JEREMI 1:16 - Bibəl ta Sar̄

¹⁶ M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

Bible sar

¹⁶ M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ *yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

JEREMI 1:16 Referans Kwoze

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

KƏLA RĀĀ 7:41

Loo ń noō tə́ nin̄-rāān̄ ɓesə̄ ngōn̄ man̄g ba tunə̄n̄ yá̰a̰ adə̄nən̄ ō, rāān̄ rɔ̄nel̄ dɔ yá̰á̰ ń nin̄ kɔ́ gə̄ rāān̄ tə́ kə jīdə́ ní ō.

IJAI 2:8

Nə́ɓā kə́ rɔ̄kum aĺ gə̄ taān̄ loo kem ɓē yān tə́. De gə̄ malang a ɔsən̄ i kejədə́ nang tə́ no yá̰á̰ kə́ tɔ́sə̄ rāā yá̰á̰ kógə̄ḿ tə́, no yá̰á̰ kə́ jī deē rāā tə́.

NDŪ NAJƏ̄ 28:20

Kɔ́ɔ̄ɓē a əla kə rɔ̄ tō ndoó ō, ɓōĺ kə́ ngá̰ý ō, yá̰á̰ kə́ to ndíl ka̰ȳ gə̄ ō, dɔí tə́ tū kəla rāāí gə̄ tə́ malang, bátə́ kadə̄ ī-təgāń kɔ̄ɔ́ ō, bátə́ kadə̄ ī-gətóoń kɔ̄ɔ́ gidə kógə̄ḿ tām̄ yá̰á̰ kə́ majaĺ ń ī-rāā á i kəya̰n kɔ̄ɔ́ ní tə́ ō.

OJEE 11:2

Ba gō tə́, dan ń m̄-ɓārə́n ngá̰ý anī, ni əya̰m̄ ba aw̄ sa̰y ngá̰ý ō. Gír deē yāḿ gə̄ ndējə̄n̄ ɓesə̄ Baal gə̄ yá̰á̰ kə́ tun̄ gə̄. Nin̄ róōn̄ ndujə̄ yá̰á̰ kə́ kotə majə gə̄ no nə́ɓā kə́ rɔ̄kum aĺ gə̄ tə́.

OJEE 8:6

Ngōn̄ man̄g yāsí ḭḭ i Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

JEREMI 4:12

Néĺ kə́ əla kə tɔ́gɔ́ ngá̰ý ḭḭ nú a reē kum kə̄ dɔḿ tə́. Ngɔlaā ní, ta i dɔḿ tə́ tā, m̄-gḛy gān̄g sarya dɔdə́ tə́.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

2 MBAN̄G 22:17

De kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā gə̄ ń i ɓesə̄ gə̄ ní. Yá̰a̰ malang ń nin̄ rāān̄ ní adə̄m̄ wōn̄g. Ba wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a dəba alé.

JOJUE 24:20

Ré ā ə́ya̰ī Kɔ́ɔ̄ɓē kɔ̄ɔ́ yā rāań kəla kadə̄ nə́ɓā kə́ mbā gə̄ anī, ni a tūr̄ rɔ̄n kə̄ rɔ̄sí tə́ yā rāāsí majaĺ. Ni ń kété rāā majə sesí ní, a tél yā rāā kadə̄ ī-gətóoī kɔ̄ɔ́ malang.

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

JEREMI 51:17

De gə̄ malang télən̄ de kə́ mbóo gə̄ sɔɔ̄ń yá̰a̰ ger̄ yādə́, rɔ̄ ngé rāā kəla lɔ́r gə̄ sɔl̄də́ najə̄ ɓesə̄ yādə́ tə́. Ɓesə̄ yādə́ kə́ tɔ́sə gə̄ i yá̰a̰ kə́ rɔ̄kum alé, koō gətóo kemdə́ tə́.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

JEREMI 11:12

Ɓē kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a aw̄n̄ yā nōō kə̄ dɔ nə́ɓā gə̄ ń róōn̄ yá̰á̰ kə́ tun̄ gə̄ adə̄n̄də́ ní tə́, ba a asən̄ kajədə́ kum mbang ń yá̰á̰ kə́ to kum kaȳ aĺ a teēń dɔdə́ tə́ ní alé.

JEREMI 10:15

I yá̰á̰ kə́ rāā kanjə̄ kumən gə̄ ō, kə́ to kəgō gə̄ ō. Ré ndɔ̄ kə́ yā kadə̄ ɔjəmə̄n̄neé kəla rāādə́ gə̄ asə anī, yādə́ i yo.

