JEREMI 1:5 - Bibəl ta Sar̄

⁵ Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

Bible sar

⁵ Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél *nge koō ta tām̄ yā nápar de gə̄ tə́.

JEREMI 1:5 Referans Kwoze

PĀ GƏ̄ 139:16

Kó̰ó̰ḿ un i mósə́ḿ ɓáý anī ḭ̄ á̰a̰m̄ kɔ̄ɔ́. Ḭ̄ ī-ndang ndɔ̄ḿ gə̄ malang kem makətūbə̄ yāí tə́ kété ta kadə̄ ndɔ̄ gə̄ ní əlan̄ gír ɓáý.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

Makətūbə̄ ń Pol ndang adə̄ Rom gə̄ ní 8:29

Tɔdɔ̄ ngé gə̄ ń Nə́ɓā gə̄rādə́ kété ní, ni-gḛy rāādə́ kadə̄ a ton̄ tītə̄ Ngōnən i kété ō, yā kadə̄ Ngōnən i ngatɔ́gə́ ngákó̰o̰n kə́ ngá̰ý gə̄ ō.

IJAI 49:5

Ba ngɔlaā ní, Kɔ́ɔ̄ɓē ɔr̄ najə̄. Ni rāām̄ kété pá tá kadə̄ ojəmə̄n̄ ɓáý, yā kadə̄ mā i nge kəla yān. Ni ndigə kadə̄ m̄-tél kə ngán Jakob gēé kə̄ rɔ̄n tə́, kadə̄ m-ósə dɔ gír de gə̄ yā Israel gə̄ kə̄ naā tə́. Kɔ́ɔ̄ɓē əhɔ gōḿ ō, Nə́ɓā yāḿ i tɔ́gə́ḿ ō.

IJAI 44:2

Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

Najə̄ kə́ Majə yā Jeju ń Luk ndang ní 1:41

Dan ń Elijabet oō lápə́ya ń Mari rāān ní anī ngōn̄ jənga rik rik kemən tə́. Ndíĺ kə́ Táĺ rosə Elijabet,

Najə̄ kə́ Majə yā Jeju ń Luk ndang ní 1:76

Ba ḭ̄ ngōnə̄ḿ, a ɓāŕnī na i nge koō ta yā Nə́ɓā kə́ dɔɔ́, tɔdɔ̄ ā ī-njə̄rā kété no Kɔ́ɔ̄ɓē tə́ yā rāā gō róbə yān ō,

Teē Ngán Israel gə̄ 33:17

Kɔ́ɔ̄ɓē tél ədan na n-a n-rāā yá̰á̰ ń na əda ngɔr toó, tɔdɔ̄ na n-rāā kem majə seneé ō, na n-gerə̄n kə rīneé ō.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

Teē Ngán Israel gə̄ 33:12

Moijə əda Kɔ́ɔ̄ɓē na kə a̰a̰, na nəkɔ́ na ədan na kə n-ɔr no gír de gə̄ ń noō, ba na ɔjən kə deē ń na a əlan kadə̄ aw̄ seneé ní alé. Tá na i nəkɔ́ n na əda na n-gerə̄n ni Moijə ō, na n-rāā kem majə seneé ō ní.

Najə̄ kə́ Majə yā Jeju ń Luk ndang ní 1:15

Tɔdɔ̄ ni a tél de kə́ bo ta kum Kɔ́ɔ̄ɓē tə́. Ni a a̰ȳ kasə kan̄ kāgə̄ nduú aĺ ō, a a̰ȳ kasə kə́ rang kə́ ngan̄g aĺ ō. Ndíĺ kə́ Táĺ a rosən dan ń ni i kem kó̰o̰n tə́ ɓáý ní.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

EPEJƏ 1:22

Rɔ̄kum, ni-əla yá̰a̰ gə̄ malang gír njan tə́, ba əndān dɔɔ́ dɔ yá̰a̰ gə̄ tə́ malang, dɔ Egəlijə

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

1 KORḚNTƏ 8:3

Ba ré deē táŕ Nə́ɓā anī, Nə́ɓā ger̄ kɔ́ɔ̄.

PĀ GƏ̄ 139:15

Dan ń ī-rāām̄ loo mundə̄ tə́ á, ī-rɔ́tə̄m̄ ta naā tə́ kem kó̰ó̰ḿ tə́ ní, dām̄ looḿ kə́rēý kə́ kumií əsō dɔ tə́ aĺ gətóo.

JEREMI 1:4

Kɔ́ɔ̄ɓē ɔr̄ najə̄ seḿ tītə̄ ń toō beé əda na:

JEREMI 25:13

M-ā m̄-rāā kadə̄ yá̰a̰ gə̄ malang ń m-ɔ̄r̄ najə̄də́ dɔ ɓē ń toō tə́ ní, a reēn̄ dɔn tə́. Yá̰a̰ malang ń ndangən̄ kem makətūbə̄ ń toō tə́ ní ō, najə̄ ń Jeremi oō taḿ tə́ á ɔr̄ sɔɔ̄ dɔ de gə̄ ní ō.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 20:15

Ādə̄ ndɔ̄ĺ i dɔ deē ń aw̄ əda bɔbə́ḿ na: Ojən̄ ngōn̄ kə́ dəngam kógə̄ḿ adə̄nī, adə̄ adə̄n rɔ̄nel̄ ngá̰ý ní.