JEREMI 1:18 - Bibəl ta Sar̄

¹⁸ Ɓōólaā m-ə̄ndāī dɔ ɓē tə́ kə taá malang tītə̄ ɓē bo kə́ ngan̄g ngá̰ý ō, tītə̄ ngaa dan gində̄ ō, tītə̄ ndogə̄ mbal̄ kə́ rāā kə gində̄ nə̄ngá kasaá ta kum mban̄g gə̄ kə́ Juda tə́ ō, de kə́ bo gə̄ tə́ ō, ngé tun̄ yá̰a̰ yān gə̄ tə́ ō, ta kum gír de kə́ kem ɓēé gə̄ tə́ ō.

Bible sar

¹⁸ Ɓōólaā m-ə̄ndāī dɔ ɓē tə́ kə taá malang tītə̄ ɓē bo kə́ ngan̄g ngá̰ý ō, tītə̄ ngaa dan gində̄ ō, tītə̄ ndogə̄ mbal̄ kə́ rāā kə gində̄ nə̄ngá kasaá ta kum mban̄g gə̄ kə́ *Juda tə́ ō, de kə́ bo gə̄ tə́ ō, *ngé tun̄ yá̰a̰ yān gə̄ tə́ ō, ta kum gír de kə́ kem ɓēé gə̄ tə́ ō.

JEREMI 1:18 Referans Kwoze

IJAI 50:7

Kɔ́ɔ̄ɓē Nə́ɓā reē dḭḭ̄m̄, i tām̄ najə̄ ń toō tə́ n ndū yādə́ ɔdə rɔ̄ḿ aĺ ní. m̄-rāā ta kumḿ adə̄ ngan̄g tītə̄ mbal̄ beé. m̄-ger̄ kadə̄ rɔ̄ɔ̄ a tetəm̄ alé.

JEREMI 15:20

M-ā m̄-rāāī kadə̄ ḭ̄ i ndogə̄ mbal̄ kə́ ngan̄g ngá̰ý tām̄ yā gír de gə̄ ń toō tə́. I ndogə̄ kə́ rāā kə gində̄ nə̄ngá kasaá. A rɔ̄ɔ̄nī ba a tetənī rɔ̄ɔ̄ alé. Tɔdɔ̄ mā i naā tə́ seí yā taā dɔí ō, yā gān̄g dɔí ō. Najə̄ ń Kɔ́ɔ̄ɓē əda ní n noó.

JEREMI 6:27

M-ə̄ndāī kadə̄ ḭ̄ i nge nāā gír deē yāḿ gə̄ ō, kadə̄ ḭ̄ i tītə̄ kújə kə ngan̄g ngá̰ý ō, m-ə̄ndāī kadə̄ ḭ̄ i yá̰á̰ kə́ ngan̄g kə́ nge nāā gír deē yāḿ gə̄ ō, nge kəndā ma̰ȳ háĺdə́ ō, nge ger̄ háĺdə́ ō.

JEREMI 37:7

Najə̄ ń mā Kɔ́ɔ̄ɓē, Nə́ɓā yā Israel m-ə́dá ní n toó: Najə̄ ń ā ə́daī mban̄g kə́ Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

JEREMI 38:2

Najə̄ ń Kɔ́ɔ̄ɓē əda ní n toó Deē ń a ndi kem ɓē ń toō tə́ ní, a oy yo kaskar ō, yo ɓō ō, yo mo̰y ngāl̄bɔ̄gīí ō. Deē ń a teē yā kaw̄ nam̄ Kalde gə̄ anī, a ndi kə kumneé ō, a rāā rɔ̄nel̄ teē ń ni teē ta yo tə́ ní ō. Rɔ̄kum ni a ndi kə kumneé.

JEREMI 42:22

Ngɔlaā ní, ī-gerī majə kadə̄ ā óyiī yo kaskar ō, yo ɓō ō, yo mo̰y ngāl̄bɔ̄gīí ō, loo ń sḭḭ̄ ī-gḛyiī kaw̄ ɓɔ̄ɔ̄ rɔ̄sí tū tə́ ní tə́.

JEREMI 34:3

Ḭ̄ ā ī-teē jīn tə́ alé. A əhɔnī kadə̄ ni a rāā yá̰á̰ ń kemən ndigə ní seí. Tasí a a̰a̰ naā kə Babilon ō, ni a ɔr̄ najə̄ seí kə taneé ō, ā āw̄ Babilon ō.

JEREMI 21:4

Najə̄ ń Kɔ́ɔ̄ɓē, Nə́ɓā yā Israel əda ní n toó: Yá̰á̰ rɔ̄ɔ̄ kə́ jīsí tə́ gə̄ ń ī-rɔ̄ɔ̄īneé mban̄g kə́ Babilon ō, de kə́ Kalde tə́ gə̄ ń gīrə̄n̄ gidə ndogə̄ mbal̄ gə̄ ō ní, m-ā m̄-tūr̄ ta kum kə̄ kem ɓēé.

JA̰A̰ 1:42

Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

JEREMI 38:18

Banī ré ī-teē āw̄ əsō kem jī de kə́ bo gə̄ yā mban̄g kə́ Babilon tə́ aĺ anī, ɓē ń toō a əsō jī Kalde gə̄ tə́ kadə̄ a əlan̄ hor dɔ tə́ ō, ḭ̄ ā ī-teē jīdə́ tə́ aĺ ō.

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

JEREMI 15:10

Kum kaȳ aĺ kə́ ba̰ý beē, kó̰ó̰ḿ! Ḭ̄ ójəm̄ mā ń de kə́ kem ɓēé gə̄ malang mbātə́n̄ najə̄ taḿ tə́ ō, nel̄də́ seḿ aĺ ō ní? M-ādə̄ yá̰a̰ loo ndə̄mā tə́ aĺ ō, m̄-taā yá̰a̰ loo ndə̄mā tə́ aĺ ō, banī de gə̄ malang ndɔ̄ĺmə̄n̄.

JEREMI 26:24

Jeremi tā anī, Ahikam kə́ ngōn̄ Sapan ngɔ̄mən ō, ɔgə̄ kəlan jī de gə̄ ń sāān̄ tɔ̄lən tə́ ní ō.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.