JEREMI 5:29

Ní kə m̄-rāā yá̰a̰ kə de gə̄ ń toō aĺ i ba̰ý? kə m̄-dal ba̰ā̰ dɔ gír nápar de kə́ beé gə̄ tə́ aĺ i ba̰ý? Najə̄ ń Kɔ́ɔ̄ɓē əda ní n noó.

JEREMI 5:9

Ní, kə m̄-rāā yá̰a̰ kə de gə̄ ń toō aĺ i ba̰ý? Kə m̄-dal ba̰ā̰ dɔ gíŕ nápar de gə̄ kə́ beé gə̄ tə́ aĺ i ba̰ý? Najə̄ ń Kɔ́ɔ̄ɓē əda ní n noó.

JEREMI 4:28

I tām̄ ń toō tə́ n dɔ nang əhɔ ndoō ní. No rā̰ əga ndul dɔɔ́ nú, tɔdɔ̄ i yá̰á̰ kə́ m-ún ndūḿ dɔ tə́ kɔ̄ɔ́ ɓá, i yá̰á̰ kə́ m̄-nóm̄ rāā i jóo ngá̰ý. M-ā m̄-lōō gírí alé, m-ā m̄-tūr̄ ndūḿ alé.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

IJAI 65:3

Gír de gə̄ ń too sāān̄ tām̄ kə̄ nja naā tə́ ō, i kə̄ dɔ ndágá wáńg ō. Nin̄-tunə̄n̄ yá̰á̰ kə́ kem ndɔr̄ gə̄ tə́. Nin̄ róōn̄ ndujə̄ yá̰á̰ kə́ kotə majə gə̄ dɔ bəríkə gə̄ tə́ adə̄n̄ nə́ɓā kə́ rɔ̄kum aĺ gə̄.

IJAI 44:15

A rāā hor i kə kāgāá. De gə̄ a unən̄ yā ndíbə̄, aláa yā ndīrəń yá̰a̰ kəsa. Aĺ ɓáa nin̄ rāān̄ nə́ɓā tə́ yā rɔȳn. Nin̄ tɔ́sə̄n̄ yá̰a̰ rāān̄ yá̰á̰ kógə̄ḿ tə́ ba ɔsən̄ nodə́ nang tə́ no yá̰á̰ ní tə́ rɔȳnəń yá̰á̰ ní.

2 YÁ̰A̰ GƏ̄ 34:25

Tɔdɔ̄ de kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā kə́ rang gə̄. Yá̰a̰ malang ń rāān̄ ní adə̄m̄ wōn̄g ngá̰ý. Wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a tetə láẃ alé.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

2 YÁ̰A̰ GƏ̄ 7:19

Banī ré ī-tūrī gidəsí kɔ̄ɔ́ taḿ tə́, ré ī-mbātíī rāā yá̰a̰ gə̄ ń ndū najə̄ yāḿ ədasí kadə̄ ī-rāāī ní ō, ī-mbātíī rāā gō míndə́ḿ gə̄ ní ō, ré āw̄ ī-rāāī kəla adī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīdə́ ō anī,

JOEL 2:11

Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

JEREMI 10:3

Tɔdɔ̄ yá̰a̰ kāgə̄ ɓē yā gír de gə̄ i yá̰á̰ kə́ kanjə̄ kumən. De gə̄ tə́gān̄ kāgə̄ kem kuú ō, kɔdə̄ kāgə̄ tɔ́l kə walá ō.

2 YÁ̰A̰ GƏ̄ 28:2

ndájə̄ i hál mban̄g kə́ Israel tə́ gə̄. Aw̄ bátə́ udə ɓesə̄ tām̄ yā Baal gə̄ tə́.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 7:17

Á̰á̰ yá̰á̰ ń nin̄ a rāān̄ kem ɓē gə̄ kə́ Juda tə́ ō, kum róbə kɔsə gə̄ kə́ Jerusalem tə́ ō ní aĺ a?

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

EJEKIEL 16:18

Ḭ̄ ūtə̄ gidədə́ kə kūbə̄ yāí kə́ kɔsə desḛ̄ḛ tū tə́ gə̄ ō, yibə̄ gə̄ kə kajaja gə̄ ń m-ādī ní, ḭ̄ āwń ī-ndējə̄də́ ō.