JEREMI 10:14 - Bibəl ta Sar̄

¹⁴ De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

Bible sar

¹⁴ De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 10:14 Referans Kwoze

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

IJAI 42:17

Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

IJAI 45:16

Ngé tɔ́sə̄ yá̰a̰ rāā nə́ɓā kə́ rɔ̄kum aĺ gə̄ tə́ ní, rɔ̄də́ sɔl̄də́ ngá̰ý ō, ndū asədə́ nák ō. Nin̄ malang ní de gə̄ tájə̄n̄də́ sululu adə̄ ɔtə aw̄n̄ i kə ndū gēé dɔdə́ tə́.

PĀ GƏ̄ 97:7

Ngé rāā ɓesə̄ gə̄ malang ń i ngé kɔjə rɔ̄də́ kə yá̰á̰ kə́ kumən gətóo gə̄ ní, rɔ̄də́ sɔl̄də́. Sḭḭ̄ nə́ɓā kə́ rang gə̄ malang, ɔ́siī nosí nang tə́ no Kɔ́ɔ̄ɓē tə́!

IJAI 44:11

De gə̄ malang ń əhɔn̄ gō yá̰á̰ kə́ tɔ́sə̄ adə̄ ngan̄g ní, əlan̄ i rɔ̄sɔl̄ kə́ ngá̰ý dɔ rɔ̄də́ nin̄ kɔ́ gə̄ tə́. Kɔdə̄ ngé tɔ́sə̄ yá̰a̰ gə̄ nin̄ i deē ndul gə̄ ngóy. Ādə̄ nin̄ ɔsən̄ dɔdə́ naā tə́, ādə̄ nin̄ malang reē ran̄! Ɓōĺ a rāādə́ ō, rɔ̄də́ a sɔl̄də́ ngá̰ý ō.

PĀ GƏ̄ 14:2

Kɔ́ɔ̄ɓē ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰ā̰ ké nge kə́rēý kumən edə̄ sḛ́ý adə̄ a sāā Nə́ɓā wa.

PĀ GƏ̄ 92:6

Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!

PĀ GƏ̄ 94:8

Ōōī, sḭḭ̄ ń i mbóo de gə̄ dan madə̄sí gə̄ tə́ ní, sḭḭ̄ ń dɔsí un yá̰a̰ aĺ ní, ā ī-gerī kum najə̄ i ndɔ̄ kə́ rá tə́?

Gōsə̄ najə̄ gə̄ 30:2

Kə́ rɔ̄kum gə̄ tə́ ní, mā i de kə́ m̄-mbóo m̄-tɔȳ de gə̄ malang. Kur̄ dɔ ń aw̄n̄neé ní mā m-āwń alé.

Makətūbə̄ ń Pol ndang adə̄ Rom gə̄ ní 1:25

Nin̄-unən̄ yá̰á̰ kə́ rɔ̄kum aĺ gə̄ tá əndān̄ kum gotə Nə́ɓā kə́ rɔ̄kum. Nin̄-rɔȳn̄ yá̰á̰ ń Nə́ɓā rāā ní ō, rāān̄ kəla adə̄nən̄ ō. Banī Nə́ɓā nge rāā yá̰a̰ gə̄ ń noō ń kadə̄ tɔ̄ȳnən̄ ngáńdáńg ní, nin̄-rɔȳnən̄ aĺ ō, rāān̄ kəla adə̄nən̄ aĺ ō. Adə̄ i tītə̄ ń noō.

JEREMI 10:5

Ɓesə̄ gə̄ ní ran̄ tītə̄ ndíĺ yá̰á̰ kə́ kudə kem ndɔr̄ kosə́ gə̄ tə́ beē. Ɔrə̄n̄ najə̄ aĺ ō. A ətōn̄də́ i mbéé tá ō. Rɔ̄kum, a ətōn̄də́ i mbée tɔdɔ̄ asən̄ njə̄rā alé. Ī-lōōī ɓōĺdə́ na a rāān̄ yá̰a̰ sesí aĺ ō, asən̄ rāā yá̰á̰ kə́ majə sḛ́ý tām̄ yāsí tə́ aĺ ō.

1 SAMUEL 5:4

Teē kə ndɔ̄ kə́ noō, dan ń Asdod gə̄ teē reēn̄ kem kújə yā Dagon tə́ kə gír looí ɓatə anī, Dagon i kə́ teē əsō ba sébə kumən nang tə́ no sandúkə yā Kɔ́ɔ̄ɓē tə́. Dɔn ō, jīn kə́ jōó gə̄ ō, i kə́ teē tə́sōn̄ ta róbə́ kújə́ tə́, ba na̰y i rɔ̄n ngóy.

IJAI 57:12

Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.