JEREMI 10:16 - Bibəl ta Sar̄

¹⁶ Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

Bible sar

¹⁶ Nə́ɓā yā Jakob to tītə̄də́ alé. I ni n i nge rāā yá̰a̰ malang ō, *Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 10:16 Referans Kwoze

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

JEREMI 32:18

I ḭ̄ n ī-rāā majə kə de gēé bátə́ ugə̄ń dɔ gír kojə kə́ nge ko̰ dūbú tə́ ní, ba ḭ̄ ī-rāā ādə̄ ngán gə̄ əgān̄ kə̄rā majaĺ yā bɔbə̄də́ gə̄ ō. Nə́ɓā kə́ bo, go̰ rɔ̄ɔ̄ kə́ ɔl watang, rīí na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 31:35

Kɔ́ɔ̄ɓē ń rāā mbang tām̄ kadə̄ loo kə́ kadaá unjə̄ń ō, Kɔ́ɔ̄ɓē ń rāā nāā ō tə́yō̰ gə̄ ō, kə gō naá majə kadə̄ loo kə́ ndɔ̄ɔ́ unjə̄ń ō, Kɔ́ɔ̄ɓē ń əla jīn kum man̄ bā bo tə́ anī i kōō bəngál man̄ gə̄ n ɓārə̄n̄ ō ní, rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 10:12

Tɔdɔ̄ Nə́ɓā i nge ń rāā dɔ nang kə ta kūl̄ tɔ́gəneé ō, əndā yá̰a̰ gə̄ kə kum kedə̄ yānneé ō, teē kem dɔ rā̰ kə̄ gogə́ kə gō yá̰a̰ ger̄ yānneé ō ní.

PĀ GƏ̄ 119:57

Kɔ́ɔ̄ɓē, m-ə́da na dāmə̄n kə́ sɔɔ̄ dɔḿ i ngɔ̄m̄ najə̄ kɔrīí gə̄.

PĀ GƏ̄ 74:2

Ādə̄ əga kemií dɔ gír deē yāí gə̄ ń télən̄ yá̰a̰ yāí gə̄ i jóó ngá̰ý tə́ ní. Ādə̄ əga kemií dɔ gír ɓē gə̄ ń i yá̰á̰ kə́ sɔɔ̄ī á ī-taā tə́ ní ō, ādə̄ əga kemií dɔ mbal̄ Siyo̰ ń ī-rāā kújə ndií dɔ tə́ ní ō.

NŌŌ RƆ̄ 3:24

M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē. I tāmə̄n̄ ń toō tə́ n m-ā m-ə̄ndā kemḿ dɔn tə́ ní.

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

PĀ GƏ̄ 73:26

m̄-ndəlē ō, dan wurəḿ ɔr ō, banī nge rāā seḿ ō, yá̰a̰ halaḿ ō, i ḭ̄ Nə́ɓā ta kaw̄ kə̄ jóo.

Teē Ngán Israel gə̄ 19:5

Adə̄ ń toō ré ōōī najə̄ ń m-ə́dásí ní majə ō, ī-ngɔ̄mī madə̄ naā yāḿ ō anī, ā ī-téliī gír deē yāḿ gə̄ kə́ gātə̄sí i ngá̰ý dan gír de gə̄ tə́ malang, tɔdɔ̄ dɔ nang malang i yāḿ mā,

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

IJAI 51:15

Nə́ɓā yāí i mā Kɔ́ɔ̄ɓē. I mā n i nge pukə́tū bā bo ō, nge rāā kadə̄ kōō bəngál bā gə̄ ɓārə̄n̄ bu bu ō ní. Rīḿ mā i Kɔ́ɔ̄ɓē kə́ bo kə́ tɔ́gən i ngá̰ý.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

IJAI 47:4

Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ táĺ yā Israel.

Gōsə̄ najə̄ gə̄ 16:4

Kɔ́ɔ̄ɓē rāā yá̰a̰ malang i kə kumneé, de kə́ nge kem ndul gə̄gē ni-rāān i tām̄ yā ndɔ̄ yá̰á̰ kə́ to kum kaȳ aĺ tə́.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

JEREMI 10:6

Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

JEREMI 33:2

Kɔ́ɔ̄ɓē ń rāā dɔ nang ō, Kɔ́ɔ̄ɓē ń rāān adə̄ ra ngan̄g ō, ni ń rīn na i Kɔ́ɔ̄ɓē ní, ɔr̄ najə̄ i tītə̄ ń toō beé:

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

JAKARI 2:12

Kɔ́ɔ̄ɓē kə́ bo kə́ tɔ́gən i ngá̰ý əndā najə̄ kə́ bo ngá̰ý taḿ tə́. Najə̄ ń ni-əda dɔ nápar de gə̄ ń ɔyn̄ yá̰a̰ yāsí gə̄ dɔ gúú tə́ ní n toó: Deē ń ənīsí rɔ̄ɔ̄ ní, ənī i yá̰a̰ kənge yāḿ kə́ gātə̄n i ngá̰ý rɔ̄ɔ̄.

Teē Ngán Israel gə̄ 34:9

Gō tə́ anī əda na, dan ń Kɔ́ɔ̄ɓē na rāā kem majə seneé ɓá ní, na n-rāān ɓɔ́ kadə̄ kə dān̄də́ kə aw̄ sedə́. Na n-ger̄ majə kadə̄ de gə̄ ń noō na i de gə̄ kə́ dɔdə́ na ngan̄g ngá̰ý ɓá tā ba kə mā̰ȳ rɔ̄n dɔ majaĺ yādə́ gə̄ tə́ ō, dɔ yá̰á̰ kə́ gōtə́ aĺ gə̄ ń rāān̄ tə́ ní ō, kə rāādə́ gír deē yān gə̄ kə́ rɔ̄kum tə́ ō.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

IJAI 19:25

Kɔ́ɔ̄ɓē kə́ bo kə́ tɔ́gən i ngá̰ý a tɔ́r̄ tan dɔ de kə́ dɔ nang tə́ gə̄ tə́ a əda na: m̄-tɔ́r̄ taḿ dɔ ɓē kə́ Ejiptə ń i gír deē yāḿ gə̄ ní tə́ ō, dɔ ɓē kə́ Asiri ń mə̄kɔ́ m̄-rāā kə jīḿ ní tə́ ō, dɔ Israel ń i yá̰a̰ yāḿ mə̄kɔ́ ō.

JEREMI 46:18

Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!