JEREMI 1:17 - Bibəl ta Sar̄

¹⁷ Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

Bible sar

¹⁷ Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

JEREMI 1:17 Referans Kwoze

1 MBAN̄G GƏ̄ 18:46

Eli do̰ō̰ ɓōdə̄n ō, Kɔ́ɔ̄ɓē adə̄n tɔ́gə́ ngá̰ý ō, adə̄ ni a̰ȳ ngɔ̄də̄ kété no púsə́ sə́nda yā Akab tə́ bátə́ ugə̄ń Jisreel.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

Najə̄ kə́ Majə yā Jeju ń Luk ndang ní 12:35

Ī-ndiī dɔ rɔ̄sí tə́, ə́hɔī ɓōdə̄sí kə ndāŕ ō, ādī hor i tū lámba yāsí gə̄ tə́ ō.

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

Teē Ngán Israel gə̄ 7:2

Najə̄ ń m-ā m-ə́daī ní ā ə́da ngōkó̰ó̰í Aaro̰. I ni n a ɔr̄ najə̄ kə Parao̰ó̰ kadə̄ əya̰ ngán Israel gə̄ kadə̄ teēn̄ kem ɓē yān tə́ kɔ̄ɔ́ ní.

Makətūbə̄ yā Job 38:3

I beé ní, ī-ndi dəngam dɔ rɔ̄í tə́ na m-ā m̄-dəjeī najə̄ ō, ā ɔ́jəm̄ yá̰a̰ kadə̄ m̄-ger̄ ō.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

KƏLA RĀĀ 20:20

Sḭḭ̄ ī-gerī kadə̄ mā m̄-ɓɔ̄ɔ̄sí dɔ yá̰á̰ kógə̄ḿ kə́ kadə̄ rāā majə sesí alé: M-ə́dásí yá̰a̰ malang ō, m-ɔ́jə́sí yá̰a̰ malang ō, i ndágə loo gə̄ tə́ ō, i kem kújə gə̄ tə́ ō.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

1 KORḚNTƏ 9:16

Tɔdɔ̄ kɔjə de gə̄ Najə̄ kə́ Majə i yá̰a̰ kɔjə rɔ̄ yāḿ alé, tām̄ i yá̰á̰ kə́ m-ásə ndi kanjə̄n alé. Ré m-ɔjə de gə̄ Najə̄ kə́ Majə aĺ anī, yāḿ a majaĺ ngá̰ý!

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.

JEREMI 17:18

Ādə̄ rɔ̄sɔl̄ rāā ngé rāām̄ yá̰á̰ kə́ tōr̄ gə̄, ba ādə̄ rāām̄ mā alé. Ādə̄ i nin̄ n ndewn̄, ba i mā alé. Ī-rāā ādə̄ ndɔ̄ yá̰á̰ kə́ to kum kaȳ aĺ əsō dɔdə́ tə́. Ī-nujə sedə́ ba ī-tél ī-nujə sedə́ ɓáý to̰.

2 MBAN̄G 4:29

Elije əda Geaji na: Ī-do̰ō̰ ɓōdīí ō, ī-taā kāgə̄ yāḿ jīí tə́ ō, ba āw̄. Ré ə́nge deē róbó anī, ī-lōō rāān lápə́ya ō, ré deē rāāí lápə́ya anī, ī-tūr̄ aĺ ō, ba āw̄ ə̄nī kāgə̄ yāḿ ta kum ngōn̄ ní tə́.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.

2 MBAN̄G 9:1

Elije nge koō ta ɓāŕ deē kógə̄ḿ kə́ dan ɓūtə̄ ngé koō ta gə̄ tə́ ədan na: Ī-do̰ō̰ ɓōdīí ō, ún kū yibə̄ ń toō jīí tə́ ō, ba āw̄ Ramot kə́ Galaad.

2 MBAN̄G 1:15

Loo ń noō tə́ de kə́ dɔ rā̰ tə́ yā Kɔ́ɔ̄ɓē əda Eli na kə risə kə aw̄ seneé ba kə ɓōlə́n alé. Anī Eli ḭḭ dɔɔ́ b a risə aw̄ kə ngol áskar gə̄ ní rɔ̄ mban̄g tə́.

JEREMI 1:18

Ɓōólaā m-ə̄ndāī dɔ ɓē tə́ kə taá malang tītə̄ ɓē bo kə́ ngan̄g ngá̰ý ō, tītə̄ ngaa dan gində̄ ō, tītə̄ ndogə̄ mbal̄ kə́ rāā kə gində̄ nə̄ngá kasaá ta kum mban̄g gə̄ kə́ Juda tə́ ō, de kə́ bo gə̄ tə́ ō, ngé tun̄ yá̰a̰ yān gə̄ tə́ ō, ta kum gír de kə́ kem ɓēé gə̄ tə́ ō.

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

JEREMI 26:12

Jeremi əda de kə́ bo gə̄ ō, de gə̄ malang kə́ kem ɓēé ō na: Najə̄ gə̄ malang ń ōōī toō ní, i Kɔ́ɔ̄ɓē n əlam̄ kadə̄ m-ə́da dɔ kújə́ ń toō tə́ ō, dɔ ɓē ń toō tə́ ō ní.

JEREMI 36:8

Baruk, ngōn̄ Neriya, rāā yá̰a̰ malang ń Jeremi nge koō ta mērən rāā ní. Ni tə́da najə̄ gə̄ yā Kɔ́ɔ̄ɓē kə́ kem makətūbə̄ ní tə́ kem kújə yā Kɔ́ɔ̄ɓē tə́.

NŌŌ RƆ̄ 3:57

Ndɔ̄ ń m̄-ɓārə́nń rīí tə́ ní, ḭ̄ ī-ndɔ́tə̄ kə̄ ngɔr rɔ̄ḿ tə́ ba ə́da na kə m̄-lōō ɓōĺ.