JEREMI 1:13 - Bibəl ta Sar̄

¹³ Kɔ́ɔ̄ɓē ɔr̄ najə̄ seḿ ɓáý to̰ nja kə́ nge ko̰ jōó əda na: I rí n á̰a̰ā̰? M-ə́da na: Yá̰á̰ ń m-á̰a̰ā̰ ní, i jóo gində̄ kə́ bo kə́ ndi dɔ hor tə́ a ndīr̄ dām̄ mbɔ́r ɓē kə́ ko̰ó̰ tə́.

Bible sar

¹³ Kɔ́ɔ̄ɓē ɔr̄ najə̄ seḿ ɓáý to̰ nja kə́ nge ko̰ jōó əda na: I rí n á̰a̰ā̰? M-ə́da na: Yá̰á̰ ń m-á̰a̰ā̰ ní, i jóo gində̄ kə́ bo kə́ ndi dɔ hor tə́ a ndīr̄ dām̄ mbɔ́r ɓē kə́ ko̰ó̰ tə́.

JEREMI 1:13 Referans Kwoze

EJEKIEL 11:7

I tām̄ ń toō tə́ n mā Kɔ́ɔ̄ɓē Nə́ɓā m-ə́dásí najə̄ ń toō ní: Ɓē kə́ Jerusalem to i tītə̄ jóo rɔ̄kum, banī dā̰ i de gə̄ ń sḭḭ̄ ī-tɔ̄līdə́ ní. Ba sḭḭ̄ ɓáa m-ā m̄-tə̄ɓāsí kɔ̄ɔ́ kemeé.

EJEKIEL 11:3

Nin̄ ədan̄ na: J-a jə-rāāī kújə gə̄ loo ń toō tə́ laā i ngɔr ń toō tə́ aĺ ɓáý. Jerusalem rāā rɔ̄n i jóo ndīr̄ yá̰á̰ tə́, ba jḭḭ̄ i dā̰ kə́ kemeé.

JAKARI 4:2

Ni dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i kāgə̄ ɗəra hor kə́ rāān̄ kə lɔ́rɔ́, ba jóo yibə̄ i ta tə́. Lámba gə̄ i sīrí ta kāgə̄ hor ní tə́ ō, ta ndo̰ hor gə̄ i sīrí tū lámbá kə́ kógə̄ḿ beē tə́ ō.

TA KƏLA 41:32

Adə̄ ré nī rāā Parao̰ nja i jōó ō, i nī gə̄ kə́ tītə̄ ń naā ō anī, kumən na i yá̰á̰ ń Nə́ɓā a sāā rāā ní, adə̄ a ɔr bā̰ā̰ loo rāān tə́ alé.

JEREMI 24:3

Anī Kɔ́ɔ̄ɓē ədam̄ na: Jeremi i rí n á̰a̰ā̰ ní? m̄-téĺ m-ə́dan na: M-á̰a̰ i kan̄ kótə̄ gə̄. Ngé kə́ majə gə̄ nelə̄n̄ ngá̰ý ō, ngé kə́ majaĺ aĺ gə̄ nelə̄n̄ aĺ ō. Nelə̄n aĺ bátə́ adə̄ dum̄ kəsa.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

EJEKIEL 12:28

I beé ɓá ní, ə́dádə́ najə̄ ń toō ādə̄m̄: Yá̰a̰ malang ń m-ə́da najə̄n kété ní, mā Kɔ́ɔ̄ɓē Nə́ɓā m-ā m̄-rāā yā kadə̄ a reē yā kudə gíŕ kə́ rɔ̄ tə́ ngɔr. Najə̄ ń Kɔ́ɔ̄ɓē ədam̄ ní n noó.

AMOS 8:2

Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.