JEREMI 1:11 - Bibəl ta Sar̄

¹¹ Kɔ́ɔ̄ɓē ɔr̄ najə̄ seḿ əda na: Jeremi, i rí n á̰a̰ā̰? M-ə́da na: Yá̰á̰ ń m-á̰a̰ā̰ ní, i ta jī kāgə̄ amand.

Bible sar

¹¹ Kɔ́ɔ̄ɓē ɔr̄ najə̄ seḿ əda na: Jeremi, i rí n á̰a̰ā̰? M-ə́da na: Yá̰á̰ ń m-á̰a̰ā̰ ní, i ta jī kāgə̄ amand.

JEREMI 1:11 Referans Kwoze

AMOS 7:8

Kɔ́ɔ̄ɓē dəjem̄ najə̄, əda na: Amos, yá̰á̰ ń á̰a̰ā̰ ní i rí? Anī m̄-tél m-ə́dan na: I kəlā kógə̄ḿ kə́ gində̄ pəlo̰ i ta tə́. Kɔ́ɔ̄ɓē un ta najə̄ yān kum kə̄ kété əda na: Yá̰á̰ ń m-á̰a̰ā̰ ní toó: Gír deē yāḿ gə̄ ton̄ i tītə̄ ndogə̄ mbal̄ kə́ ra súmūú aĺ beē. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

AMOS 8:2

Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

JAKARI 5:2

De kə́ dɔ rā̰ tə́ ní dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́. Ndāŕ ní, ngālə̄n i métər kutə kógə̄ḿ ō, laan i métər mí ō.

JAKARI 4:2

Ni dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i kāgə̄ ɗəra hor kə́ rāān̄ kə lɔ́rɔ́, ba jóo yibə̄ i ta tə́. Lámba gə̄ i sīrí ta kāgə̄ hor ní tə́ ō, ta ndo̰ hor gə̄ i sīrí tū lámbá kə́ kógə̄ḿ beē tə́ ō.

JEREMI 24:3

Anī Kɔ́ɔ̄ɓē ədam̄ na: Jeremi i rí n á̰a̰ā̰ ní? m̄-téĺ m-ə́dan na: M-á̰a̰ i kan̄ kótə̄ gə̄. Ngé kə́ majə gə̄ nelə̄n̄ ngá̰ý ō, ngé kə́ majaĺ aĺ gə̄ nelə̄n̄ aĺ ō. Nelə̄n aĺ bátə́ adə̄ dum̄ kəsa.

TƏ́DA 17:8

Moijə nin̄ kə Aaro̰ aw̄n̄ ta kújə kənge naā tə́.

EJEKIEL 7:10

Ndɔ̄ gān̄g sarya n toó, loo kə́ nujə sák sák a əndā i dɔ rɔ̄n danaá. Yá̰a̰ rāā kə́ kə dɔ́nɔ́ a aw̄ i kum kə̄ kété kété ō, kɔjə rɔ̄ a tḭ̄ḭ̄ i rɔ̄n ō.

TA KƏLA 30:37

Ni tə́gā ta jī kāgə̄ popəliye ō, kāgə̄ amand ō, pəlatan ō, tɔ́l ba gán̄g ɓáĺdə́ kə́ ndaa.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

EJEKIEL 12:25

Tɔdɔ̄ i mā Kɔ́ɔ̄ɓē n m-ɔ̄r̄ najə̄ ní ō, yá̰á̰ ń m-ə́dá ní a rāā yá̰a̰ kanjə̄ kɔr bā̰ā̰ ō. A̰á̰ā̰, i dan ń sḭḭ̄ ngé mbātə́ najə̄ gə̄ ī-ndiīneé kə kumsí ɓáý ní n m-ā m̄-rāań yá̰á̰ m-ə́dá ní. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 12:28

I beé ɓá ní, ə́dádə́ najə̄ ń toō ādə̄m̄: Yá̰a̰ malang ń m-ə́da najə̄n kété ní, mā Kɔ́ɔ̄ɓē Nə́ɓā m-ā m̄-rāā yā kadə̄ a reē yā kudə gíŕ kə́ rɔ̄ tə́ ngɔr. Najə̄ ń Kɔ́ɔ̄ɓē ədam̄ ní n noó.