̰ gō batə̄ yān gə̄. M-ā m-á̰a̰ gō yá̰a̰ kul̄ yāḿ gə̄ i tītə̄ ń noō ō. M-ā m-āw̄ gō batə̄ gə̄ tə́, loo malang ń nin̄ aw̄n̄ tū tə́ ní tə́, yā kaw̄ gān̄g dɔdə́. M-ā m̄-njə̄rā kum kə́ tuú tū tə́ ō, kum loo kə́ risə til tə́ ō, yā kaw̄ń gōdə́ tə́.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

JEREMI 8:9

Rɔ̄ ngé kum kedə̄ gə̄ sɔl̄də́, gerə̄n̄ yá̰á̰ kə́ yā rāā alé, əsōn̄ kum gūmbə̄ tə́. Dan ń nin̄ kídə̄n̄ najə̄ yā Kɔ́ɔ̄ɓē ní, yá̰a̰ ger̄ yādə́ kə́ ngá̰ý i rí?

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 49:32

De gə̄ a narə̄n̄ jámbal yādə́ gə̄ ō, a ənīn̄də́ rɔ̄ɔ̄ yā taā ɓūtə̄ yá̰a̰ kul̄ kə́ ngá̰ý gə̄ ō jīdə́ tə́. Ngé dəsā mbāý kə́ mdɔ́ŕdə́ tə́ gə̄ ń noō, m-ā m̄-tə̄ndā yā tḭ̄ḭ̄də́ kógə̄ḿ kógə̄ḿ kə̄ loo gə̄ tə́ ō, m-ā m̄-rāā kadə̄ yá̰á̰ kə́ to nujə loo gə̄ teēn̄ kə̄ ta loo gə̄ tə́ malang kə̄ dɔdə́ tə́ ō. Najə̄ ń Kɔ́ɔ̄ɓē əda ní n noó.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

JEREMI 22:30

Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ Juda tə́ ō ní gətóo.